¹ Bana ba mayi u mamanasha ma dja bukimi, nyek'anana u kumu. Kanda neneke wu teke wu bupundushu meyi mana ma moko ma moko,ndo miyi ake ishini busheke buini. ² Bua kek'anana a ba mbua, bua keb'anana a bakera mingunu nya mibe,bua keb'anan'ando bate ba babe ba batara banda poto ndja burungu. ³ Ishin'ande biti bana ba batara banda poto ndja burungu ba basheke,yiyi biti bana tshua meke toro Ndjambe u nyumu,bana tshua meke totombo u Yezu kristu, ndo ba mereke we shiki nteme u meyi mi rutoko. ⁴ A miyi, mbiti, ndark shiki nteme u meyi mi rutoko. Mbe moto ndjueke yar'ando djengiyi djia ruera shiki nteme u meyi mi rutotko, miyi ndi ruere shiki nteme wu shamba, ⁵ Miyi yono a batara banda poto burungu rushuwu ru inama, muina ikundu ra Isarere ndjua irondjo ra bora Benjamin, muina Hebere ndjua a boto banda u bina Hebere ishini mikendje, mufarase. ⁶ Ishini nkomo mua kere rueyi, n'nasha ndjua ekereziyi, yapa moto ndjua wu koriyi,wu rende meyi mana ma nendeke rongo rua bara-bara ru mikendje. ⁷ Keke bikete djini dja war'a nganga u miyi, miyi ku bimono ngo bikete dja ngana-ngono, ishini kristu. ⁸ Ndo ake nda ngoshoko bikete dja bikimi ngo dja ngona-ngono ishini ndembe ndja buyekere bua kum'ame Yezu kristu,ishini yande yono a kere miyi dja bikimi, ndark'bimono itoto ishini miyi wu woko kristu. ⁹ Ndo wu monyiya u yande, kuap'ando rongo ruama,runu rua miki punu u mikendje,kek'ake u runu rua miki u maweshere ma kristu,rongo rua punu u bora Ndjambe u mboko maweshere. ¹⁰ Keke ndi yebe Kristu ndo mangoro mi mawumuwu mande, ndo u mawokosho mi mitanda wu puariya u iwa rande,ishini ku we toro. ¹¹ A mbishi yini, miyi wu we toro, u mawumuwu u ndenga bawa. ¹² Dja kap'ande nda ma buishi mpoto, mbe kuap'ake nda ma yereme ndjua ntsheke keke nda ntshiniki banga, ishini kushoko ipu ra miyi wu ribuishi, ishun'ande a miyi ake Yezu kristu a ma manashoko. ¹³ Bana ba manyi,nda nyebek'ande shi ndatoko ripete,keke ndaka kere ikate imoko, Wu rimbi rini riyi u mbishi ndo wu wende u rini riyi u bosho, ¹⁴ Nda meke mbanga ra rueyi rua runene, ishini ku ku buishi ikapa ri mawururu ma Ndjambe u Yezu kristu. ¹⁵ Biti bakim'ake bana tshuiyi bate ba yemene, tshuar a mana ndo buanya bumoko,mbe ake buara u meyi meke ndo djengiyi dji ipu reke Ndjambe yi buye buyembeshe a y'ande a riki rini. ¹⁶ Pa ake u iraka ra miyi biti toro, tshua bok'ana para ipu imoko. ¹⁷ War'ana buini bakimi ba wokoro bame, bana ba mayi ndo totor'ana mishi u bana ba moko para wu raba ipu ri bun'a rindi u biti. ¹⁸ Ishin'ande buyi ba buiki bana ba munguku ngo bin'ike mbe ra nte mwa wesheshe mua kristu, ndo meke bushosh'a rundu shoko sha buiki ndo nda kaka ru toto a ngowo ndo birere u mishe. ¹⁹ Mamanasha ma banda mi wara marimini ma shera- shere biyi a Ndjambe ngo ikundu ra banda ba meke shiki rutono rua banda u rini ra nkereke bushonyo bua banda, ba meke wengiyi pa ku bikete dja shin'amana. ²⁰ Keke bora buiti buiyi riki,kek tshua makaka ngondjoro kumu Yezu kristu. ²¹ Yono yi barara rutoko ruiti rua rembe wu ru yemeshe ipu rimoko ngo rutoko ru rutono ruanda u bunono buinu buiy'ande ishini kushiki bikete dja bikimi u shin'a para shande.