¹ Litimapim God Yawe. Litimapim God Yawe, yupela olgeta i stap long heven; litimapim em yupela olgeta i stap antap tu i mas litimapim em. ² Litimapim em, yupela olgeta ol ensel, litimapim em na yupela husat i save go pas long ol samting i save stap long heven. ³ San na mun i givim biknem long em na i litimapim em na yupela olgeta sta i lait bai i givim biknem long em. ⁴ Litimapim em, ol samting i stap antap tru na ol wara i stap antap long skai. ⁵ Larim ol i givim biknem i go long God Yawe, long wanem em i tok na olgeta samting i kamap. ⁶ Em i mekim ol bai i stap oltaim oltaim na em i mekim lo bai i no inap senis. ⁷ Litimapim nem bilong em long graun, yupela ol tewel bilong dip solwara, ⁸ paia na bikpela ren, sino na klaut wantaim strongpela win bai i inapim tru tok bilong em. ⁹ Litimapim em yupela ol bikpela maunten na liklik maunten, ol diwai i save karim frut na ol diwai sida ¹⁰ na ol wel animol wantaim ol animol i save stap isi, ol animol i save slip long bel na ol pisin. ¹¹ Litimapim God Yawe, yupela ol king bilong graun na olgeta kantri na ol pikinini bilong king na olgeta husat i lukautim dispela ples graun, ¹² olgeta yangpela man na yangpela meri, ol lapun na ol pikinini. ¹³ Larim olgeta i liptimapim nem bilong God Yawe, long wanem nem bilong em tasol i antap tru na glori bilong em i go bikpela long heven na graun. ¹⁴ Em i apim nois bilong ol manmeri long litimapim ol stretpela manmeri na ol Israel wantaim ol manmeri i stap klostu long em. Litimapim God Yawe.