¹ Mbe yara mawasha meke u kristu,mbe djara makitiri meke u ruwondo mbe djara mawokosho meke mi buaka ikete imoko u nyma,mbe mawokoro meke ma ntshongo ndo mi y'irere reke mara. ² Karasha nana bunyaka buama bua yerme yiyi bite a nyingi imoko, ruwondo ru moko, monyo moko ,ma bokoro ma buanya bu moko. ³ Areke bua kere rueyi u mboko makapashs bi mbe ki mboko ndja utonosh'angono ngono. Keke u ya kitiyi mot'ando moto imono ibeke ngo nde bate ba neke y'ande. ⁴ Mot'ando moto u buini a eke pa meyi manda ya mene ireke a mana ma bate beke . ⁵ Buara na buini ndo buanya ukata yini ngo bunu bua wara ukata Yezu kristu, ⁶ Yono awara ipu ra Ndjambe,ka toko ya yeriye u ya totoro u wawa ipu imok'ando Ndjambe. ⁷ Keke ya ku ya teye dji rotono ya mene,ya ku wosho y'ipu ngo muina ngunu ya ku buaka ipu imoko ra bate ndo ya ku moniyi ngo moto ndjua ngona -ngano. ⁸ Yande yiya kitiyi ya mene ya ku ya shiki moto ndjua utomowo inana iwa a yashi ti inamana iwa ra nte mua wesheshe. ⁹ Iraka rini a yasha Ndjambe ya ko ntotoro ndo bu kumu bua bukimi ku nyeke rukombo ruiyi ariki ra kombo sha shikima, ¹⁰ Ishin'ande u rokombo rua Yezu bi boro mangoma makimi u riki a riki ra shini amana ndo ukata shina mana. ¹¹ Ndo runeme rua rukimi ru ror'ande Yezu yiyi kumu u rutono rua tata Ndjambe. ¹² Keke bana ba mayi bi ruwondo ngo a meke buini tomowo ma tuwu ma makima, kera na ngunu ishini mawondjowo muni ando matinini ndo u riti areke bua kere ngo oa ku nishi mana, kek'angowo bu kere a yasha mbe nda bere wara, ¹³ Ishin'ande djiyi Ndjambe a meke kere u buin'ande bu weshe ndo bu kere ipu ra nguesheke y'ande. ¹⁴ Ker' nana meyi ma makimi u bere ya shereshs nyana. ¹⁵ Ishin'ande ko buara rueyi rua rube rutoto ariki rini ndo ba yembe,bana bia Ndjambe ba yemene u ndenga kumba ndja manimbi ndo ndja bube, yini ndja ya ntemuwuku buini ngo nyindi u shini ndja ikimi, ¹⁶ Ba totoro rua monyo ndo ndi wara miyi u ya tonosho u rushuwu ruwiyi kristu, ka ndji war'ande ndi ya yeke ngona -ngono mbe ku kere ngunu mua ngona -ngono. ¹⁷ Ndo me djak'ande mayekere mi rutono ishini namba aki ishini ngunu mu maweshere mini, ndak nyak ndo ndak nyak'ando yini buini bakimi. ¹⁸ A yasha buini nyaka nana buina mene ndo nyaka nana ando me. ¹⁹ Nda ntshiki nteme ukata kumu Yezu u ba tonosho ngama -ngama Timote,ishini ku ba windjiri miya mene u woko rushanga ruini. ²⁰ Ishin'ande nda kapa moto ane yono tshuiy'amnde manya ma moko ishini miyi u yebeke meyi mini u bara-bara. ²¹ Kek'aki,ba bakimi,ba ntshotoko bunyaka bua banda ba mene ndo ka ba ntshotoko bunyaka bua Yezu kristu. ²² Buak yebe Timote ba ma nkiki uya yeke u ngumu mu rushanga rua rushek'ando me ngo muana ba ishand. ²³ Ndak'ntshiki nteme ishini ku bu tomosh'ande u rende ipu ri shiri meyi mana. ²⁴ Ndo ndjiyi shiki nteme u kumu a yasha miyi mene ndiki wiyi ngama-nbama. ²⁵ Nda weshe bushek'ande u batonosho muana maya Epafrodite, mbaya me ndjua ngunu ndo ndjua itumba u yande yiya tonosho buini bekete djini dja yemeshe nyingi shama. ²⁶ Ishin'ande awara nyingi ndja bumono buini bakimi awara banda ndja inono ishini a woko buini rushanga ru bu wara buande. ²⁷ Awara itata,kek'aki awara ngama iwa keke Ndjambe ya ku ngoko ntshongo, ndo kuapa pa ishini yanda , a yasha ishini miyi, ishin'ande ka nda shara ndjua bondomo dja buiki buiki ²⁸ Nda ma bu tonosh'ande buashi buashi,ishin'ande bunyaka a kar buini mono,kek'ande miyi ndara a mabondomo ma makeke. ²⁹ Bu nguadji mana u kumu ando bunyaka bua bukimi ndo buyeke bate ba ngowo rutono. ³⁰ Kek'aki ishini gunu mua kristu mua wara ishini ku yeriye a bere buini wara u ngunu munu mua keresheke buini miyi.