¹ Iraka rini buini bana ba maya bi ruwondo, bana ba maya ba nganga, buini buriyi bunyaka buama ake pok'ame ndja rutono,bushara ba yembete u kata kumu, buini bana ba maya. ² Ndak'burombo buini bana ba maya bana Evodi ndo Syntyshe buar'ando manya ma moko u kata kumu. ³ Aweneke mbay'ame ndjua bara-bara ek ndaki romb'ande wu bawasheke banda bamanan'ando me itumbu ishini rusanga rua rusheke aki Clement ndo bashama beke ba ngunu mua Ndjambe bana kombo sha banda shiyi u nkanda mua monyo. ⁴ Nyak'anana matuwu ma mamakimi u kakata kumu ranka bushosh'ande nyak'anana. ⁵ Poroo shini shuwara sha yebe u bate ba ba bimi, kumu yiyi ngama. ⁶ Areke buiya yeke ndjoro u rueyi rumoko,keke u meyi ma makimi busoshoshoko Ndjambe u mboko ndja marombo ndo buntsundjuek miyi mini,ando wunkarashaka maranga. ⁷ Keke poroo sha Ndjambe ,shini sha neke buanya bua bukimi,shirondo miteme nyini ndo manya mini u Yezu kristo ⁸ Bana ba maya u djini dja ntshara,meyi ma makimi miyi bara-bara, miy'ando rutono, meyi ma makimi mana miyi mayemene, meyi ma makimi mana miyi ma yeme ishini miteme meyi ma makimi mana miyi mi ruwondo meyi ma makimi mana miy'ande rusanga rua rusheke, mana miyi busheke ndo mayereme a rutono mara ngo rueyi rua runene ru maboko ma buanya buini. ⁹ Mana mawosho buni,mana mawoko buini,ndo mana mamono buini u miyi, bu kerek'anana meyi mana. Keke Ndjambe ndjua poroo iwar'ayini. ¹⁰ Keka ngowo nda nyaka buika-buika u kumu ipu ra ngosho buini mboko ndja wushundj'ande buak puibunwu. Nda mono rueyi runu ngo mayekere ma mipunu u bora kumu Yezu. U bara-bara buawara bu puibuwa,keke kabuashe pete mboko ndja buini wu rukere. ¹¹ Djakap'ande re ntotoko ngowo ishini nyinyi ndja biket, ishini ayeri miyi wu wara a bunyaka ipu ra rikimi ra weke miyi wara. ¹² Ndak yebe ipu riwara, mbe kubere war'ande biroko mbe itanga riyi miyi ndo biroko. U ma makimi ndo dja bikimi ramak yiri wu wara ndjua wutu ndo wu wara a ndjara, wu wara u kata bikete dja buiki ndo a wu wara u kata a ntanda. ¹³ Ndak yebe wu kere meyi ma makimi ishini yoyono ampuindiriki. ¹⁴ U rueyi runu bua mekere busheke a tomosho buini bikete itanga rawara miyi u ntanda. ¹⁵ Buak'ruyebe buini bina Firipi,u matapara mi mayishi mi rusanga rua rusheke,itanga rako buwa miyi u Masedoine. kuapa a Ekerezia a imoko ya shundju bakete djini dja weke ba bayeke ndo dja weke ba wosho. ¹⁶ Pamunu buin'amene buakere rueyi runu ishin'ande awara miyi u Tesaronike bua ma tomosho bikete dja war'ando mi nyingi shoko ipende. ¹⁷ Kuap'ande rantshotoko bupeke bikete,keke rantshotoko ndombo shi puru u bikete djini. ¹⁸ Ndamana wosho bukete ndjimi. ndo ndapurushu bikete dja buiki, ndjiyi ndjua yemene ndo bikete dja bikimi, wu wosho u bora Epafrodite, djini dja wi punu u bora buini ngo shara ndja shoro ndja isheke, namba mua meke weshe Ndjambe, munu mua meke nyakasha. ¹⁹ Ndjamb'ame ibupu-purushu bikete dja bikimi ipu ri nying'ayini,ipu ri biroko djande, ndo rutono u Yezu kristo. ²⁰ Rutono ruara u bora tata Ndjamb'ayiti mashewe ndo mashewu. Amen ²¹ Wimbish'anana bin'ikini ba bakimi u Yezu kristu Ba binyeti bana biyi u krist'ando me bak'buwimbishi. ²² Bini ikini ba bakimi bak'buwimbish'ando bana bina mbur'a bora kayisa abanda bak'buwimbishi. ²³ Ntshongo mua kumu Yezu kristu mua'ando nyerem'ayini.