1 Litimapim God Yawe. Singim nupela song i go long God Yawe, singsing na litimapim God Yawe long ples bung bilong ol lain i holim tru bilip. 2 Larim Israel i amamas long God wanpela husat i mekim ol na larim ol manmeri bilong Saion i ken amamas long king bilong ol. 3 Larim ol i danis na litimapim nem bilong em, larim ol i singsing na litimapim em wantaim tambarin na gita. 4 Long wanem, God Yawe save belgut long ol manmeri bilong em na em i save apim ol lain husat i daunim ol yet wantaim helpim bilong em na kisim bek ol. 5 Larim ol lain bilong God i amamas taim ol i win, larim ol i singsing wantaim amamas long bet bilong ol. 6 Larim amamas bilong litimapim God i ken stap long maus bilong ol na bainat i gat sap long tupela sait long han bilong ol 7 long go het na bekim bek long ol kantri na mekim save long ol manmeri. 8 Ol bai pasim ol king bilong ol wantaim sein na ol bikman i gat gutpela nem wantaim stronpela ain sein. 9 Ol bai inapim bikpela kot bilong God ol i raitim na stap pinis. Dispela em bai amamasim ol lain i holim tru bilip na litimapim God Yawe.