¹ Areke wa pangeshe inunu ra moto, nyishi ndo matinini ngo ishu, rongo birenge dja bate ngo bana ba nyowo, ² Bamanya bi bawotara ngo banyowo, bana biyi birenge ngo bana banyowo bi bawata , u yembe ra rikimi. ³ Utini bawata bawushu barungu ngo bawushu barungu bi bere wiyi ndo bate bi totoro buriti bua banda. ⁴ Mbeyar'and Ngata auwushu nungu iya ndo bana aki bakana, buriti bua banda buiyi kushundji bate ba banda bi ikundu ruwondo ndo ukarasha ba bato ba banda djini dja wosho banda u banda, ishin'andi,.ipurishe rikere riyi busheke u mishi ma bora Ndjambe. ⁵ Yono yiyi u bara-bara ngush'a nungu ndo ameke yawarara ya mene, keke ameke shiki nteme muand u bora Ndjambe aki ameke ashiki u maromboro ma Ndjambe u marere butuwu a muanya. ⁶ Keke yono ngusha yiyi u meyi mi nyakeshe rutoko ruande yiyi ndjua wa isheke wara ndjua monyo. ⁷ Bashosho meyi mana, keke bi bere wara ndo rueyi rua rube rutoto ambura banda. ⁸ Mbe moto a bere totoro burite bua bate bande, bukoto- bukoto bana bi ikunda randa, amawono maweshere mande ando amawiyi me ureke bana bameke we rombo Ndjambe. ⁹ Ngata yono awushu nungu ya u wara u nongo mu bawata bawushu barungu yara ayemeshe mashewu mashnga mashamunu awara ngata ndjua nungu moko ndjua iyi shuku busheke. ¹⁰ Yara ndjua yebe ubora bate'ande ngo nkera meyi ma masheke u bora bana banda busheke ,amake waya benyambanga busheke u mbur'ande , aweke woshosho para sha bini ikini aweke wondjoro bini ntanda, aweke kere meyi ma masheke mi mapu ndo mapu. ¹¹ Areke wa wosho birenge dji bawata djia wushu barungu dja bere te nunu, ishin'ande itanga nyingi nyi kara wosho barungu beke, bi rerekere mboka bora Kristo. ¹² Bi bua buaka bate ba babe udjaka maweshere ma banda mi bu koto ¹³ . Ipu rini dji bawata djini djameke buaka kuribiri mbura ndo mbura , kapa pa ishini kuribiri bameke kutene bate ndo uyamishi u meyi mana mibe wiyi ma banda aki u toto meyi ma mere yemene utoto. ¹⁴ Nda ngueshek'ande birenge dji bawata bawushu barungu kikara nini mabaka ma yembe, bitota bana, bitotoro buriti bu mamburu ma banda, ubere yeke muini ikande mboko ndja utoto bube ariki ra banda. ¹⁵ Ishin'ande ibeke ba banda ba rekere mboko dja ma weshere ma banda uraba satana. ¹⁶ Mbe muini Kristo ndjua nungu mbe ndjira ngata yarando bawata bawushu barungu itotoro buriti bua banda keke Ekelezia areke buriti bua banda, iwosho bua bua bana bayi ba bara-bara bawushu barungu. ¹⁷ Bawotara ba yoro ra Ndjambe bankereke ngunu mua banda busheke biyi bate banyereme ndo tono ipende, buika buika bana banyishiki ikamba ra Ndjambe. ¹⁸ Ishin'ande nkanda mua Ndjambe muanoko'ande areke wa kanda ngombe numbu amiki yande nyeke bi wonono, dji busheke bua buiki uyeke ngombo mboko ndjia udja ishin'ande muina ngunu ndjua nkimi yiyi ndo iputu rande. ¹⁹ Areke wa wosho mapunduru ma gotara a yoro mbe wabere wara ndo bamono a rueyi ambur'ande babende mbe bashata. ²⁰ Bakere bube babere u busho bua bate ba bakimi kek'ande bate beke biwosho butete. ²¹ Ndake windjiri u mishi ma bora Ndjambe, mishi ma bora Yezu Kristu ake u mishi ma bora Bandjero bashoro bande, ishini wene utini meye mana ubere shoro masha ma bate ndo ukerehse bate ba bakimi ipu yimoko. ²² Areke wanyaya moto djara mbanga-mbanga ake areke wiyaposho bube buakate,we mene uyarondo busheke. ²³ Areke wanyaya moto djara mbanga-mbanga ake areke wiyaposho a bube bua bate,we mene uyarondo busheke. Areke wanyuku masha ma mande-manda u nyuku tshuana tshua tshkeke ishini biyere boro djini djaya ando wa shoko shabuiki. ²⁴ Mandimbi ma bate beke ma monyiya wu woro-woro ba ubeke barumbushu u ibeke ma meke monyowo ku mbishi matuwo. ²⁵ Ipun imoko mingunu nya misheke nya meke monyiya ku yembe , nyinake inyebere wiyi nya misheke nyaka ruere rushuamembi.