¹ God Yawe, yu bin sekim mi na yu save long mi. ² Yu save taim mi sindaun na taim mi kirap. Yu save gut long tingting bilong mi taim mi stap long we tru long yu. ³ Yu lukluk gut tru long wokabaut bilong mi na sindaun bilong mi, yu stap klostu long mi na save gut long olgeta pasin bilong mi. ⁴ Bipo tok i stap long maus bilong mi, yu save gut tru, God Yawe. ⁵ Long baksait bilong mi na pes bilong mi, yu raunim mi na yu putim han bilong yu antap long mi. ⁶ Dispela kain save i bikpela tumas long mi na i antap tumas, mi no inap i kam long dispela mak. ⁷ Bai mi go we long Spirit bilong yu na wanem hap bai mi ranawe long pes bilong yu? ⁸ Sapos mi i go antap long heven, yu stap long hap na sapos mi mekim bet bilong mi long ples bilong dai man, tru yu stap tu long hap. ⁹ Sapos mi gat win olsem pisin na flai olsem em i save flai long monin na i go stap longwe long narapela hap bilong sol wara, ¹⁰ tasol long hap han bilong yu bai i kisim mi go yet na bai han sut bilong yu bai i holim mi. ¹¹ Sapos mi tok, " Tru tumas tudak bai i karamapim mi na tulait bai i kamap tudak long raunim mi," ¹² na tu tudak bai i no inap kamap tudak long yu.Tudak bai i givim lait olsem san long dei taim, tudak na tulait tupela i kamap wankain long yu. ¹³ Yu kamapim olgeta insait bilong mi na yu kamapim mi insait long bel bilong mama bilong mi. ¹⁴ Bai mi litimapim yu , long wanem yu wokim mi narakain stret na spirit bilong mi i save gut tru long dispela. ¹⁵ Ol bun bilong mi ino hait long ai bilong yu taim yu wokim mi insait long hait ples na yu tingting gut tru na wokim mi daunbilo long graun. ¹⁶ Yu bin lukim mi pinis insait long bel bilong mama na olgeta dei bai mi stap, yu makim mi pinis long buk bilong yu taim wanpela i no kamap yet. ¹⁷ Olsem wanem long gutpela tingting bilong yu long mi, God! Na olsem wanem long planti gutpela samting! ¹⁸ Sapos mi traim long kauntim ol namba bilong ol bai i planti moa olsem wesan. Taim mi kirap long slip mi stap yet wantaim yu. ¹⁹ Sapos bai yu kilim ol sin man, God; Go longwe long mi yupela ol bikhet man. ²⁰ Ol i no wanbel long yu na ol i mekim planti ol giaman tingting; ol birua bilong yu i tok giaman tasol. ²¹ Yu ting mi no bel nogut tru long ol, God Yawe, husat no laikim yu? yu ting mi no luk daun long ol husat i traim long bagarapim yu? ²² Mi les long ol olgeta; long wanem ol i kamap birua bilong mi. ²³ Sekim mi, God na save long bel bilong mi; traim mi na save long tingting bilong mi. ²⁴ Lukim sapos i gat sampela pasin nogut insait long mi na kisim mi i go long rot i stap oltaim oltaim.