¹ Mantumbu ma miki punu kueye ndo masheye ma miki punu kueyi u ndenge a yini ? Ndja kapa nyingi shini sha shibe shana shaka bitenye djini dji rutoko matumbu? ² Bua moroko nteme keke bua kapa ndo djindi bi. Bu ba djaka ndo buiyi ando pishi, ndo bua kapa ruere bi buishi bi; buyi a masheye ndo matumbu, ndo ka bua ntsheke buishi bi, ishin'ande ka bua nomboko bi. 3 Buaka rombo, ndo ka bua ngoshoko bi, ishin'ande bua nomboko bube, ishini ku nyakisha nyingi shini. ⁴ Buini bina bundumbu, ka bua nyeb'ande ruwondo rua shina mana ruiyi a makapash' ando Ndjambe? Yone anguesheke u wara mbaya shinamane a ma buaka anana muini ikembe a Ndjambe. ⁵ Bua nguengiyek' ande ipunduru ra ntotoko ngona ngono? Ndjambe yiy'ando pishi ishini ruwondo rua nyuma ande a shiki yanda u biti. ⁶ Kek'ake nyeke ntshongo mua reke, irak rini Ipunduru ra nok'ande: Ndjambe a meke bere bana ba meke ya totoro,kek'ake meke woko ntshongo bana baka ya kitiyi. 7 Ya shuriya nana u shini a Ndjambe,tina na diabolo ititini a kora ayini. ^{8 10} Karuwa na ngama Ndjambe keke ikakarua ngama ando yini. Woka na ndjare djini,buini bate ba babe,ando yembesh'ana miteme nyini, buini bina meyi mapende. ⁹ Wok'anana ntanda muini, wara na u mashaya ndo u birere, keke tshu sheye tshuini tshu barma u mashaya,ndo bu nyaka buini bu barma ntanda. 10 Ya kitiya na u mishi ma bora Kumu, ndo ibu to bu totoro u riki ¹¹ Bana ba maya areke bua toto bube buina buina,yono a ntotoko bube bua muana iny'ande, mbe ku numbushu, a ntotoko bube bua nkendje ndo a numbushuku nkendje, keke mbe wa rumbushu nkendje,wa kapa ntomuwa nkendje, kek'ake wiyi numbushu. 12 Yiyi moko ntshiki mikendje ndo numbushu, yande a nguara ruere wondjoro ndo u ushotosho, Kek'ake wene wiyi nana wa numbushuku muendjawo?. ¹³ Kek'angowo woka nana, buini bana bua ntotok' ande: Arini mbe kuapa angeshe, tshu weke wende u boro bu bu shono, tshua ku wara ishewe ri bitiki, tshueke kapa bikete, tshu bui buishi mpoto. 14 Kabua ntsheke yebe runu ru wiyi a ngeshe, ndo ayash'ande yebe monyo muini mu ware mbuenye? Shin'ande buiyi ngo mungu munu mua miki ndo mua nguepuwuku u itenye ri itanga. ¹⁵ Kek'ake buark roro ande: Mbe Kumu a weshe, tshu wara ando monyo, ndo tshu kekere rueyi runu ngo mbe kuapa runu irueke. 16 Ndo ngama ngama yini, buaka ya tonosho u manya mini mi ya wondo. Ma tonosho mi ipu rini ngowo miyi ma mabe. 17 Yono aki ndjua anyebeke ukere busheke, ndo a mereke bu kere, a nkereke bube.