¹ Pengudahnya nya, Paulus angkat ari Atena, lalu mupuk ngagai Korintus. ² Di Korintus ia tetemu ka siku orang Yahudi ke benama Akwila, ke asal ari Pontus, ke baru udah pulai ari Italia enggau bini iya Priskila, laban Klaudius udah muru semua orang Yahudi ari nengeri Roma. Paulus lalu betemu enggau sida ia, ³ Laban ia ngempu pengawa iya ke sama, Paulus diau begulai enggau sida, laban pengidup sida ianya ari ngaga tenda. ⁴ Tiap hari Sabat Paulus betukar penemu pasal buku Kudus dalam sinagoge, nguji nguing ka ati urang Yahudi enggau ati orang Yunani. ⁵ Lebuh Silas seduai Timotius datai ari Makedonia, Paulus nadai ngereja pengawa bukai tang semina madah ka jaku Tuhan, besaksi ngagai orang Yahudi madah ka Yesus nya Kristus. ⁶ Tang Leboh sida nentang serta ngano Paulus, ia ngesai ka jubah ia, Aku bersih. Mulai diatu serta seterus ia, aku deka angkat bejalai agi bansa bansa bukai. ⁷ Ia lalu angkat ari nya, lalu mansang ngagai rumah siku orang bansa bukai ke benama Titius Yustus, ukai urang Yahudi ke nyembah Allah Taala. Rumah Titus Yustus berimbai enggau Sinagoge Nyadi Krispus ke nyadi tuai Sinagoge, ⁸ enggau sida sebilik, arap ka Tuhan, lalu mayuh orang bukai di Korintus ke ninga Paulus bejaku, arap lalu dibaptis. ⁹ Nyadi sekali, lebuh malam hari, Tuhan bejaku ngagai Paulus dalam penampak, “Anang takut, tang majak bejaku, lalu anang diau diri , ¹⁰ laban Aku bisi enggau nuan, lalu nadai urang ulih nyerang nuan lalu medih nuan, laban Aku mayuh nembiak dalam nengeri tu.” ¹¹ Paulus lalu diau dia setaun enam bulan, ngajar jaku Allah Taala ngagai orang. ¹² Tang lebuh Galio nyadi gabenor menua Akhaya, orang Yahudi besaup ngelaban Paulus, lalu mai ia ngagai pengadilan. ¹³ Ku sida, “Orang tu ngumbuk orang mayuh nyembah Allah Taala ngena jalai ti ngelanggar hukum Taurat!” ¹⁴ Lebuh Paulus baru deka bejaku, Galio lalu bejaku ngagai orang Yahudi, “Ati pekara tu pasal penyalah ngelanggar adat tau ka penyai amat amat jai, aku patut mending ka utai ka dtuntut kita orang Yahudi; ¹⁵ Tang laban pekara tu semina bekaul enggau pasal leka jaku, enggau pasal nama orang, enggau pasal adat kita empu, awak ka kita empu meh mutar ka pekara tu. Aku enggai nyadi hakim ngatur pekara tu!” ¹⁶ Galio lalu muru sida ari ruang pengadilan. ¹⁷ Pengudah nya, semua sida lalu nangkap Sostenes ke nyadi tuai sinagoge, lalu malu iya ba ruang pengadilan. Tang Galio enda merati ka semuai utai nya. ¹⁸ Lebuh Paulus udah lama diau dia, ia lalu bejaku enggau sida madah kediri ka bejalai agi bala seiman, lalu belayar ngagai menua Siria, disempulang Priskila seduai Akwila. Ba Kangkrea, Paulus udah ngelaso ka pala ia. ¹⁹ Lebuh sida datai ba Epesus, Paulus ninggal ka Priskila seduai Akwila dia, ia kediri tama agi Sinagoge lalu berandau enggau bala urang Yahudi. ²⁰ Leboh sida minta Paulus diau ba sida lebih lama agi, Paulus nda ulih nerima utai nya” ²¹ Ia madah ka sida deka nerus ka pejalai ia serta bejaku,"aku ka pulai agi kito ati Allah Taala nyuruh aku." Pengudah nya ia lalu belayar ari Efesus. ²² Lebuh ia udah sangkai ba Kaisaria, ia lalu mansang ngagai Yerusalem, meri tabi basa ngagai bala Jemaat dia, lalu udah nya mupuk ngagai Antiokia. ²³ Lebuh ia udah lama diau ba Antiokia, ia angkat lalu bejalai ari endur siti ngagai endur siti ba menua Galatia enggau Frigia, ngering ka semua sida murid. ²⁴ Lebuh maya nya, siku orang Yahudi ke benama Apollos, ke asal ari Aleksandria, datai di Epesus. Apollos tu orang ke lancar bejaku, lalu nemu amat pasal Buku Kudus. ²⁵ Ia udah diajar pasal Jalai Tuhan, lalu ia ransing amat madah ka sereta ngajar enggau betul pasal Yesus, taja pen ia cuma nemu pasal baptis Yohanes. ²⁶ Ia belabuh bejaku enggau berani alam synagoge. Tang lebuh Priskila seduai Akwila ninga ia, seduai ia lalu mai ia ke tisi, lalu nerang ka ngagai ia penemu ia ke betul agi pasal Jalai Allah Taala. ²⁷ Lalu lebuh Apolos ka mupuk ngagai menua Akhaya, bala seiman meransang ia, lalu nulih sepucuk surat agi sida bala murid ia, minta sida nyambut penatai ia. Lebuh ia datai ba Akhaya, ia bebendar nulung sida ke udah arap ulih pengasih Allah Taala nyadi percaya, ²⁸ laban iya balat amat ngalah ka kelikuh orang Yahudi lebuh sida belaban ka penemu enggau ia di mua orang mayuh, lebuh ia nunjuk ka ari Buku Kudus, Kristus nya Yesus.