1 God Yawe i stap oltaim, larim olgeta lain manmeri i poret. Em i sindaun antap long ol ensel na graun tu i guria. 2 Long Saion God Yawe em i bikpela na em i gat biknem antap long olgeta manmeri long graun. 3 Em i holi na ol manmeri i mas litimapim biknem bilong em. 4 Strongpela king, i save laikim stretpela pasin. Yu bin mekim mipela i skelim stret pasin bilong ol arapela manmeri. Yu bin mekim gutpela na stretpela pasin long bihainim insait long Jekop. 5 Litimapim nem bilong God Yawe em God bilong yumi na igo klostu long em na lotu long em. Em i holi. 6 Moses na Aron tu i bin stap pris bilong Bikpela na Samuel tu i bin wanpela bilong ol man i bin lotu long em. Ol i prea long God Yawe na em i harim beten bilong ol. 7 Em i stap long bikpela klaut na givim tok long ol. Na ol i bihainim olgeta lo em i givim long ol. 8 God Yawe, yu God bilong mipela, yu bin harim beten bilong ol. Yu God Yawe bilong lusim sin tasol yu save bagarapim ol long pasin nogut bilong ol. 9 Litimapim God Yawe, yu God bilong mipela, brukim skru long em long maunten bilong em, long wanem God Yawe em i holi.