¹ Yini shoko ndja ntshata ya miki u boro buini tshirumbu tshikimi, buini utshibatara tshiwara ndo batemu ba pende mbeki bashata. ² Ramamana roror bukoto u bana bakere bube ndo ubane bantshara,itanga rawara minyi shok'ampende,ndo rankaka rutoto shok'ampe. Itanga rikara miyi wiyi ndapa bushueye bi. ³ Ndake bushosho ande bua ntshotoko yendj'ande Kristu itoto u miyi, akapa u buini,keke yand'ake yi bunono wu biuni. ⁴ Ishin'ande ba ma nyaka u nte mua wesheshe ishini boro buande ,keke yiya ndo monyo u bunono bua Ndjambe. Kek'abiti tshwiyi ndo boro u yande keke tshuwar'a monyo ndo u bunono bua Ndjambe, undenga yini. ⁵ Yatomba nana buin'amene ishini kuyembe mbe buiyi ukata maweshere. ya tomb'anana buin'amene. Kabuanyebek'ande Yezu Kristu yiyi ukata yini ? Yiyi,mbe djarak'ande buakapa bayereme. ⁶ Miyi ranguesh'ande bu yeyeb'ande bita tshuakapa bayereme. ⁷ Kekangowo Tshuanomboko Ndjambe ande reke bua kere rueyi rua rube aru moko. Kara nomboko Ndjambe ishin'ande tshumonyiyi ngo bana bashamba itete. Anan'ake ranombok'ande bukere meyi mamasheke, djarek'ande tshuamake rimbi itete. ⁸ Keke tshuakapa ruere kere rueyi runu rubere wiyi rua bara -bara. Biti aki tshukere pa meyi ma bara-bara. ⁹ Keke biti tshwiyi ndo bunyaka itanga riyi biti boro,keke bwini buiyi bunono tshua kaka rombo ishini maroriyi mini. ¹⁰ Ndak bupundushu meyi mana ishini yiyi miyi tamb'ando yini,keke itanga riwara miyi ndo yini , ko ndi bukereshe meyi ma nkombo ariki rini ishini bukumu bua peke Ndjambe ishini ku bushiki a mboko, keke djakapa ishini kubuwono. ¹² Ishini ngowo, bana ba mayi nyak'anana kera nana ngunu ishini kuya roriya, ya yeke anana bunono, buara a mawokosho buna-buini, buarak'poro. Keke Ndjambe ndjua ruwondo ndjua poro yara ndo yini. ¹¹ Yawimbush'anana buina-buini wu yeshere mi numbu nyini nyi ikini. ¹³ Bini ikini ba bora Ndjambe ba bakimi bak buwimbushi. ¹⁴ Ntshongo mua bora Kumu Yezu Kristu, ruwondo rua tata Ndjambe , ndo mawokosho ma punga Ndjambe mara ndo yini.