¹ Nda ngueshek'ande bukanda miteme ishini miyi u bushosho ngo nuini irara, bara- bara buwindjiri miteme kakeke, ² Ndiya ndo tanga ariki rini ngo tanya shi Bundjambe u buini,ishin'ande ndi bushishiki nomayini moko. Ndi bushundju nungu moko ru kombo ruande Kristu, yiyi ngo irenge ra ngata rabere toko yebe nungu, ³ Keke ndiya ndo butete ipu reke, ipu imoko ndjowo arimbi yande Eve u buanya bua bube, areke manya mini matowo u bara-bara ndo u yembe rini ishini Kristu. ⁴ Mbe djar'ande moto ndjueke amiyi u buyishi Yezu ndjueke u yono ibuyishi biti. bua wosho pungu ndjeke ibere wiyi pungu ndja awosho buini. Mbe tshua ror'ande tshuawoshe rusanga rueke runu rubere wiyi ipu imoko u runu ruate buini wosho. Bunanga nteme bunono u meyi mana. ⁵ Ranguengi'ande bate bana banguruku banda batomo ba boro Yezu ba banne kabatoko ndeke miyi bo. ⁶ Kek'ande ishike war'ande karatoko yiri ishini uyebe utoto rakapa u meyi mubuyebere,u meyi mamakimi ndo ipu ruwara tshua ma bushundju buyebere. ⁷ Miyi rakere bube yiya kitishi muyi ishin'ande buini butowo. Ishin'ande rama buyishi rusngs rus Ndjambe ikini iputu. Ekelezia sheke baweke putu ishini ⁸ kubukereshe buini keke bakumon'ande raweshe djaka puaranga. shabande ngono-ngona. ⁹ Itanga ra wara miyi u ndenge yini ndo awara miyi a nyinga ikete,karatoko nyanyiyi burituru buam'ariki ra moto. a moko. Keke ba binyiti bina Maredoinu bande bayembeshe nyingi shama. U meyi ma makimi rama ya rondo ubere shiki buriti anki rini,keke miyi nde wara munu ngono. ¹⁰ Ngo ipu ra bara-bara ra bora Kristu ibundu wu miyi rueyi ruiya wondo ruapa towo miyi ukata shina ndjabora bua Achayi. ¹¹ Ishini yeye akere miyi ngow, Dja ntshudjk'ande karatoko buwondo Ndjambe amak ruyebe. ¹² Runu rua nkereke miyi, nda rukere uwende arundu ra bosho ishini manya ma mabe mi rutene rua bate ,bana bayatotoro ngo ba kera ngunu mok'ando yiti. ¹³ Ishin'ande bate ba ngowo biyi ba kera ngunu ba be ndo bi manimbi. Bakaya barara ngo ba kera ngunu ba bora Kristu. ¹⁴ Areke bu rumono rueyi ru yembe , ishin'ande satana ya mene ameke ya barara ngo muajero ma manya. ¹⁵ Ndja kapa rueyi rua ru nene ru ya ururu mbe djara bini nguna banda ba ya barara ngo bina ngunu ba bara bara. Ma manisha ma miwara ngo ipu ri mingunu nya banda. ¹⁶ Nda karak toto shoko ndjeke, areke moto a posho ngo ipushunu, mbe djara ipu rishiposh'anana ngo iyengere,keke ndji ya tonosho ndamba. ¹⁷ Rueyi rua noko miyi ngo rueyi rua bara-bara rueyi rua yoro ndo u ya shike rua kapa u maweshere ma Kumu ndo ntotoko ngo ipushunu. ¹⁸ Kekangow bate ba buiki a mak ba ya tonosho u rutoto, a miyi ndi ruere ya tonosho u ipu imoko. ¹⁹ Buini buyi bina buanya ba nguesheke buashe buashe meyi mane ma ntotoko bi pushunu ishini yeye. ²⁰ Aki yar'ande moto a ma buishi ngo ba showo bande,amk ya wosho ngo yande a ma bureke,yi bu tambara mbe bikete djini ando buanya ,u bu rimbi. mbe ki yi bu boro makashi. ²¹ Ndjiy'ando bushonyo bu ror'ande tshua tokowar'ando ri ruene bitu kere ipu rini Ee, mbe djara moto a mak ya shiki a miyi ndapa war'ando bushonyo bu ya shiki. ²² Biyi bina Hebere, A miyi ndiyi muina Hebere, biyi bina Isarere, Amiyi ndiyi muina Isarere. Biyi bina ikunda ra bora Habrham a miyi ndiyi muina ikundu ra bora Habraham. ²³ Biyi bina ngunu mua borta Kristu Ndo ntotoko muina irara. Ndiya miya ndjua ma bareke. Nda ma wara buik a buik ukata mingunu nya minono,ukata ma mburu mima roko ma buik ukata ma bororo ma shamba nene uwara ubusho bua meyi ma nono mi iwa. ²⁴ Ba yuda, ba mboro shoko itana ku mboro koro mashanga ma shata ndo ribua. Shoko ishata ba ma mbor'ando nte . Shoko imoko ba ku kuete mamanya shini ku ndjak ²⁵ shoko ishatu mi ku shoto wa u masha u kata mashuwu. Miyi ku tshionyo butuwu ibitiki u ndega amshi ma manene. ²⁶ shoko ndo shoko nda ma kere Ndjende, nda wara u busho bu iwa u kata mashi u bosho bu ba kere a meyi ma mabe, bate bi irondjo rama bate bi ma rondjo meke ba bere yebe Ndjambe,iwa u boro bua bunene u nde bushobo u nde mashi ma manene, aki iwa ra royi banda u ba binyiti bi manimbi. ²⁷ Nda mawara ukata mingunu nya minono aki ukata mitanda, ubere tshondjo u matuwu ma buiki, u ndjara ndo posha mashi makimi mi bidjere matanga ma buik u wara u kata piyi ndo butaka. ²⁸ Ubere toto meyi meke mana maneke manangow rushuwu ando rushuwu nda wara ndo buriti ndo ntanda ishini Ekelezia sha shikimi. ²⁹ Na yi boro,minyi u bere wara boro, Nanana a buaka bata bube,keke nda bere ntanda u nteme muama ishini yande ³⁰ Mbe djara ndak ya tonosho ndji ya tonosho ishini ku boro buama. ³¹ Ndjambe ishanda kumu Yezu yono yiyi ndjua rutono inamana ma manasha , a mak yebe ande kara ntsheke banga bi. ³² U damas kumu ndjua nene Aretas , a wara tambo boro bua bu bunene bua bina Damas,ishin'ande bi puata. ³³ Keke ba ku ntshiki ukata ntete ndo ba ku tshuerere u itondoro ri iyere ra mburu,keke mitimi u djara djande u bere puata.