1 Mi singaut na krai long God Yawe i ken helpim mi. Mi askim God Yawe i ken inapim mi, 2 Mi kapsaitim sori bilong mi antap long em na mi tokim em olgeta hevi bilong mi. 3 Taim spirit bilong mi i nogat strong, yu save long rot bilong helpim mi. Long rot mi wokabaut long en, ol i was long holim mi. 4 Mi lukluk i go long han sut, mi lukim olsem i no gat wanpela inap helpim mi. I nogat rot long bai mi ranawe na i nogat wanpela inap was long laip bilong mi. 5 God Yawe mi singaut long yu na mi tok, yu ples hait bilong mi, mi stap long hap graun bilong mi. 6 Harim singaut bilong mi, ol i bin putim mi go daun tru, Helpim mi long ol birua bilong mi, strong bilong ol i winim strong bilong mi. 7 Kisim sol bilong mi i kam autsait long kalabus na bai mi ken tok tenkyu long nem bilong yu. Stretpela pasin bai i stap wantaim mi, long wanem, yu bin mekim gut tru long mi.