¹ Tshua yeb'ande : mbe mburu ayitu ndja rutok'rua shin'amanu ya wu, tshuiyi ando mburu ndja rutoko ra shueye u bora Ndjambe. Yi mburu yini ndja bere shoro u djare dja bato,keke yi mburu ndja shera shere u kat'a riku. ² Ishin'ande u ikumbu ra mburu yini ndja rutoko rinu ngow, tshuak waba u mitand'ando nyingi ndja u war'ando mburu ndja rutoko rua riku. ³ Tshuiy'ando nyingi ndja u eye rutoko runu keke ande ko bi tshu mono butaka bi. ⁴ Keke u barabara,itang'rini riyi bitu u kat'ikumbu ra mburu yini mgow, tshuak'waba,tshuiyi ba yor'ando ndjoro ,ka tshua nguesheke u wara butaka bi, keke tshua nguesheke u wara ba riti rutoko,kek'ande ikete rini riruere wu , bi ri mini u bora monyo. ⁵ Yono ndjua mak'tshu rorosho meyi mane mamakimi Ndjambe,yono ndjua meke tshu yeke Pungu ngo ilak'imok ra rueyi runu ru yemene matuwu ma bosho. ⁶ Keke, buar'ana ba shiki nteme, buara ba yeb'ande itanga rini riyi bitu u kata rutoko runu ngow, tshuiyi tamb'ando Kumu. ⁷ Ishin'ande, tshua miki wiyi ando maweshere,kuap'ando ma mamono bi. ⁸ Keke tshua'shiji nteme u wara tamb'ando rutoko keke tshu shashara ngon'ando Kumu. ⁹ Keke tshua nkereke rueyi runu ngow'ikumu ritu ra rueyi, djarak'ande tshui ku kata rutoko runu ngow' mbe kuap u mbete ndjeke.ishini bitu u nyakasha Kumu. ¹⁰ Ishin'ande tshu momonyiye bitu bakimi u bosho bua nguash'ndja marumburu ma bora Kumu.keke moto ando moto i wowosho'ikete rini ra nyemen'ando bikerere djande djini dja kere yande u kata ru rutoko djaraka bikerere dja bisheke, djaraka bikerere dja bibe. ¹¹ Puar'a nyebeke ipu nana ri tini Kumu, tshuak'weshe u shundju a rundu bato babakimi. Ndjambe a maka tshu yebe busheke ndo tshua ntshiki miteme nyitu ipu imoko ka riki rinu buaka tshu yebe busheke. ¹² Shi tshua shoto u bu shundju ande tshui bato ba yemene u reke. keke tshua ngwesheke u bu yeke mbok'ande bu ya kumu miteme u nyaka ishini bitu, kek'ande buar ando rueyi ru barar bato bane bak'ya totoro manyeke u riki u meyi mane ma monyiyiki u mushu banda u bere yebe meyi mane miyi u kat'a nteme. ¹³ Ishin'ande mbe djar'ande tshui bipushuru,tshui ishini Ndjambe.keke mbe djar'ande tshui bato babasheke tshui ishini buinu. ¹⁴ Ishin'ande ruwondo rua bora Kristu rundu ruak'tshu tono, tshuiy'ando bara bara u rundu ande : moto moko a ma wu ishini bato babakimi keke u mbete ndjeke djiy'ande babakimi ba ma wu. ¹⁵ Kristu a wu ishini bato babakimi,kek'ande bane biy'ando monyo ba kap ruere ru kar'war'ando monyo ishini band a band'amene bi , busheke bar'ando monyo ishini yande yono ndjua wu ndo ya kar'wumuwu ishini bande. ¹⁶ Ishini rueyi runu ngow, u tapa tow ngama-ngam'yini ka tshua nkomosh moto makamb wu pwar'ndja bato bi , dji she kwar'ande u wor'a war, tshua wek'lend Kristu ipu rini, Keke,ngam'a ngam'yini, ka tshua nkomosh moto makamb u ipu reni bi. ¹⁷ Keke mbe djar'ande moto yi ku kat'a Kristu , a ma wiyi moto ndjua yembe, meyi ma war'a war ma shomb lend meyi mamakimi ma wiyi ma yembe u yande. ¹⁸ Meyimane ngow mamakimi ma mik'punu ku bora Ndjambe, yono ndjua yi tonosho Kristu ishini ku karash mawekosho mitu ando ndi. Keke ya ku tshu yeke nene mu karash' bato u mawokosho ando nde. ¹⁹ U ror'ande u Kristu, Ndjambe a ngweteke karash'bato u mawokosh'ando nde ,u bere karu wosh'ando nganga mandimbi ma band a rik'ra band. Ama tshu yeke ngunu mu karash'bato band u mawokosho. ²⁰ Idji ngosh' bi tshu shoro ngo bato bane ba tono bande u boro Kristu. Wekat'ande Ndjambe a mek' bako, bato mbere ku mboko yin'indjitu. Tshuak' bu bondoro u ruwondo rua bora Kristu ande Wokosh'ando Ndjambe. ²¹ Ndjambe yi bi kere ngono kek'ande bitu tshu buak'bato babasheke u mishu ma bora Ndjambe u yande.