¹ A mbishi yini, Kumu ku kara shoro baweke beke masha shamboro, ndo ya ku ba tomo ba pende ba pende u bosho buande u kata mara ma manene ma makimi ndo u kata maraka ma makimi mana ma rombo a nde yende ya mene. ² Ya ku ba ror'ande: Nngondo yi ndja inene kek'ake bina ngunu bi kakeke. Bu romb'ana ke Kumu ndjua nngondo itomo bina ngunu u kata nngond'ande. ³ Yaka nana; rende, ndake bu tomo ngo bana bi ba panga u ndenge mambongo. ⁴ A reke bua wosho mbe imare ra puaranga, mbe kombo, mbe poko sha para, ndo a reke bua wimbishi moto a mboko. ⁵ U ma mburu meke mi nini buini, ror'anana bukoto: Poro shara a riki ra mburu yini! ⁶ Ndo mbe muana ndjua poro yara u mburu ini, poro shini shi sha shara a riki randa; mbe kuapa ke, yi kara karuwa a yini. War'anana u kata mburu yini, bu djiki ndo bu nyuku djini dji bu yeke bande; shin'ande muina ngunu a nyemene a iputu rande. A reke bue wende mburu ando mburu boo. ⁸ U kata mara ma manene mi nini buini, ndo umbete yi buwaya banda, dji anana djini dji bu yeke bande, ⁹ bu bereshe ba bere bana bara u nono, ndo bu ba shosho: Bu kumu bua Ndjambe bua karuwa a ngama iyini. ¹⁰ Kek'ake u mara meke ma manene mi nini buini, ndo u mbete yi bere ba buwaya bi, buende u kata mboko sha bundu, ndo bu roro: ¹¹ Tshua mpupuruku a riki rini a yasha yushu ra boro bua bunene buini rini ra me tshu bama u shini sha para; yeb'ana a ke nde bu kumu bua Ndjambe bua karuwa a ngama. ¹² Ndake bu shosho u rushuwu runu ntanda mua sodomo mu wara mua mukeke ureke boro bunu. ¹³ Ntanda mua wa, Chorazin! Ntanda mua wa, Betesayida! shin'ande, dja toko wara ande meyi ma nkamu mana ma kere banda u ndenga yini ma kereme ku kata tyr ndo u kata sidon,itanga ra buiki banda barke barara miteme kata wara, ba reye mapundju ndo ba ntshikimi a riki ri butoko. ¹⁴ Iraka rini, u rushuwu ru marumbushu, Tyr ndo sidon itanga ri marumbushu ma banda miwara ma makeke u reke buini. ¹⁵ Ndo wene, Kapernawume, wiyi djua totoro inamana ku riki? bi yi wo yiwomosho inamana iraka ri miniwi. ¹⁶ Yono a make buwoko a make poko, ndo yono a make bu bere a make mbere; ndo yono a mbereke a mereke yande yono a tomo. ¹⁷ Bana masha-shamboro bawi karuwa ando bunyaka, baroko: Kumu, a yasha ba demo ba tshu tomowo u rukombo ruawa. ¹⁸ Yesu ku ba shosho: Nda monoko satana yi buaka u riki ngo iyarama ra ndjeshe. ¹⁹ Rende, nda mana buyeke bundueye bu nyeke bandjowo ndo tshungomo, ndo a riki ri manono ma makimi ma muini ikembe; ndo kua ikete ri bukershe bube. ²⁰ Kek'ake a reke buara ando bunyaka,ngo ipu nyumu a mashi butomowo, kek'ake nyak'anana ngo ipu kombo shini ba shipundu u kata riki. ²¹ U itanga munu rini,Yesu koyoro ndo bunyaka bua nyumu ndjua ntsheke, ndo ya kuroro: Nda yi tonosho, tata, kumu ndjua riki ndo ndjua shina mana, ngo ipu ra shueye wene bikete djini u bina buanya ndo bina mayere, ndo ngo ipu ra nipishi wene a djindi bana ba bakeke. ngosho, tata, nda yi tonosho ngo ipu raweshe wene ngowo. ²² Bikete dja bikimi ba peka djindi ku