¹ Keke punga Ndjambe yantotoko u woro wor'ande, u matanga mi mamanasha bate beke bi rerekere maweshere ma banda,ishini kubama pungu sha shibe ndo mayishi mi bademone. ² U manimba ma bate ba ntotoko meyi ma mabe banda biyi bashiri tuyi ukata miteme nya banda. ³ Banda ba merek'ande areke bashiki bawata ndo ukiniyi bate bidjere ndja wanga Ndjambe ishin'ande bi bidji ndo ukarasha maranga u bana biyi bayembe bara-bara. ⁴ Ishin'ande bikete dja bikimi djawanga Ndjambe djiyi busheke. kuapa ikete rirene banda boko ishin'ande bi wosho ndo bunyaka. ⁵ Ishin'ande dja bikimi djiyi djakinyiya ndo rutoto rua Ndjambe ndo maromboro. ⁶ Antshu ndjuku wene bana ba nyowo meyi mana ma ngowo,wene wak'wara muine ngunu ndjua ntsheke ndjua bora kristu Yezu, ndjua nyiki rutoto ru mawesher ndo u mayishi ma masheke marabu'wene to ndo a rini . ⁷ Wene u bere mitiki nya meyi ma mabe ndo nya ngono-ngono ⁸ Wene u yayeke u bara-bara,ishin'ande biskara djiru toko djiyi ndo nganga ndja ikete,keke ruwundu rua Ndjambe ruy'ando nganga u meyi ma makimi,ruiyi ando iraka u monyo mua keka'ngow'ando muinu mua miki u bosho bu matuwu. ⁹ Rutoto runu ruiyi rua rusheke ndo rua yemene u ru wosh'ando nganga. ¹⁰ U rueyi runu, tshuak'kere ngunu, ndo tshuak'nana ishin'ande tshuantshiki nteme muite u bora Ndjambe ndjua monyo,yono yiyi ngondjoro ndjua bate ba bakimi bana baka ngueshe. ¹¹ U shosho bate meyi nana ,ndo u bayish'amanda. ¹² Areke moto abeshere burenge buawa,wene wara yendje u bate bana bey'ando mawshere ,u rutoto,u bikerere,u ruwondo,u mawesher ndo u yembe ra nteme. ¹³ To ndo itanga ri wiyi miyi, u ya yeke u mabora ma Nkanda mua Ndjambe,u maromboro ndo ma yishiri. ¹⁴ Areke wa wosho ngon-angono ikapa ra bora Ndjambe rini riyi ukat'awu,rini riyeke banda u rutoto ru bangandjambe ndo manyara ma ndjara mi bawotara ba yoro u ntshu muawa. ¹⁵ Ya yeke u meyi mana ya yeke nteme muawa mua mukimi u manda,keke mawere mawa mera bosho mimoniya u bate ba bakimi. ¹⁶ Uwara ndjua penye ndo u mayishi mawa ,u ya yeke u kata meyi mana .ishin'ande ukere ngono.u ya yawondjoro we mene .ndo u wondjoro bana ba bakimi.