¹ Oh, singim nupela song long God Yawe, singsing long God Yawe, long olgeta hap long graun. ² Singsing long God Yawe na litimapim nem bilong em, tokaut long em i kisim bek yupela nau na olgeta dei bihain. ³ Tokaut long biknem bilong em long olgeta hap bilong graun, em i mekim gutpela wok namel long olgeta hap graun. ⁴ God Yawe em i gutpela na stronpela, litimapim nem bilong em i go antap. Em i stap antap na ol arapela giaman god i stap aninit long em. ⁵ Olsem na olgeta god bilong dispela graun ol i giaman god, tasol em God Yawe husat i bin mekim kamap heven. ⁶ Em i stap long bikpela lait long gutpela bilong em yet insait long ples em i stap long em. Stron na gutpela bilas i stap long holi ples bilong em. ⁷ Tokaut long God Yawe, yu wanpela lain manmeri, tokaut na litimapim nem bilong God Yawe long glori na stron bilong em. ⁸ Givim glori long God Yawe olsem nem bilong em i save win tru. Kisim ol samting bilong mekim ofa na kam long ples bilong bum. ⁹ Brukim skru long God Yawe long stretpela pasin bilong em, yupela manmeri bilong graun, yupela i mas guria na kam klostu long em. ¹⁰ Toktok namel long olgeta hap bilong graun, "God Yawe i stap oltaim oltaim. "Olgeta hap bilong graun bai i kamap na graun bai i no inap long guria. Em i save mekim stretpela kot taim em i skelim ol manmeri. ¹¹ Larim heven i mas amamas na larim dispela graun i mas amamas tu, larim solwara i kirap wantaim bikpela nois na singaut wantaim amamas. ¹² Larim olgeta samting i stap insait long hap graun i ken amamas. Bihain larim olgeta diwai insait long bikpela bus bai singaut wantaim amamas, ¹³ long pes bilong God Yawe, long wanem em bai i kam bilong kotim olgeta manmeri bilong graun wantaim stretpela pasin bilong em na long mekim ol wokabaut stret oltaim.