¹ Sida rasul enggau urang ke arap di menua Judea ninga pasal urang bansa bukai udah mega nerima jako Allah Taala. ² Nya alae leboh Petrus mansang ngagae Yerusalem, urang Judah ke udah ditutus ngutuk iya. ³ Ku sida, “Nama kebuah nuan nemuai ngagai urang ke enda ditutus lalu makai enggau sida?” ⁴ Petrus alu nerang ka ngaga sida, berengkah ari pun. Ku iya, ⁵ “Leboh aku besampi di negri Yopa, aku meda. alam pemeda nya aku meda site utai nurun ari langit, baka kain te besai, te diurur ka ari langit ngena empat ite sudut iya, alu datae semak aku. ⁶ Leboh aku nilik ke alam, aku tepeda ka jelu jangkit, enggau jelu babas, urar enggau burung alam kain nya. ⁷ Aku mega ninga nyawa bejako ngagai aku, ‘Angkat, Petrus, bunoh alu empa !’ ⁸ Tang ko aku nyaut, ‘Enggae aku, Tuhan; laban nadae utae te enda tuci, tau ka kamah, udah kala tama nyawa aku.’ ⁹ Tang nyawa nya alu nyaut kedua kale ari langit, ‘Utai ti udah dituci Allah Taala, anang nuan ngumbae iya enda tuci.’ ¹⁰ Utae nya nyadi tiga kale. Udah nya, utae nya lalu ditarik pulai baru ke langit. ¹¹ Ba urung maya nya urang tiga iko ke dikirum ka ngagae aku ari Kaisarea ¹² datai ba rumah te alai kami diau. Roh Kudus ngasoh aku bejalai enggau sida enggau enda bepilih mata. Sida enam iko ke arap mega nyempulang aku, alu kami tama ngagae rumah urang nya. urang nya ¹³ lalu madahka ngagae kami pasal iya ke meda siko malekat bediri alam rumah iya alu bejako, ‘Asoh urang mansang ngagae Yopa, ngambe Simon ke dikumbae Petrus. ¹⁴ Iya deka madah ka pesan ngagae nuan te deka nyelamatka nuan enggau semua kita sebilek.’ ¹⁵ Leboh aku belaboh bejako, Roh Kudus nuron atas sida, baka te nyadi ba kitae ba pun iya suba. ¹⁶ Aku alu ingat ka jako Tuhan, jalae Iya bejako, ‘Yohanes baptis ngena ae, tang kita deka dibaptis ngena Roh Kudus.’ ¹⁷ Nya alai, ente Allah Taala mere sida pemere baka te dibere Iya ngagae kitae leboh kitae arap ka Tuhan Yesus Kristus, baka ni ko aku ulih nagang Allah Taala?” ¹⁸ Leboh sida ninga nya, sida alu bado age ngutuk iya. Sida alu muji Allah Taala, ku sida, “Allah Taala udah mega mere ngagae urang bangsa bukae peluang nesal ati alu idop !” ¹⁹ Sekeda sida ke pambar pendiau laban kena perinsa udah bekau Stepanus dibunoh, bejalae nyentuk ngagae Fenisia, Siprus, serta Antiokhia, nusi pesau, tang semina ngagae urang Yahudi aja. Tang sekeda ari bala sida nya urang ke datae ari Siprus enggau ari Kirine. ²⁰ Leboh sida datae di Antiokhia, sida mega nusi Berita Manah pasal Tuhan Yesus Kristus ngagae urang bangsa bukae. ²¹ Kuasa Tuhan bise enggau sida, alu mayoh urang arap alu ngueng ka dire ngagae Tuhan. ²² Tang sekeda ari bala sida nya urang ke datae ari Siprus enggau ari Kirine. Leboh sida datae di Antiokhia, sida mega nusi Berita Manah pasal Tuhan Yesus Kristus ngagae urang bangsa bukae. Kuasa Tuhan bise enggau sida, alu mayoh urang arap alu ngueng ka dire ngagae Tuhan. ²³ Berita pasal to bise didinga Jemaat di Yerusalem. Sida alu ngasoh Barnabas ke Antiokhia. Leboh iya datae di Antiokhia, alu meda berekat Allah Taala, iya gaga amat ati, alu iya meransang semua sida meruan tetap ati ngagae ²⁴ Tuhan enggau pengambeh ati sida, laban iya urang ke manah, ke penoh laban Roh Kudus enggau pengarap. Mayoh amat urang dibae ngagae Tuhan. ²⁵ Udah nya Barnabas mupok ngagae Tarsus, ngiga Saulus. ²⁶ Leboh iya udah tetemu ka Saulus, iya alu mae Saulus ngagae Antiokhia. Seduae iya betemu enggau bala jemaat, sereta ngajar mayoh urang setaon penoh. Antiokhia nya meh endor alae bala murid terubah dikumbae Kristen. ²⁷ Ba leboh maya nya, sida nabi bise datae ari Yerusalem ngagae Antiokhia. ²⁸ Siko ari sida, ke benama Agabus, bediri alu bejako uleh kuasa Roh Kudus, madah ka lapar pungkang deka nyadi di serata dunya. (Utae nya nyadi leboh Klaudius nyadi Raja Besai.) ²⁹ Sida murid alu mere pemutus penemu deka ngasoh genap iko urang ngirom ka tulung, nitih ka penyampau te uleh dibere sida siko-siko, ngagae sida ke arap di Yudea. ³⁰ Sida alu ngereja nya, alu ngasoh Barnabas seduae Saulus mae tulong nya ngagae bala tuae jemaat.