¹ U ishewu ri shanga ndo ra ntana ri bukumu bua bora kumu Tibere Sezare, itanga Ponso Pirate a wara yande nguvene ndjua yudayi, Herode a wara kumu ndjua ngarere, Firipi muan'inyanda a wara kumu ndjua itenyi ra shini ra Iture ndo ndjua itenye ra shini ra Tarakonite, Lisaniyasa a wara kumu ndjua Abilene, ² ndo u itanga ra wara Ana ba Kayifa ba kubanganga, rutoto rua boro Ndjambe ru ku toro u bora yone, muana a bora Zekayi u ndenge bushobo. ³ Ndo a wiki ribiri u kata shine ndja ikimi yini ya rongo Yadene; a wiki yishi ibatishe ri ma barara ma nteme ishini marimbishi mi mandimbi. ⁴ Puara yini a pundu banda u kata nkanda mua bora ngandjamba Yeshayi ande: Runu ru bere rua bora yono a nguabuwuka u kata ndenge bushobe: Roriy'ana mboko a bora Kumu, shember'anana tshuboko tshuanda tshua tshukeke. ⁵ Iwawa ra rikime ri wara ma riti, nkondjo mua mukimi mua munene ndo nkondjo mua mukimi mua mukeke nyara nya shikiyi; tshu boko tshua tshukimi tshua wumu tshuara tshua shembere ndo mboko shi mamanya shara sha shikiyi. ⁶ Ndo moto ndjua nkimi yi momono mawondjuwo ma bora Ndjambe. ⁷ A rok'ake djoro dja bate bana ba wiki punu shini yande u batishi ande: Buinu mboto ndja bandjowo ba kabua, nane a ma bu wibiri u tini kabu shini sha miki ? ⁸ Bot'anan'ake ndombo shini sha nyemen'ando mabarara mi miteme ndo a reke bua wete roro buin'amene ande: tshuy'ando Abarapama ngo ishiti! Shin'ande ndake bu shosh'ande u mamanya mana Ndjambe yi ruena punushu bana ba Abarapama. ⁹ Keka ngowo ikenge kara ba rishiki u nyiri nyi mite: Nte mua mukimi ake munu mua meke tu ndombo sha shisheke bi muba mubatara ndo bi mu boko a tiyi. ¹⁰ A mbishi yini, yoro ra bate ku wuru Yone ande : Tshu rueka kere ake mbuenye ? ¹¹ Ya ku ba barara: Yono yiy'ando tshuzaka tshu pende yi yeke yono yi bere wiyi a kanda, ndo yon' ake yiyi ando bidjere dja dji yi kere ipu imoko. ¹² Ba putushu a namba a banda kwiyi ba shini ba u batishi, ndo ba ku noro ande: Muyishi, bit'ake tshu kere mbuenye? ¹³ Ya ku ba barara: a reke bua rombo ikete reke a riki ra rini a ma ba buyeke mboko. ¹⁴ Mayoro a manda ku ngururu: ndo bit'aki tshu kere mbuenye? Ya ku ba barara: a reke bua kere mbe nkomo, mbe ku bangishi moto, ndo bu nyak'anana a iputu rinu. ¹⁵ Ngo bate a wara banda u mabakara, ndo ake ba bakimi bi ya wururuku Yone yapa wara Kristu, ¹⁶ Ya ku ba shosho ba bakimi: Miyi, ndaka bu tishi ku masha; kek'ake moto ndjueke a make wiyi, yono a ndeke miyi bunono, ndo she ra she yemene u tunguru shingi sha poko sha para shanda. Yande, yi buti butishi u Nyumu ndjua ntsheke ndo u tiyi. ¹⁷ Yiyi ando ishepere u djara; yande u shepere, ndo yi kokiyi ble u kata yanga, Kek'ake bitete yi biko bikoro tiyi tshunu tshua mereke we nyimi. ¹⁸ Ke ipu rini Yone a wara yande yi muanga lushanga rua rusheke u bate u wete ba windjiri miteme ¹⁹ Kek'ake kumu Herode, yono Yone a kara yanda shini Herodiyas, ngara a bora muan'inyande, ndo meyi ma makimi ma mabe mane ma kere Herode, ²⁰ Ya ku kara nyaya a riki ra mana yi meke ma makimi ayasha runu ru shiki Yone u buroko. ²¹ Bate ba bakimi ba wara bi wosho ibatishi, Yesu ya ku wosho a yanda ibatishi; ndo, itanga ra romboko ya Ndjambe, riki ri ku ripuwu, ²² ndo Nyumu ndjua ntsheke u ipu ri rutoko ya ku tshueruwu a riki rande we ngat'ande puru ka kutukumbu. Ndo rutoto ru ku punu u riki: wiyi muan'ami ndjua ruwondo, u wene nda shiki nteme muama mua mukimi. ²³ Itanga Yesu a tapa yanda mingunu nyanda, a wara ando mashewe ruere ru mashanga mashate. A wara, ngo ipu rini ra nguengiyiki ba ande muana a bora yosefe, muana a bora Heli, ²⁴ muana a bora Matthate, muana a bora Lewi, muana a bora Meliki, muana a bora Yonnai, muana a bora Yosefe, ²⁵ muana a bora Matatias, muana a bora Amos, muana a bora Nahoum, muana a bora Hesili, muana a bora Naggai, ²⁶ mua a bora Maat, muana a bora Matatias, muana a bora Semeyini, muana a bora Yoseke, muana a bora Yoda, ²⁷ muana a bora Yaanana, muana a bora Rhesa, muana a bora Zorobabel, muana a bora Salatala, muana a bora Neri, ²⁸ muana a bora Meliki, muana a bora Addi, muana a bora Kosama, muana a bora Elmadame, muana a bora Ere, muana a bora Yesu, muana a bora Eliezere, ²⁹ muana a bora Yorin, muana a bora Matthate, muana a bora Levi ³⁰ muana a bora Simeone, muana ³¹ a bora Yuda, muana a bora Yosefe, muana a bora Yonam, muana a bora Eliakim, muana a bora Meleya, muana a boara Menna, muana a bora Mattata, muana a bora Nathama, muana a bora Davidi, ³² muana a bora Isayi, muana a bora Yobede, muana a bora Boaz, muana a bora Salmon, muana a bora Naasson, ³³ muana a bora Aminadab, muana a bora Admine, mauana a bora Arni,mauana a bora Hezron, muana a bora Perese,muana a bora Yuda, ³⁴ muana a bora Yakobo, muana a bora Isaka, muana a bora Abarapama, muana a bora Thara, muana a bora Nachor, ³⁵ Muana a bora Serushe, muana a bora Ragau, muana a bora Phalek, muana a bora Ebere, muana a bora Sala, ³⁶ muana a bora Kayinam, muana a bora Arphaxad, muana a bora Seme, muana a bora Noe, muana a bora Lamek, ³⁷ Muana a bora Mathusala, muana a bora Enock, muana a bora Yared, muana a bora Maleleel, muana a bora Kayinan, ³⁸ muana a bora Enos, muana a bora Seth, muana a bora Adam, muana a bora Ndjambe.