¹ Yesu ndjua yoro a Nyumu ndjua ntsheke, ku karuwa u masha ma yadene, keke Nyumu kwe nata ra ndenge bushobo, ² U mbete ya we ba nkiki u bora djaboro u matuwu mashanga mane. Ka toko dji a ikete a rimoko u matuwu maana, ndo, a shamba matuwu maana, ya kuwoko ndjara. ³ Djaboro ku nor'ande: Mbe djar'ande wiyi muana a Ndjambe, roro imanya rini ri bamana djampe. ⁴ Yesu ya ku marara: Bapund'ande: Moto a kapa ruere wara a monyo pa ishini djampe ri mene. ⁵ Djaboro, a mana ya ntotoro, ku ntshundju shoko imoko makumu ma makimi ma shin'amane, ⁶ ndo ku ntshosh'ande: Ndi ye iyeke bunono bua bukimi bunu, ndo rutono ru makumu mana; shin'ande ba make peke rundu, ndo ndake yeke a rundu yono a ngueshe miyi u yeke. ⁷ Mbe ake wa boro ma mongo u bosho bua ma, ru wara rua rukimi ruawa. ⁸ Yesu ku marara: Ba pund'ande: We tonosho Kumu, Ndjambe awa, ndo we nkereshe pa yanda ya mene. ⁹ Djaboro ku kara we nata ra Yerushareme, ku ntshiki a riki ra ntondo mua tempero, ndo kunoro: mbe wi muana Ndjambe, ya boka to ane a shini; shini ba pundu ande: ¹⁰ Yi yeyeke toto u banjero banda shini rueye ruawa, shini banda u yi rondo; ¹¹ ndo, bi yito yi totoro u ndjara, u ipu rande ru para ruawa a reke rua boro iyi a riki ri imanya. ¹² Yesu ku marara: Ba pund'ande: A reke wa kiki Kumu Ndjamb'awa. ¹³ A mbishi u mana nkiki u mapu mana ma makimi, djaboro ya kwe tamba ande inamana itanga ra yemene ¹⁴ Yesu ndjua yoro a bunono bua Nyumu, ku karuwa u Ngarere, ndo rushangu ruande ku muamana u bitenye dja shini dja bikimi djini dja ngama. ¹⁵ A wiki yishi u kata ba shinangongo, ndo bate ba bakimi ba weteke ntonosho. ¹⁶ Ya kuende ra Nazarete, u mbete yini ya nanga yande, ndo, ipu ri mawarara manda, ya kunini u kata Shinangongo ru shuwu ru imbombo. Ya ku katuwa shini ku bara, ¹⁷ ndo ba ku nyeke nkanda mua bora Ngandjambe Yeshayi. Yi mu ripiri yande, ya ku mono iraka rini ra punda band'ande: ¹⁸ Nyumu a Kumu yiyi a riki rama, ishin'ande a ma koro shara, shini kushosho ba poto rushanga rua rusheke; A ma tomo ishini ku bowo bana biyi a miteme nya boro poto, shini ku punushu bini buroko, ndo u ripiri bina mishi ma boriyi, ishini ku punushu bina mitanda u bushowo ¹⁹ ishini ku shono ishewe ra ntshongo mua kumu. ²⁰ A mbishi, ya ku botiyi nkanda, ya ku mu yeke muina ngunu, ndo ya ku shikimi. Mishi ma bate ba bakimi u kata Shinangongo ma wara ka riki rande. ²¹ Keke ya ku tapa u ba shosho: A rini rutoto runu rua nkanda rua ngoko buini rua yemene. ²² Ndo bate ba bakimi ba totoko u shono rueyi ruanda; ba wara bi keme a toto sha ntshongo shini sha punuku u numbu muanda ndo ba rok'ande: ngo yiyi muana bora Yosefe? ²³ Yesu ku ba shosho: Bara-bara bu ndo-ndoro nkondo munu: Munganga ya bereshe we mene; Ndo bu ndo ndoro: kere ani u kata boro buini, ma makimi ma ngoko biti ande wa kere u Kapernawumu, ²⁴ Kek' ake ku kara nyaya ande: Ndake bushosho u bara-bara, kuapa ngandjambe a