bora Tata, ndo kua moto a nyebeke ande Muana yiyi nana, mbe a bere wara Tata, mbe ande nana yiyi Tata, mbe a bere wara Muana, ndo yono ake muana a nguesheke yande u nipishi busheke. ²³ Ndo, a marama yande u mbete baweke, ya ku bashosho u mbete ande : Bunyaka u mishi mana ma monoko djini dja monoko buini! ²⁴ Shini ndake bushosho ande ba ngandjambe ba buiki ndo ba kumu ba shini ba wara a nyingi u mono mana ma manoko buini, ndo ka batoko ma mono bi, u woko mana ma ngoko buini, ndo ka batoko mawoko bi. ²⁵ Muyishi moko ndjua mikendje ku katuwu, ndo ku roro Yesu, ishini ku nkiki: "Murongosho, ndi kere mbuenye ishini miyi u pete monyo mua sherashere ? ²⁶ Yesu ku nguru: ba pundu mbuenye u mikendje? wa meke bara ru nane ? ²⁷ Ya ku marara: "U wondo Kumu, Ndjamb'awu, a nteme muawu mua mukimi, a monyo muawa mua mukimi, a bunono buawa bua bukimi, ndo a djengiyi djawa dja bikimi; ndo u wondo muendjawu ngo ipu rake we ya wondo we mene." ²⁸ Yesu ya ku nor'ande: Wa barara busheke; kere ipu rini ndo waka wara a monyo. ²⁹ Yand'aKe, a shoto ku ya shuwuru, ku wuru Yesu: Nana yi muendj'ame ? ³⁰ Yesu ku kara wosho rutoto, ndo ku roro: Nungu a wiki womono u yerushareme a weke ra yeriko. Ya ku buaka u ndenge ba kere a meyi ma mabe, ba ku ntambara bikete djande, ba ku moro bikete, ndo ba ku kobuwu, ku sha nekere ndjua renduwu. ³¹ Nganga ndjambe moko, a wiki shamba ayande u mboko yini, a mono yande moto yono, ya ku moro kuandja. ³² Mu Lewi, yono a wi toro ayande u kata iraka rini, a ma ya mono, ku moro kuandja. ³³ Kek'ake muina samariya moko, yono a wara u rende, a miyi ya toro a nana, ya ku ngoko ntshongo itanga ra mono yande. ³⁴ Ya ku karuwa a ngam'ande, ndo ku nkanda poto shande, u nguitishi shara ndo vinyi; keke Ya ku ntotoro a riki ra shut'ande, kue nata ra mbura benyambanga,ndo ya ku mowosho. ³⁵ Rushuwu runu rua raba, ya ku punushu puaranga ipende, ku yeke a shindi yono a nguaya, ndo ku roro: "Nondo busheke, ndo dja bikimi dji sha wene putu dja riki, ndiki yi karasha u makaruwu mama." ³⁶ Nana u kata bate bana ba shata a monoko wene ande yi ruereke wara muendja a bora yono a buaka u ndenge a ba kere a meyi ma mabe ? ³⁷ Djiyi yande yono a ngoko ntshongo a riki rande, a barara muyishi mu mikendje. Ndo Yesu ku noro: Yaka ndo u kere ipu rini ³⁸ Ngo Yesu a wara yande a mboko ando baweke bande, ya ku nini u boro bu moko, ndo ngate moko, a nguruku ba ande Marte, ku nguaya u kata mbur'ande. ³⁹ Yande a wara a muan'inyande ndjua bawata, a nguruku ba ande Mariya, yono a wara a ntshikimi u para sha Kumu, a wokoko rutoto ruande. ⁴⁰ Marte, a ya yeke u wete kere mingunu nya buiki, ya ku wiyi ndo ku roro: Kumu, ka dja ntsheke yi kere mbe rueyi ande muan'amaya a ndekere mi mene ishini ku bu waye ? Ntshosho yi puamana. ⁴¹ Kumu ya ku marara: Marte, Marte, wake ya monosho ntanda ndo wa nguete ya bororo ishini meyi ma buiki. ⁴² Ikete pa ri moko riyi ra neke busheke. Mariya a ma shoro ikapa ra risheke, rini ri bere ba ntambara.