¹ Itshin'ande tshua nkereke ngunu iraka imoko, tshua nomboko Ndjambe ande areke tshua wosho ntshongo mua Ndjambe u ngona -ngono. ² Keke ya ku ror'ande U itanga ra risheke nda ma shiki buanya buama u boro buami ndo u rushuwu mawondjowo nda ma yi kershe , rende itanga ra risheke, riyi itanga ri ma wondjowo. ³ Ka tshua ntshiki irongo ri buishi moto a moko u busho buanda, shi tshua wesh'ande ngunu muiti mua Ndjambe areke mua shoto rutono. ⁴ Kek'angow, u meyi ma makimi, tshua ya yeke ngo bina ngunu ba bara-bara ba boro Ndjambe, ukata ndjoro, ukata mitanda , ukata meyi ma manono, ukata ma boro. ⁵ U tshu nishi ukata mamburu mi buroko, ukata bi rumbu, ukata mingunu nya mi nono, ubere mono ntshindjo u mishi u tshindjo ndjara, ⁶ Ukata u ya yembeshe, ukata buyebe bua meyi, ukata manyitiri ma nteme , ukata nteme mua musheke, ukata punga Ndjambe, ukata ruwondo rua bara-bara. ⁷ Tshuiyi bini ngunu muande ukata rutoto rua bara-bara, ukata bunono bua Ndjambe, tshuiyi ando mata ma masheke u rowo ru barungu ndo rowo ru ba wata. ⁸ Tshua nkereke ngumu ukata rotono ndo u bere wara u rutono, ukata rutene,ukata toto sha shi sheke ariki riti. Ba tshu mono bate bi manimbi bita ki tshuiyi bati ba bara-bara. ⁹ Tshua kereke ngunu ngo bate bana ba bere ba yebe ,kek'aki tshuiyi ba yebe busheke, ngo bate bawa keke biti bate ba monyo , ngo ku tshu buishi makamba ishini meyi miti ,keke shi bi tshu nishi ukata iwa. ¹⁰ Tshua nkereke ngunu ngo bate ba bondomo,keke bitaki matu ma makimi ukata bunyaka, ngo ba poto tshua purushuku bato ba buiki bini boroko, ngo nde ba kapa a ikete keke tshuiy'ando dja bikimi. ¹¹ Buini bina Korinto, tshua bu shosho bara bara bua bukimi,ndo nteme muiti mua ripiwi buika ariki rini. ¹² Biti ka tshua toko bu shueye meyi mana miyi u nteme muiti ak'ki buini bu tshu shueyi meyi mana miyi u nteme muini. ¹³ Kek'angow ndak bu pundushu ngo bana bu ripiri miteme buika buika u tshu wondo ngo ipu rak biti bu wondo. ¹⁴ Areke bu ya puturu iraki imoko ndo bana ba bere weshe Ndjambe,keke, mawokosho nana miyi ukata busheke ando bube ? Mawokosho nana miyi ukata muanya ndo muimini ? ¹⁵ Bumbayi nana buiyi u Kristu ando Berial ? ¹⁶ Keke mawokosho mana miyi ukata moto yono a yebe Ndjambe ndo yono a mere yebe Ndjambe? Mawoshosho nana miyi ukata Tempero dja Ndjambe ndo ndja Thurorongo ? keke biti tshuiyi Tempero dja Ndjambe ndjua monyo, ngo Ndjambe a roro y'ande ndi wak wara u ndenga banda, ndi sha shamba u ndenge banda ndi wara Ndjambe a a banda , ndo banda bi wara bate bama. ¹⁷ Ishini yeyi,pun;anan u ndenga banda, ndo bu ya kapasha, pua ra noro Kumu. Areke bua kumunu ikete ra mbindi ,ka'ande ndi buwa bu waya. ¹⁸ Kumu ndjua bunono bua kini arroko ngowo ndi wak wara ishini,ndo buini bu wak wara bana bama bi ba rungu ndo bi awta.