¹ Nyadi di Kaisarea bisi urang siku benama Kornelius, Iya tu pemesai alam siti bala tentara ti dikumbai bala tentra Italia. ² Iya semua sida sebilik takut sereta nangika Allah Taala. Iya meri mayuh sedekah nggau ati ti gerah mudah ngagai urang Yahudi ke umang, lalu meruan besampi ngagai Allah Taala. ³ Nyadi sekali ba urung pukul tiga ngalih hari, iya besenera meda nggau terang siku malaikat Allah Taala mansang lalu bejaku ngagai iya, ⁴ Kornelius!” Kornelius balat amat takut merening ngagai malaikat nya, lalu bejako, “Nama, tuan?” Melikat nya lalu nyaut, “Sampi nuan nggau sedekah nuan udah niki nyadika pengigat ba mua Allah Taala di surga, ⁵ Diatu asuh urang bejalai ngagai Yope ngambi urang siku ke benama Simon iy ke di sebut Petrus, tukang samak kulit. ⁶ iya diau ba rumah simon ke tukang samak kulit rumah nya ngimbai tebing tasik." ⁷ Lebuh melikat ke bejako ngagai iya udah mupuk, Kornelius lalu ngangauka dua ulun iya, nggau siku tentra ke takutka Allah Taala, ari bala orang ke bekereja ke iya, ⁸ lalu lebuh iya udah madah ngagai sida semua utai ti udah nyadi, iya lalu ngasuh sida mupuk ngagai Yope. ⁹ Hari siti, kira ba urung tengah hari sida datai damping ba negeri Yope. Ba ndur maya nya mega Petrus niki ngagai sadau deka besampi. ¹⁰ Iya lalu berasai lapar deka makai.lebuh pemakai benung di intu, besenera ¹¹ iya meda langit tebuka, lalu utai ti baka kain ti besai diulurka ngena empat iti sukut kain nya. ¹² Utai nya ngundan semua macam jelu, ular enggau burung. ¹³ Petrus lalu ninga munyi nyawa bejaku ngagai iya, “Angkat nuan Petrus, bunuh lalu empa!” ¹⁴ Tang ku Petrus bejako, “Enggai aku, Tuhan, laban aku nadai kala makai utai ti enda tuci tauka kamah.” ¹⁵ Nyawa nya lalu bejaku baru ngagai iya kedua kali, “Utai ti udah dituci Allah Taala, anang nuan ngumbai iya nda tuci.” ¹⁶ Utai nya nyadi tiga kali. Udah nya utai nya lalu tekala nya ditarit pulai ke langit. ¹⁷ Lebuh Petrus agi iran ati berundingka reti senera nya, urang ke dikirumka Kornelius pen datai ba rumah nya. Sida bediri ba mua pintu penama ngagai rumah nya, nanyaka rumah Simon. ¹⁸ Sida ngangau ke siko urang lalu nanya enti Simon ke benama Petrus bisi diau dia. ¹⁹ Lebuh Petrus agi benung mikirka reti senera nya, Roh Kudus lalu bejaku ngagai iya, “Peda nuan, tiga iko urang diatu benung ngiga nuan. ²⁰ Angkat nuan lalu nurun, lalu anang kakang ati mupuk enggau sida, laban Aku udah ngirumka sida kitu.” ²¹ Petrus lalu nurun betemu enggau sida, lalu bejaku, “Aku tu meh urang ke digiga kita. Nama kebuah kita datai kitu?” ²² Disaut sida, “Kornelius, siku pemesai tentra, ke badas sereta nangika Allah Taala, lalu dibasa ke semua orang Yahudi, udah diasuh siku malaikat ti kudus mesauka nuan datai ngagai rumah iya, ngambika iya ulih ningaka utai ti deka disebut nuan.” ²³ Petrus lalu mai sida tama, lalu bemalam enggau iya. Hari siti, iya angkat lalu mupuk enggau sida, lalu sekeda urang Yope ke arap mega nyempulang iya ²⁴ Sehari udah bekau nya sida datai di Kaisarea. Kornelius ndang udah nganti penatai sida, lalu udah ngempuruka semua kaban belayan enggau pangan iya. ²⁵ Lebuh Petrus datai, Kornelius lalu ngambat iya, belutut lalu nyembah iya. ²⁶ Tang