¹ Harim beten bilong mi, God Yawe, putim yau long bel krai bilong mi. Long gutpela na stretpela pasin bilong yu, bekim beten bilong mi! ² Yu noken go insait na skelim wokman bilong yu, long ai bilong yu i nogat gat wanpela em stretpela man. ³ Birua em i save bihainim sol bilong mi na brukim mi i go daun long graun na em i mekim mi slip kirap long tudak olsem ol man i dai pinis bipo. ⁴ Spirit bilong mi i tingting planti insait long mi na bel bilong mi i no inap i stap stret. ⁵ Mi tingim ken i go bek long bipo taim, mi tingting long gutpela bel bilong yu na stretpela pasin bilong yu. Mi tingim ken olgeta samting yu bin kamapim long yu yet. ⁶ Mi apim han bilong mi i go antap, spirit bilong mi i nek drai long yu long ples i nogat wara. Sela. ⁷ God Yawe, bekim beten bilong mi hariap, long wanem spirit bilong mi em i nogat strong moa. Yu noken haitim pes bilong yu long mi, nogut mi i go daun olsem ol lain i go daun pinis long hul. ⁸ Larim mi i harim tok promis bilong yu long monin, long wanem mi i gat bilip long yu. Soim mi wanem rot mi mas i go, olsem na mi litimapim sol bilong mi i go long yu. ⁹ God Yawe, rausim mi long han bilong ol birua, mi ranawe i kam hait insait long yu. ¹⁰ Skulim mi long bihainim laik bilong yu, long wanem yu tasol yu God bilong mi. Larim gutpela Spirit bilong yu i kisim mi i go long ples antap i pulap long stretpela pasin. ¹¹ God Yawe, long biknem bilong yu larim mi i stap laip, long stretpela pasin bilong yu kisim spirit bilong mi i kam aut long hevi. ¹² Long strongpela tok promis bilong yu, rausim ol birua bilong mi na bagarapim olgeta birua long laip bilong mi, long wanem mi wokman bilong yu.