moko a meke ba waya busheke u kata bora bande. ²⁵ Ndake bushosho u bara-bara: Ba wata ba wushu ba rungu u Isarere ba wara ba buiki u itanga ra bora Eliyi, u itanga riki awara rindi ra riti mashewu mashata ndo ngondo ishamunu, ndo ndjara ya ma wara ndja buiki a riki ra shin'amana ndja yi kimi; ²⁶ Ndo ake itanga rini Eliyi ka ba toko ntomo mbe ku bora moko ndjua banda, mbe dja bere wara pa munu u bora ngata yono a wushu nungu, u bora bua Sarepta, u shini dja sidon. ²⁷ Bina bara a banda ba wara ba buiki u Isarere u itanga ra ngandjambe Elize; ndo ake itanga rini kua mbe moko u ndenge banda a yembuwu, mbe a bere wara pa Namana muina Siri. ²⁸ Itanga ra woko banda meyi mana, bate ba bakimi bana ba wara u shinangongo, ba ku woko kabwa. ²⁹ Ndo a nkatuwu banda, ba ku mingi boro bua bunene, ndo kue nata inamana shosho a nkondjo a riki ra yini a shoro banda boro bua ba bua bunene, shini ku nyukunu u iwawa. ³⁰ Kek'ake Yesu ku shamba u ndenga a banda, ya kuende. ³¹ Ya ku womono u kapernawumu, boro bua bunene bua Ngarere; ndo a yishiki, u rushuwu ru imbombo. v 32 Ba wara bi keme u iyishi rande; shin'ande a totoko ando bundueyi. ³³ U kata shinangongo moto moko a wara ndo nyumu ndjua demo ndjua mbindi, ndo ku wabuwa anono: ³⁴ Ha! rueyi ru nana ruiyi biti ndo wa, Yesu ndjua Nazarete ? Wa miyi shini ku tshu rimishe. Ndake yebe wene u nana: ndjua Ikini ndjua Ndjambe. ⁴² Munu a yembuwu butuwu, ya ku punu ndo ya kuende u kata iraka ra ndenge bushobo. Yoro ra bate ku tapa ntshoto, ndo kue toro mbete ya wara yande; Ba shotoko ku ntshuku, shin'ande ko yi ba kobuwu bi. ⁴³ Kek'ake ya ku ba shosho: Dja nomboko a yash' ande ndi yishi u mara meke ma manene rushanga rua rusheke ru bu kumu bua Ndjambe; ishin'ande ba tomo shini rundu. ⁴⁴ Ndo a yishiki u kata ba shinangongo ba Ngarere. ³⁸ A punu yande u shinangongo, ya kuende ra mbura bora Simo. Mbosho a bora Simo a wara a rutoko tiya rua buiki, ndo ba ku nombo u rueyi ruanda. ³⁹ A weteme ya a riki rande, ya ku kabashe rutoto tiyi,ndo rutoko tiyi ku shiri rundu. Munu itanga rini ya ku katuwu, ndo ku ba rorosho bidjere. ⁴⁰ A mbishi itanga a kiti rindi, bate ku rata u bora Yesu bana ba bakimi ba wara a mawara mi mapu ndo mapu. Ya kue nyaya djara a riki ra moko ndo moko, ndo ku ba berehe. ⁴¹ Ba demo a banda ku punu u kata bate ba buiki, ba boko mbere ndo ba roko: Wiyi muana Ndjambe. Kek'ake ya ku ba pangasha ndo ka toko ba yeke mboko ba u toto, ishin'ande ba make yebe ande yiyi Kristu. ⁴² Munu a yembuwu butuwu, ya ku punu ndo ya kuende u kata iraka ra ndenge bushobo. Yoro ra bate ku tapa ntshoto, ndo kue toro mbete ya wara yande; Ba shotoko ku ntshuku, shin'ande ko yi ba kobuwu bi. ⁴³ Kek'ake ya ku ba shosho: Dja nomboko a yash' ande ndi yishi u mara meke ma manene rushanga rua rusheke ru bu kumu bua Ndjambe; ishin'ande ba tomo shini rundu. ⁴⁴ Ndo a yishiki u kata ba shinangongo ba Ngarere.