1 Litimapim God Yawe. Litimapim God Yawe, insait long spirit man bilong mi. 2 Mi litimapim nem bilong God Yawe wantaim olgeta bel na tingting bilong mi na bai mi singim song bilong litimapim nem bilong God long taim mi stap laip yet. 3 Yu noken putim bilip bilong yu long ol hetmeri na ol man nating, i nogat wanpela bilong ol inap long kisim bek yu. 4 Taim win bilong wanpela man i stop, em i save go bek long graun na olgeta tingting bilong em tu i save pinis long dispela dei. 5 Dispela man i ken amamas long God bilong Jekop long wanem em i helpim em na husat i putim tingting bilong em long God Yawe em i God bilong em. 6 God Yawe i mekim heven na graun, wantaim solwara na olgeta samting i stap insait long em na em i skelim olsem olgeta manmeri i ken bilip long en olgeta taim. 7 Em i save kilim ol man husat i save mekim ol man i hangre na em i save givim kaikai long ol man i hangre. God Yawe i save rausim ol kalabus i go fri. 8 God Yawe i save opim ai bilong ol aipas; long lukluk gen. God Yawe i save apim husat i save putim em yet i go daun; God yawe i save laikim ol stretpela manmeri. 9 God Yawe i save lukautim ol narapela lain manmeri antap long graun; em i save apim ol man i nogat papa na ol meri we man bilong ol i dai pinis, tasol em i save bagarapim ol man nogut. 10 God Yawe bai i stap oltaim oltaim. God bilong mipela, Saion, em maunten bilong olgeta lain manmeri. Litimapim nem bilong God Yawe.