¹ Ndi ruere ya kanga,keke ndap'she buish'a iket'a imok mbe ndi ya wondo keke ndi karak karwiru meyi mane ma mik'miyi mono ndo ma moyiyi ma meyi mane miki punu u bora Kumu. ² Nda yebe moto mok u Kristu yono ndjua nde dja kare mashewe ishang ando mane,yono ndjua totoro band u riki ra ntshat,ku tshua yeb anok dja war'ku rutok'ruand mbe kuap 'aki ka dja tok'wara u rutok'ruand, Ndjambe yand'amene yand a nyebeke. ³ Ndak'yeb'ande moto yono mbe ndja war ku rutoko ruand mbe kuap ku bushobo bu rutoko ruand,ka toko wara ndi yebe bi, Ndjambe a nyebe ⁴ .Ba ku ntotoro u kat'a paradiso,keke ya ku woko meyi mi ikini ma ntshomb mane ma nyemenen'ande a moto a mok'a kapa'ruere ra ma tot'bi. ⁵ wu rueyi rua moto ndjua ipu rini ngow, ndi ya ka ya kanga. Keke ndap'she ya kanga u rueyi ruami mi mene bi, mbe dja bere wara u meyi ma bora bun'ibuani. ⁶ Mbe ndar wesh'ande ndi ya kanga,ka ndar'wara ipushuru bi ,ishin'ande ndar toto barabara. Keke ndarak ya rondo u ya wondo kek'ande a rek a moto a mok' kanya yar'ondo buanya bua ntshamb'ndembe u meyi mane ma monoko yand ndo ma ngoko yand u miyi. ⁷ Ndak'ya rondo ayash u bere ya wondo ishini ipu rini ra neke mamonyiyi ma meyi mane ngow.keke,ishini rueye runu ngow'nda kap ruere rurobo ya wondo,ishini ntshueye munu mua pik'band u kat rutok'muin'a ngunu ndjua bora satana ishini ku mbonosho ntanda,kek'ande ka nda robo ya wondo dja buiki ⁸ Shok'ishata mi ku bondoro Kumu u rueye runu ngow'kek'ande yi mpambara tamb'ando mi. ⁹ Keke ya kundoro y'ande ntshongo muani mueyi ma yemene u boro buawu,ishin'ande bunono buami bu bua yemene yerer'a yerere u kat'a boro. Kek'anan ndi ya wond ya wond buik a buik u boro buami ishin'ande bunono bua bora Kristu buyi u kat'ami. ¹⁰ Ndiy'ando bunyaka u kat'a boro bun ibuami,u kat mishingi , u kat a ndururu,u kat'a ndjoro, ndo u kat' mitanda ishini Kristu ,ishin'ande itanga rini ri miyi boro,ki itanga rini miyi bunono. ¹¹ Nda pibiri ipushuru, buinu bua puandiy'a rund ishin'ande nda wara ruere runu rua nde buinu bu tono a rundu,ishin'ande ka nda tok'wara moto ndjua nkeke u bosho bua bato ba banene bane ba tomo u bora Yezu ndji she kuwar'ande ndi moto ndjua ngona ngono. ¹² Djendje dja moto yono ndjua tonmo band dji ku monyiyi u ndeng'ayinu ando nteme mua bora mua mukimi,ando djendje,ando bimuenyi ando bishana. ¹³ Ishin'ande ku yeye a wara bunu ando nganga ndja ikeke u shomb Ekelezia shin'isheke, mbe dja bere wara ande ka nda toko wara ngo buritu a riki rini kukiyi anas bundimbi bunu ngow. ¹⁴ Lende , ndi ngama ndja u wende ra bora buinu shoko ndja ntshata. Keke ndap'she wara buritu a riki rinu ishin'ande kuap'nda ntshotoko bikete djinu,keke ndaka bu shosto buinu buin'amene.Ishin'ande bana ka ba tok' wara ruere ru rondo bikete ishini baboto band ngow bi, u mbete ndjeke, baboto ba nyemene ruere ru rond bikete ishini bana ba band. ¹⁵ Ndi rereye bikete u ruwond ruami,keke ndarak'ya yeke miyi miy'amene ishini nyonyo nyinu mbe djar'ande nda bu wondo buik'abuik, ndar wara ndjua wondo bukeke u boro buami. ¹⁶ Keke,kek'angow yini, ka nda tok 'wara buritu a riki rini bi ,keke nda war'ando buanya ,miyi ku bu wat' ayong bua bube. ¹⁷ Nda bush mpoto u bunu u mbok'abora moto moko ndjua bato bane bi bu tonosho miyi. ¹⁸ Nda ma windjiri Tite bunono bu wende ra boro bunu ba moto ndjueke ndjua tomo meyi b'andi. Tite a bushi mpoto u buinu ka tshua tok'wu kwandji ipu imoko ka tshua wi bok para shimok. ¹⁹ Bua ngwekiy'ande itanga ra rikimi rini ngow,tshua wara tshu ya shuwushu u meyi u bosho buinu u mishu ma bora Ndjambe, u Kristu, tshua toto meyi mane ngow mamakimi ishini ku windjiu maweshere mini bunono. ²⁰ Ishin'ande nda ntinik'ande itang'rini ri toro miyi u ndeng'ayinu , ndi bere to bu mono pwar yini ya ngwesheke miyi. Nda ntinik'ande a reke bua mpono pwar'yini ya ngwesheke bunu. Nda ntinik'ande ndi to mono u ndeng'ayinu mamanasha,bupishi,kabu sha shomb, ndjare ndja u buish bikete bunu bun'amene, bitoto dja meyi mamabe a rik'ra bato , u ya weshe , ndo meyi ma woshowosho. ²¹ Nda ntinik'ande u makaruwu mami , Ndjambe i ndjaka bushonyo u mishi minu . Nda ntinik'ande ka ba peke ndkjoro u bora bato ba buiki u ndeng'ayinu bane ba kere bube ndo ba bere barara miteme nya band u meyi ma mbindi, u meyi mamabe mi bushoshombe ngon'a wu meyi mi ya nyakash mi bikutu mane ma kere band.