¹ Dji ku kereme rushuwu rueke, Yesu a yishiki u kata tempero ndo a wara yi shosho bate rushangu rua rusheke, ba kubanga ndo ba pundu mikanda, ando ba wotara ba ku wiyi, ² ndo ba ku nguru: Tshu shosho, ku bunono bua nana bua nkereke wene meyi mana, mbe ke nana yono a ma yi yeke bunono bunu? ³ Yesu ya ku ba barar'ande: Ayashe miyi, nda ngondo ku bu boko ikongo ri moko: ⁴ Shosh'anan, ibatisi ra bora Yone ra wi punu ku riki, mbe ku bate? ⁵ Keke ba ku boko djengeyi banda-banda: Mbe tshua barar'ande: ku riki, yi ror'ande: ishin'iyeye bua bere buini ngueshe? ⁶ Mbe ke tshua barar'ande: Ku bate, bate ba bakimi biki tshu dja tshu djaka a mamanya, ishin'ande ba wara ba yebe ande Yone a wara ngandjambe. ⁷ Keke ba ku bararaYesu ande: Ka tshua ntsheke yebe mbete ya u ri punu bi. ⁸ Ndo Yesu ku ba shosh'ande: A miyi kuapa, ndapa she bu shosho ande ku bunono nani a nkereke miyi meyi mane. ⁹ A mbishi yini, Yesu ya ku bokosho bate nkondo munu: Moto moko ya ku wono vigni u kata ngond'ande, ya ku yeke a yindi ba bendje a vigni u irende, ndo ya kwende ra rende ru matuwu ma buki. ¹⁰ U itanga ri kunu bikete, ya ku tomo muina ngunu moko u mbete ba bendje a vigne shini ba u nyeke mpoto mua vigne. Ba bendje ba vigne ba ku m'moro, ndo ba ku nkarasha djare buwana. ¹¹ Ya ku kara tomo muina ngunu ndjueke; ba ku moro a yanda, ba ku ntowo mishingi, ndo ba ku nkarasha djare buwana. ¹² Ya ku kara tomo ndjua ntshate; ba ku nemeshe poto, ndo ba ku mingi. ¹³ Ndo kumu a ngondo ndja vigne ya ku roro: Ndi kere mbuenye? Ndi to tomo mu'ami ndjua ruwondo; Shoko sheke bi ruere ntini yande. ¹⁴ Kek'ake, ba bendje ba vigne a m'mono banda, ba ku tapa u wengiyi banda-bande, ndo ku roro: Rende nkiti ndjua bikete; tshua nyak'anana, kek'ande tshu sha kiti bikete. ¹⁵ Ba ku punushu u ngondo ndja vinyi, ndo ba ku nyaka. Kek'angowo, muina vigni yi ba kere mbuenye? ¹⁶ Yiki wiyi, yi dja djaka ba bendje ba vigni, ndo yi ye yeke ngondo a vigni u bate beke. Itanga ra woko banda rueye runu, ba ku roro: Ko dja toko she kereme ngosho bi. ¹⁷ Kek'ake Yesu ya ku ba rende ndo ya ku ba roro: Runu rueye rua pundu bande rua noko roro yeye: Imanya rini ra boko banda u boro bashoro ra kara buaka imanya ri itumu? ¹⁸ Moto yono yi buaka a riki ri imanya rini yi bo bokowo, ndo yono imanya ri buake rindi a riki randa yi wara ndjua shashuwa. ¹⁹ Ba kubanganga ndo ba pundu mikanda ba ku shoto ipu ra ba nguata u itanga rini, kek'ake ba tiniki bate. ba ku yeb'ande a bokoko nkondo munu shini banda. ²⁰ Ba wongoko Yesu, ba ku ntomosho bate u bushuama bana bi kere we ngat'ande bini rongo, shini banda u nkotiyi marongo ndo u wata toto shanda sheke, keke be mpundu u bora shushu ndo u bukumu bua bora gouvene. ²¹ Bate bana ba ku nguru ikongo rini: murongosho, tshua nyebek'ande, meye ma makimi mana wa ntotoko wene ndo mana wa nyishiki wene miyi ku mboko, ndo ake wene ka wa meke rende ipu ra moto, kek'ake wa meke yishi mboko ndja Ndjambe u bara-bara. ²² Tshu