¹ Bata bana biyi u bushowo bi mono ba kumu sha banda ngo bana ba yemene u rutono rua rukimi,kek'ande rukombo rua bora Ndjamb'aki mayishi ka ma ma buaka ngona ngono. ² Keke bana biyi ando ba kumu sha banda ngo bate ba yebe Ndjambe areke bu ba mono ngona -ngono, ishin'ande biyi ba binyini keke buini bu ba kereshe busheke ngo bate ba wondo Ndjambe ndo bana bi ruwondo rua buiki bana ba bama u ba kereshe busheke. Ba yishi meyi mana ndo u ba shundju a manda . ⁶ Ndja kapa nyana mbe djar'ande moto ka meke shoto biroko dja shini yini ngowo u tomowo Ndjambe u bui bushi biroko dja buiki. ⁷ Keke biti ka tshua toko wiyi rata iketo ukata shin'a man,tshu we karuwa djara bu wana. ⁸ Mbe djar;ande tshuiy'ando bidjere ando mapere, bikete djini dja yemene ishini biti. ⁹ Bana ba ngondoko u buishi biroko dja buiki ba meke buaka u marongo ishini nyingi sha banda shi bushutu u bube ndo shashibe, sha meke rimishi bate ndo sha meke ba wono. Meyi ma buiki ma mabe ma miki punu u ¹⁰ shokoshoko ndja nyingi biroko, u riki ra meyi mana bate beke ba meke rimishi ma weshere ma banda , ba meke ya yeke ndjoro sha buiki u miteme nya banda. ¹¹ Ishini wene moto bora Ndjambe tini meyi mana ngowo, ndo shoto busheke, ntshongo maweshere, ruwondo, nteme boro,poro ¹² Nana itumb ra risheke ri ma weshere, shuku monyo mua shera -shera, u munu mu yi wuru banda u bora Ndjambe, aki u ma weshere mawa u mishi ma bate ba buiki. ¹³ Ndak'irombo u mishi ma bora Ndjambe yono a meke yeke bate monyo Yezu Kristu yono a weshe u mishi ma bora Ponse Pilate,u rondo mikendje. ¹⁴ Ndo u bere wara ndo itobo, ishini rueyi makaruwu ma bora kumu yiti Yezu-Kristu. ¹⁵ Itanga rini ra roroyi y'ande ishini ndjua bunyaka aki ndjua totowo uriki kumu ndjua ba kumu ba bakimi, ¹⁶ Yono moko mu bere karuwa ngama ndo moto a moko ka toko mu mono ndo akapa rueru mu mono, rutono ndo bunono bua shera -shera bu wara ando nde. ¹⁷ Shosho bina biroko bana bi mashewe ma rini birekere u ya wondo, areke ba shiki , miteme u biroko dja banda dji bere wiya ando irika bishiki miteme nya banda u bora Ndjambe ndjua meke tshu yeke bikete dja bikimi ishini biti u nyaka djindi. ¹⁸ Keke ba shosho bi kere busheke bara bini biroko u meyi ma masheke, bora ndo nteme mu yeke bate bikete, u wara ndo ruwondo u bate. ¹⁹ Bi puru ando bikete djini dja nganga djishini matuwu mana ma miki busho u iraka ra yemene keke u wosho monyo mua musheke. ²⁰ Wene Timote rondo meyi ma makimi mana ma shiki Ndjambe u nteme muawa, ndo aki dji rutoko, ²¹ Ma nanasha mi bu yebere bua bube bunu bua kereke bate beke, bana ba ntshotoko maweshere. Ntshongo mua Ndjambe muara ando yini.