1 Bai mi givim tenkyu long yu wantaim olgeta bel bilong mi na long ai bilong ol giaman god bai mi singim ol song bilong litimapim yu. 2 Bai mi daunim het i go long haus holi bilong yu na givim tenkyu long yu long wanem yu holim tru kontrak na gutpela nem bilong yu. Yu mekim tok bilong yu na nem bilong yu, i kamap nambawan long olgeta samting. 3 Yu bin harim mi long dispela dei mi singaut long yu na yu mekim mi i no pret na yu givim strong long sol bilong mi. 4 Olgeta king bilong graun bai givim tenkyu long yu God Yawe, olgeta yet bai harim tok i kam long maus bilong yu. 5 Tru tumas, ol bai singim ol song long ol wok bilong God Yawe, bilong wanem olgeta biknem em bilong God Yawe tasol. 6 Long wanem God Yawe i stap antap tru, tasol em save tingim ol lain husat i daunim ol yet na givim baksait long ol man i apim nem bilong ol yet. 7 Maski mi wokabaut namel long ples bilong bagarap, yu bai lukautim mi. Bai yu sakim ol birua husat i belhat long mi na helpim mi wantaim han sut han bilong yu. 8 God Yawe bai stap wantaim mi i go inap long arere bilong laip, God Yawe yu holim tru kontrak bilong yu na em stap yet oltaim. Noken givim baksait long ol lain husat yu bin mekim long han bilong yu yet.