Petrus ngasuh iya angkat, ku iya bejako, “Angkat! Aku pen mensia baka nuan.” ²⁷ Lebuh iya bejaku nggau Kornelius, iya tama lalu nemu mayuh urang udah begempuru dia. ²⁸ Iya lalu bejako ngagai sida, “Kita empu nemu, urang Yahudi ndang nda tau begulai enggau urang bansa ukai Yahudi, tauka nemuai ngagai orang bansa bukai, tang Allah Taala udah nunjukka ngagai aku, aku nda tau ngumbai urang enda tuci tauka nda beresih. ²⁹ Nya alai, lebuh nuan mesauka aku, aku lalu datai, Nya alai, diatu aku ka nanya nuan, nama kebuah nuan mesauka aku?” ³⁰ Disaut Kornelius, “Empat hari tu ti udah, ba jam diatu, ba jam tiga ngalih hari, aku besampi alam rumah aku. Siku urang ke ngena gari ti beperencing burak ngenyit bediri di mua aku. ³¹ Ku iya bejaku, ‘Kornelius! Sampi nuan udah didinga Allah Taala, lalu sedekah ti diberi nuan udah dikingatka Allah Taala. ³² Nya alai asuh urang mupuk diatu ngagai Yope lalu nanyaka urang siku ke benama Simon ti dikumbai Petrus. Iya diau ba rumah Simon ke tukang samak kulit, ngimbai tebing tasik.’ ³³ Nya alai aku lalu tekala nya mesanka nuan, lalu nuan udah badas amat datai kitu. Nyadi semua bala kami bisi ditu magang di mua Allah Taala, deka mendingka utai ti udah diasuh Tuhan sebut nuan.” ³⁴ Petrus lalu belabuh bejaku ngagai sida: “Aku nemu enti Allah Taala nda midaka urang. ³⁵ tang alam semua bansa, barang sapa nangika Iya, lalu ngereja utai ti ngena sigi dikerinduka Iya. ³⁶ Kita nemu pesau ti dikirumka Iya ngagai urang Israel, ti ngajar pemadas ulih Yesus Kristus, ke nyadi Tuhan ke semua mensia. ³⁷ kita nemu pasal semua utai ti nyadi diseluruh dunya Yudea, berengkah ari Galilea, udah bekau Yohanes ke madahka pasal baptis, ³⁸ pasal Allah Taala ke mengurapi Yesus urang Nazaret ngena Roh Kudus enggau kuasa, pasal Yesus ke bejalai ngagai mayuh bengkah ndur ngereja pengawa ti badas, lalu ngeraika semua urang ke dirasuk antu, laban Allah Taala bisi enggau Iya. ³⁹ Kami tu saksi ari semua utai ti udah dikereja Iya di menua Yudea enggau di Yerusalem. Udah nya sida munuh Iya lalu ngitang Iya ba kayu salib. ⁴⁰ Tang Allah Taala ngangkatka Iya ari mati ba hari ti ketiga, lalu ngasuh Iya tampak, ⁴¹ ukai ngagai semua urang, tang ngagai kami ke udah dipilih Allah Taala nyadi saksi, ke udah makai ngirup nggau Iya, udah bekau Iya ke angkat ari mati. ⁴² Iya ngasuh kami ngajar urang mayuh, lalu besaksi madahka Iya nya meh urang ke udah ditentuke Allah Taala nyadi Hakim ke urang ke idup nggau urang ke urang ke mati. ⁴³ Semua nabi bela udah besaksika pasal Iya, madahka semua urang ke pecayaka Iya, bulih pengampun ari dosa sida, ulih nama Iya.” ⁴⁴ Lebuh Petrus agi benung bejako, Roh Kudus lalu nurun atas semua urang ke mendingka pesau nya. ⁴⁵ Semua urang kepecaya iya ke besunat, iyaka begulai enggau Petrus, balat amat alit ati meda karunia Roh Kudus udah dituang mega ngagai urang bansa bukai, ⁴⁶ laban sida ninga urang nya bejako ngena jako Roh, sereta muliaka Allah Taala. Petrus lalu bejako: ⁴⁷ “Kati urang ulih nagang urang ke udah nerima Roh Kudus baka kitai ti udah, dibaptis ngena ai?” ⁴⁸ Iya lalu ngasuh sida dibaptis alam nama Yesus Kristus. Udah nya sida lalu minta Iya diau enggau sida dua tiga hari.