1 O, singim nupela song i go long God Yawe long ol naispela samting em i bin wokim long yumi. Holipela han sut bilong em i mekim em i kamap win man. 2 God Yawe i soim ples klia pasin bilong kisim bek man na em i no haitim stretpela pasin bilong em long olgeta manmeri. 3 Em i tingim promis bilong em na em i lukautim gut ol manmeri bilong Israel. Olgeta manmeri bilong graun bai i lukim God Yawe bilong mipela i winim birua. 4 Olgeta manmeri bilong graun singaut na amamas long God Yawe, kam aut na mekim singsing bilong amamas na litimapim em. 5 Singim song i go long God Yawe wantaim gita na naispela ol song. 6 Wantaim biugel na naispela nois bilong hon mekim gutpela nois i go long King , God Yawe. 7 Larim solwara na olgeta samting i stap insait long en na olgeta husat i stap insait long dispela graun i singaut. 8 Larim ol wara i paitim han bilong ol na ol maunten i amamas na singaut. 9 God Yawe bai i kam long skelim dispela graun wantaim stretpela pasin bilong em.