¹ Bana ba maye, areke bayishi bara ba buiki undenge a yini. Tshua nyebek'ande bi tshuru tshurumbushu ndja shamba u reke. ² Shin'ande tshua muakaka biti bakimi u mapu mabuiki. Mbe moto abere buaka u matotoro manda, yiyi moto ndjua yemene, yono a nyemene u rondo rutoko ruande rua rukime; ³ Mbe tshua shokoyo ba shutu ba pundu showo u minumbu ishini ku ntshu tomowo, tshua ntshembereke toko sha banda sha shikimi a mboko. ⁴ Rende, a yasha mashuwu ma mashe mi ma manene ndo baka ma tindiyi ubora pungu ndja inono, baka mawendeshe a mumbu mua mukeke ipu ra ngondoko nguesndesh'a manda. ⁵ Dji ipu imoko runeme ruiyi itenye ra rikeke ri rutoko keke ruaka ya weshe u meyi ma manene. Rende a ka tiyi ka kakeke kanguara rene shirishi buanyi bua bunene. 6 Runeme ruiyi a rundu tiyi, ruiyi shina mana ndja bube. ruiyi ku ndenge bitenye djiti ndji rutoko, ruak'uwono rutoko rua rukimi, ndo rua nkoroko monyo tiyi, ru rua miwar'ande rundu rumene rushishiri tiyi u ibembe ra tiyi. ⁷ Mboto shi ba shutu ba bakimi, ba puru, a djini dja meke kururu makundu a shini ndo ba shutu ba meke wara u mashi, moto a ma biparara. ⁸ Kek'ake kuapa a moto moko irene parara runeme. Ruiyi bube bunu bu bere ba parara, ruiyi rua yoro ando rurenge ru' iwa.` ⁹ Ando runeme tshuake karasha maranga u bora ishiti a Nkumu, ando rundu tshuak koko bate bube bana bawanga banda u ipu ra Ndjambe. ¹⁰ U numbu munu munu moko mua punushuku rutoto rua rusheke ndo rua rube, bana ba maya, a reke djara ngosho bi. ¹¹ Ntshere mua mashi, mua nguara ruere punushu shoko imoko mashi ma masheke ando mi buroro? ¹² Bana bamaye, nte mua fiki mua nguara ruere tu ndombo sha Fiki ando vinyi? U masha ma ngere ko masha ma masheke mapunu bi. ¹³ Nana u ndenge a yini yi muina buanya ndo nyebe ? Ishundju bikerere ndjanda u mawarara ma masheke ando ya kiti poro aki buanya. 14 Kek'ake mbe wara a pishi sha shibe ndo nyumu djua u nanashe u kata nteme muawa, a reke u ya tonosho ndo a reke wa bangasha bu barabara. ¹⁵ Buanya bunu ka bua miki punu u riki, kek'ake buiyi bua shini, buiyi bu rutoko, buiyi bua diaboro. ¹⁶ Kek'ake iraka riyi pishi sha shibe ndo nyumu djua ma nanasha, unono ndji ndo wosho-wosho aki kerere sha shi be shi mapu ndo mapua. ¹⁷ Keke buanya bua riki buiyi bukoto yembe, ambishi poro, bua yeriye, bu ma wokosho, bua yoro irere ndo ndombo sha shi sheke, bere wekeme mbete imoko, a meyi mapende. 18 Rundombo rua rongo ru rua wono u poro u ndenge bana batshotoko poro.