¹ Ngama ngam'ane buini bini biroko,woka na, rera na ndo ya borara na ishini mitanda nyini wiyi ariki rini. ² Biroko ndjini dja pondo ndo mapere mini bashenene ba ma dja. 3 woro ayini ndo puaranga shini sha dji butara. Butara bua ndjindi bu pu punu buteme a riki rini. Ndo bu kokoro toko shini tiyi. Bua ma mana kokoyi biroko ndjini dja nganga ishini matuwu mi mamanasha! ⁴ Renda nana, iputu ra bina ngunu bana ba kunuku bikete dji mangondo mini, ndo rini ra shuku buini, ra moko mbere, ndo mbere sha bande sha we toro u matu ma Kumu ndjua mayoro. ⁵ Bua ma wara a shini u kata manyaka ndo u kata bukomono. Bua ma yorosho toko shini a nyutu itanga ri madjakara ma bate.6 Bua ma buishi makamba, bua ma djaka muina rongo ubere bu nanana. ⁷ Bana ba maya buara nana a nteme muakiti inamana ku ma wiri ma Kumu. Rend' anana mendje a makaka ndombo sha shi sheke sha shini. Ameke baka a nteme mua kiti tii umanyoworo ma mburu shi bukoto ando shi ma manashi. ⁸ Abuini wara nana nteme mua kiti, bukanda miteme nyini shini ma wiri ma Kumu mato ngama. ⁹ Bana ba maya areke buya nanashe buina-buini, ishin'ande ka bi bu rumbushu. Rende numbushu koyo a nyebete u ikuku. 0 Bana ba maya, wosha nana ngo ruere mitanda ndo mabakare mi ba ngandjambe bana ba toto u rukombo rua bora Kumu. ¹¹ Rende, tshua nguruku bana ba mono ntanda ndo nteme mukitiyi ngo bina iyi ra risheke. Bua ma woko makandara ma nteme ma bora Yobo ndo buake yebe mamanasha ma norosho Kumu. Shin'ande Kumu yiyi ndjua yoro a irere ndo ntshongo. ¹² U bosho bu bikete dja bikimi ,bana ba maya areke moto yi ya koko mbe ku riki mbe ku shini mbe ku yakoko ipu reke. Maweshere mini mara : yeshe ndo ma berere mini mara kuapa, keke ko bua buaka u makamba. ¹³ Moto moko u ndenge a yini yiyi u ntanda irombo Ndjamba. Moto yiyi u bunyaka, ibara ndjembe. ¹⁴ Moto moko u kata yini mbe yara itata i wuru bawotara ba Ekerezia, keke ba wotara bi nombosho Ndjambe, unkoro shara u rokombo rua Kumu; ¹⁵ Marombo mi maweshere mi ngongondjoro ndo Kumu ikaraka nkatasha. Ndo mbe yar'ande a kere bube, bi ni nimbishi. ¹⁶ Tonda nanaki mandimbi mini buina buini, ndo buromboshe Ndjambe bana a ibeke, keke bu berewe. Maromboro mi ya yeke ma muina rongo miy' ando bunono bua buiki. ¹⁷ Eriye a wara moto ngo biti. Arombo Ndjambe ando bunon'ande mburu ko nyowo, keke mburu ka toko nyowo a shini ruere ma mashewe mashate ando ngondo ishamunu. ¹⁸ Keke ya ku kara rombo shok'ampe, ndo mburu ya ku kara nyowo, keke shini yi kuyeke ndombo sha yindi. ¹⁹ Bana ba maye, mbe ndjare moto ukata yini a pushunu, u mboko a bara bara moto ndjuke yi karasha u mboko. ²⁰ I yebe ande moto yono akarasha moto ndjua bube ukata mboko ndja pushunu yande i wowondjoro monyo muande aki uripiyi mandimbi manda ma mamakimi.