¹ God Yawe mi litimapim yu na yu noken stap isi, ² Long wanem, ol man nogut na ol man bilong giaman i laik pait long mi na ol i mekim planti toktok giaman long mi. ³ Ol i raunim mi na mekim ol tok nogut long mi na paitim mi taim mi nogat asua. ⁴ Long bekim laikim bilong mi long ol, ol i sutim tok nating long mi tasol mi save beten long ol. ⁵ Ol i bekim wantaim pasin nogut long gutpela pasin bilong mi na ol i les long laikim bilong mi. ⁶ Yu makim wanpela man bilong mekim pasin nogut i bosim ol lain birua olsem ol dispela manmeri na makim man i save sutim tok nating long sanap long han sut bilong en. ⁷ Taim ol i kotim em, ol man i ken painim asua bilong em na larim ol beten bilong em bai i kamapim olgeta pasin nogut bilong em. ⁸ Larim ol dei bilong en long graun bai stap sotpela taim tasol na arapela man i ken kisim wok bilong em. ⁹ Ol pikinini bilong em bai i nogat papa na meri bilong em bai i stap olsem em i nogat man. ¹⁰ Olgeta pikinini bilong em bai raun nating na askim tumas long ol samting na bai ol i askim long moni samting taim ol i lusim haus bilong ol. ¹¹ Larim ol man bilong givim dinau kisim olgeta samting ol i gat long en na larim ol narapela lain man i ken bagarapim ol samting bilong ol. ¹² Nogat wanpela man bai soim gutpela pasin long em na nogat wanpela man bai sori long ol dispela pikinini i nogat papa. ¹³ Na olgeta pikinini bilong em bai i pinis olgeta na olgeta nem bilong ol bai i no moa i stap long lain tumbuna pikinini i kam bihain. ¹⁴ Ol sin bilong ol tumbuna bilong em bai i tokaut ples klia long pes bilong God Yawe na ol sin bilong mama bilong em bai ol ino inap lusim tingting. ¹⁵ Long olgeta taim asua bilong ol bai i stap klostu long God Yawe na larim God Yawe i pinisim ol tru long dispela graun. ¹⁶ Larim God Yawe i mekim olsem long wanem, dispela man i no save soim pasin bilong sanap strong long kontrak bilong God tasol nogat, em i save tingting planti na daunim ol lain i save sot na i laik i dai. ¹⁷ Em i save laikim tumas tok nogut olsem na larim i kam bek long em. Em i save les long ol gutpela samting na ol gutpela samting bai i no inap kam long em. ¹⁸ Em i save bilasim em yet wantaim tok nogut olsem klos bilong em, tok nogut bilong em i olsem wara i kam insait long bel bilong em na i olsem wel insait long bun bilong em. ¹⁹ Larim tok nogut bilong em i stap long em olsem klos bilong karamapim em yet na olsem let em i save putim. ²⁰ Larim dispela kain pasin i ken kamap olsem pei bilong ol man husat i save kros long mi i kam long God Yawe na long dispela ol man husat i save mekim kain tok nogut long mi. ²¹ God Yawe Bikpela bilong mi, mekim gut long mi antap long nem bilong yu. Long wanem, kontrak bilong yu em i gutpela na i helpim mi. ²² Long wanem mi pilim daun na nogat samting na bel bilong mi i bruk insait tru. ²³ Mi olsem wanpela seido bilong avinun i laik pinis na mi olsem bikpela grasopa ol i rausim i go. ²⁴ Skru bilong mi i nogat strong moa long pasin bilong tambuim kaikai na beten, olsem na mi kamap bun nating. ²⁵ Mi pilim hevi tru long ol pasin ol man bilong sutim tok nating i mekim long mi na taim ol i lukim mi ol i save tanim het bilong ol. ²⁶ Helpim mi God Yawe, God bilong mi, helpim mi long bilipim promis bilong stretpela pasin bilong yu. ²⁷ Larim ol i ken save olsem dispela em i wok bilong yu, olsem na yu God Yawe i bin mekim dispela wok pinis. ²⁸ Maski ol i mekim tok nogut long mi, yu mekim gut long mi na taim ol i laik kam paitim mi, larim ol kisim sem, tasol larim wokman bilong yu i ken amamas. ²⁹ Larim sem i karamapim ol birua bilong mi olsem ol i putim klos na larim sem i karamapim ol olsem longpela klos. ³⁰ Wantaim maus bilong mi, mi tok tenkyu tru long God Yawe na bai mi litimapim em namel long ol manmeri. ³¹ Long wanem, em bai sanap strong long han sut bilong man i sot tru long samting na helpim em long ol man i kotim em.