shosho: Djake rombo ande biti tshu putu n'namba u bora Kayisa mbe, ko tshua putu? ²³ Kek'ake Yesu ku yebe ande riyi irongo ndo ya ku ba roro: ²⁴ Shundj'anana ru puaranga ru moko. Ipu ndo meyi mana ma pundu bandama bora nane? Ba ku barar'ande: Dja bora Kayisa. ²⁵ Keke ya ku ba shosh'ande: Yek'anana ake Kayisa djini djiyi dja bora Kayisa, ndo Yeke anana Ndjambe djini djiyi dja bora Ndjambe. ²⁶ Banda ka bashe nguate a rueyi rua ru be u toto shanda u bosho bua bate; Kek'ake, ba ku keme u ma barara mande mi ikongo, ba ku shara ba boto poro. ²⁷ Ibeke bi ba Sadoke, bana ba meke roro ande mawumuwu mi iwa makapa u kata bi, ba ku karuwu a ngama, ndo ku boko Yesu ikongo rini: ²⁸ Murongosho, rende rini Mose a tshu pundushu yande: Mbe moto a wu, a sha rekere ngata ba u bere boto baana, mua inyanda a ma yemene u wosho ngate yono, ndo yi botosho mua inyanda baana. ²⁹ Keke, ba binyanda bi barungu shamboro ba wara. Ndjua bu koto ya ku tombo ngate, ndo ya ku wa u bere boto baana. ³⁰ Ndo a yasha ndjua mpende, ³¹ a mbishi ndjua ntshata ku shiki ngata, ndo dji ku kereme ipu ri moko u ba bakimi shamboro: Ba wa u bere sha rekere baana. ³² U mamanasha, ngate ku wu a yanda. ³³ Itanga ri ma wumuwu ma bate u iwa, ngate yono yi wara ndjua bora nane? Ishin'ande ba bakimi shamboro ba ma ngosho ngo ngate. ³⁴ Yesu ya ku ba barar'ande: Baana ba shini yini, barungu ndo bawata ba meke ya shikishi. ³⁵ Kek'ake bana bi mono band'ande ba yemene u pete ikapa u matuwu mana ma miki ndo u ma wumuwu mi bawa ko bi she wosho mbe bawata mbe barungu. ³⁶ Ishini ko bi she wa, ishin'ande bi wuara ipu ri moko ando Banjero, ndo bi wara baana ba Ndjambe, yiyi banda baana bi ma wumuwu. ³⁷ Bawa bi wu wumuwu, rundu runu rua roro Mose shini ntiki mua nti mua tiyi, a wuru yande Kumu ande : Ndjambe a bora Abrapama, Ndjambe abora Isaac ndo Ndjambe a bora Yakobo. ³⁸ Ndoki, Ndjambe a kapa Ndjambe ndjua bate bawa, kek'ake ndjua bina monyo; ishin'ande bate ba bakimi biyi a monyo shini yande. ³⁹ Ba pundu mikanda beke ba ku barara Yesu ande: "Murongosho, wa toto busheke." ⁴⁰ Ndo ka ba toko war'ando ipu ri kara nguru makongo meke. ⁴¹ Ndo Yesu ku ba ror'ande: Mbueny'aki a noko band'ande Kristu yiyi muana bora Davidi? ⁴² Davidi ya mene a noko u nkanda mua Ndjembe ande: Kumu a roro Kum'ami ande: Shikimi u rowo ruama ru barungu, ⁴³ inamana ishiki miyi bini ikembe bawu u shini sha para shawu. ⁴⁴ Davidi a make nguraki, "Kumu; mbuenyaki yi kara ya wara muan'ande? ⁴⁵ Itanga a wara bate ba bakimi bi ngokomo, ya ku roro Baweke bande: ⁴⁶ Bua peny'anana a ba pundu mikanda, bana ba meke wondo u ribiri a mayeke ma matara, ndo bi weteke ba wimbishi u mimboshoro; ba meke shoto maraka mi bukoto u kata ba synagogo, ndo maraka mi bukoto u meshe mi bidjere dja dja. ⁴⁷ Bana ba meke wono ma mburu mi ba wata ba wushu barungu, ndo ba meke ya shundju u wara busheke u kere matanga ma buiki u maromboro ma Ndjambe. Bi baru ba rumbushu a rishi ra rinono u reke.