¹ Bel bilong mi i stat stret, God, yes bai mi singsing na bai mi singsing na givim biknem wantaim bel amamas bilong mi. ² Kirapim lut na gita, mi bai mekim tulait i bruk. ³ Bai mi tok tenkyu long yu God Yawe, namel long ol manmeri bai mi singim song long givim biknem i go long yu namel long ol kantri tu. ⁴ Long gutpela lo bilong yu na trupela pasin bilong yu bikpela i antap long heven na long trupela toktok ol man i ken bilipim yu i go long olgeta hap bilong skai. ⁵ Litimapim, God antap long heven na larim strong bilong yu mas karamapim olgeta ples graun. ⁶ Olsem na husat i laikim yu bai i kam aut na helpim mipela wantaim han sut bilong yu na tokim mi. ⁷ God i toktok insait long stretpela pasin bilong em, "Mi bai amamas long wanem, mi bai brukim Sekem na skelim i go aut long olgeta ples daun bilong Sukot." ⁸ Ples Giled i bilong mi, Manase i bilong mi na Ifreim tu i hat kapa bilong mi na Juda i stik king bilong mi. ⁹ Moap em hap bilong mi waswas na antap long Idom bai mi tromoi su bilong mi na bai mi bikmaus wantaim amamas long ol Filistia i lus. ¹⁰ Husat bai kisim mi go insait long strongpela biktaun? Husat bai kisim mi go long Idom?" ¹¹ God, ating yu no les long mipela? Yu no go insait long pait wantaim ol ami bilong mipela. ¹² Helpim mipela long winim ol birua bilong mipela, long wanem, helpim bilong man em i samting nating. ¹³ Bai mipela i winim pait wantaim helpim bilong God na em bai daunim ol birua bilong mipela.