¹ Litimapim nem bilong God Yawe, em i gutpela long litimapim nem bilong em na singim song i go long God bilong yumi, em i gutpela tru inap long yumi litimapim em. ² God Yawe i wokim i kamap gen Jerusalem, em i bungim ol manmeri bilomg ol Israel. ³ Em i save oraitim ol man i stap long bikpela hevi na mekim ol i kamap orait gen. ⁴ Em i save kauntim ol sta na givim nem long ol. ⁵ Bikpela bilong yumi em i gutpela tru na igat olgeta strong, ol i no inap kauntim tingting bilong em. ⁶ God Yawe i save apim ol manmeri husat ol i save stap long bagarap na em i save daunim ol man bilong mekim pasin nogut i go daun long graun. ⁷ Singim song long God Yawe wantaim amamas, singim song wantaim gutpela nek na amamas long God bilong yumi. ⁸ Em i karamapim skai wantaim klaut na redi long givim ren long graun na mekim ol gras i kamap long ol maunten. ⁹ Em i save givim kaikai long ol animol na ol bikpela yangpela pisin, taim ol i singaut. ¹⁰ Em i no save painim amamas insait long strong bilong ol hos na em i no save kisim amamas insait long strongpela lek bilong ol man. ¹¹ God Yawe i save kisim amamas insait long ol husat i save givim biknem long em na husat i bilip na i stap tru long lo bilong em. ¹² Jerusalem, litimapim God Yawe, Saion litimapim God bilong yumi. ¹³ Em i save pasim strong dua bilong geit bilong yumi na em i blesim ol pikinini namel long yumi. ¹⁴ Em i save givim gutpela laip insait long yupela na em i save inapim tru yupela wantaim gutpela wit. ¹⁵ Em i salim olgeta tok i go long olgeta hap bilong graun, tok bilong em i save ron gutpela tru. ¹⁶ Em i mekim waitpela klaut olsem gras bilong sipsip na na em i skelim ol dispela ais i go nambaut olsem ol sit bilong paia. ¹⁷ Em i mekim ol liklik ren i kamap olsem pipia bilong bret, husat inap long i stap strong long taim bilong kol em i salim? ¹⁸ Em i mekim ol liklik ren i kamap olsem pipia bilong bret, husat inap long stap strong long taim bilong kol em i salim? Em i save salim strongpela toktok bilong em i go long bagarapim ol, em i tokim win long pusim wara long rong i go. ¹⁹ Em i tokaut long tok bilong em long Jekop na ol lo bilong em wantaim stretpela lo bilong em long ol Israel. ²⁰ Em i no mekim olsem wantaim ol narapela kantri na long lo bilong em, ol i no save long em. Litimapim God Yawe.