¹ God Yawe, i gat olgeta stron na pawa larim ples graun i amamas na larim ol planti ples nambis i mas amamas. ² Klaut na tudak i karamapim em. Stretpela pasin na pasin bilong mekim stretpela samtingt i as bilong sia king bilong em. ³ Paia i go pas long em na i daunim ol birua bilong em long olgeta sait. ⁴ Stronpela laitnin bilong em i lait antap long dispela ples na graun i lukim na i guria. ⁵ Ol maunten i kamap malomalo olsem wara bilong kendol klostu long God Yawe Bikpela bilong olgeta ples graun. ⁶ Skai i tokaut long stretpela pasin bilong em na olgeta kantri i lukim glori bilong em. ⁷ Olgeta lain husat i save lotu long ol piksa bilong ol samting bilong graun na kisim biknem bai i sem na husat i kisim biknem long ol giaman god, bai i brukim skru long em, yupela olgeta ol giaman god. ⁸ Saion i harim na i amamas na ol taun bilong Juda i amamas tu, long wanem, stretpela pasin bilong yu God Yawe i stron tumas. ⁹ Long yu, God Yawe, i stap antap tru long olgeta hap bilong graun. Yu i stap antap olgeta long ol narapela giaman god. ¹⁰ Yu husat i laikim God Yawe, lusim pasin nogut long wanem em i save lukatim laip bilong ol wok manmeri bilong em na em i save helpim ol long han bilong ol sin manmeri. ¹¹ Lait i kamap ples klia long ol stretpela manmeri na amamas bilong ol lain wantaim stretpela bel. ¹² Amamas insait long God Yawe, yu stretpela manmeri na givim tok tenkyu long taim yu tingim stretpela pasin bilong em.