¹ Bana bamayi bi ruwondo, ishin'ande tshiyiyi ndo maraka mana tshuiya kuishi ishini kuteya mbindi u miteme aki u Pungu ayiti tshuraba nana makinyiyi ukata matinini a Ndjambe. ² Tshuyek'anana iraka u miteme nyini shi tshuakereshe moto bube. Shi tshua shotosho moto moko bi , katshuatoko totosho moto buriti buiti. ³ Djakapa ishini kubu rimbishi ya noko miyi meyi mana ,ishin'ande tshua ma mono ubushosh'ande biuyi bate biti bashiki biti nteme , dji sheke wara u iwa mbe ku monyo tshuiyi ando yini irak'imoko. ⁴ Tshua mabushere nteme mua buki ndiya ndo bu nyak'ariki rini. U kata mitanda nyiti nya mikimi tshuya yeke ndo tshuiyi ndo bunyaka bua buiki. ⁵ Itanga ratoro biti u Masedoine, toko shiti kashatoko she wara poro bo. U mbetendjeke tshuawara ndo meyi buiki aki birumbu dji mapu ndo mapu u bana ba bere wara ukata yoro riti ndo butete bua mawara ukata yiti. ⁶ Keke Ndjambe yono ameke yeke bate bunono bana biyi barembe, amatshupundjiri bunono itanga ra witro tite undenge ayiti. ⁷ Djakapa ishini matororo mande iraka Ndjambe yitshuiwindiri y'ande . Djiyake ishini mawindjiri. mini ma windjiri Tite. Yaku tshushosho ishini ntanda muini mua buiki, pimba ayini u mitendo nyingi dja buiki ishini miyi.Iraka rini rawara nde bunyaka bua buiki. ⁸ Dji sheke war'ande nkanda muama ka mutsheke bunyakesha ndakapa rikar'wiyi ndo manya ma mabe ishini mundu, nda mawara ndo pamba u nteme itanga rawoko miy'ande nkanda muama mua buyeke ndjoro, ngo djioro shini abere shi kere matanga ma buiki. ⁹ Kekangowo ndiy'ando bunyaka ishin'ande bua wara ndo kabua u miteme, ishin'ande kabua shama boto ma barara mimi mi miteme. Anana ake kabua shini kashato shotoko ayikete rini imoko. ¹⁰ U bara-bara kabua sha Ndjambe sha mike rata ma barara ni miteme nya bate ishini kue rata bate u mawondjjowo, kuapa ipua ribondomo bi. Keke mbe moto abere weshe Ndjambe itanga ra ndanda,keke ntanda muna mua muke rata iwa. ¹¹ Rend'anana ipua Ndjambe awoko yande ntanda ishini buini ashiki buini bunono, urombo ma ndimbi, u bere meyi mana mashamba , ipua ra'ntapa buini u weshe woko mitanda nyi roriyi meyi, puara iyayeke buini u ngunu,ishini abushi buni moto ndjua me ikamba.Djabikimi djini djak tshundja'ande buini buakapa ndo rueyi bi. ¹² Risheke war'ande rama bupundushu nkanda munu,kapa ishini moto abere bube,dja wara ishini miyi ande moto yande ya mene akere bube, ishin'ande bu yashundju ukata ayini ake mishi ma Ndjambe ,ipua rapondoko buini. ¹³ Iraka rini ndi ndo bunono. U bara-bara,ka ratoko mana pamunu ndjoro keke miyi kuyoro ndo bunyaka , ishini Tite awara ndo bunyaka, ishini ankitishi buini ntene. ¹⁴ Mbe yar'ande ra ma yaboro nteme u mishi mini ishini buini, ka ratokowu bushongo bi wu rende busheke ipu ra rikimi ri bushosho biti bara-bara ishini ngono Tite awiy'ayande kumon'ande meyi mana ma boroko miyi nteme ishini buini mawara ma bara-bara. ¹⁵ Ruwondo ruanda ishini buini ruiyi rua runene itanga ra nguibuku yande matomowo mini ndo ipu ra nguaya buini ndo butete aki matinini ma makimi,iraka rini amak yande u buwondo buika-buika. ¹⁶ Ndiya ndo bunyaka ishini antshiki miyi nteme u buini u meyi ma makimi.