1 God Yawe i tok long masta bilong mi, "Sindaun long han sut bilong mi, inap mi mekim ol birua bilong yu i mas kam ananit long lek bilong yu." 2 God Yawe bai holim stik bilong strongpela pawa long maunten Saion na bai yu bosim ol birua bilong yu. 3 Ol lain manmeri bilong yu bai bihinim yu long holi bilas long laik bilong ol yet long dei bilong strong bilong yu na ol yangpela man tu bai kirap long monin taim tru long helpim yu olsem wara long gras. 4 God Yawe i tokaut pinis na i no inap long senis: "Yu pris oltaim oltaim, bihain long pasin bilong Melsisedek." 5 Bikpela i stap long han sut bilong yu. Em bai i kilim ol king long taim na dei belhat bilong em i kirap. 6 Em bai skelim olgeta kantri na em bai pulapim ples bilong pait wantaim ol dai man, em bai kilim olgeta hetman bilong olgeta kantri long graun. 7 Em bai dring long liklik wara long rot na em bai i apim het i go antap long soim olsem em i winim pait.