¹ Rutoto runu ngow rui rua bara bar'ande mbe moto a weshe u wara ntstor'a bato,a ntsrok'neme mua musheke mua shamba, ² Dji bushek'ande ntotor'a bato a reke ba nguata u rueyi a rumok' rua ruke,yara muin'a ngata moko .a reke yara muin a shokoshoko bi yara moto ndjua nyiti, moto ndjua sheme u bikerere djand,yara ngway'a bato ,moto ndjua yemene u yishi bato. ³ A reke yi ya yeke u mana, mbe moto ndjua nkono,keke yara ntstor' a bato, muin'a poro,moto ndjua u bere ya yeke u biroko ⁵ Dji bushek'ande i totor mbur'ande busheke i shiki bana band u rutomowu ndo u rutoto rua barabara. ⁴ Mbe djar'ande moto ka nyebeke u totoro mbur'andi,ipu nani ri ruere yand yoro ra bora Ndjambe. ⁶ A reke yara moto ndjua yebe u maweshere, u butete bunu bua nde ka yi ya totoro manyeke u riku, yand u buaka u marumbushu ma bora satana. ⁷ Keke yar'ando lushang rua rusheke rua bato bi busheke,keke bi bere mono ngonongono ndo ya yi buaka u marongo ma bora satana. ⁹ A yasha bawotara ba ngunu mua Ndjambe bor'a band bato ba barabara, a reke bara bin'a to'ipende ndo a reke bara ba nyu a mana ndo ba shoto mipoto u mbok sha shi be. ⁸ Bi rondo ngunu mu maweshe ando buanya bua yembe. ¹⁰ Bi she ba kiki bukoto bande a tapaka ngunu mua band kek'ande bi yeb'ande ba kap'ando rueyi rua bube bi. ¹¹ A yasha bawata ipu imoko,bara bato ba bara-bara,a reke bara bini bi tototo bi bora bina poro ndo bate ba yemene u meyi ma makimi. ¹² Bawatara ba ngunu mua Ndjambe bara bina ngata moko aki birongo bana ba banda busheke ndo u toto maburau ma banda busheke. ¹³ Ishan'ande bawatara bakere ngunu mua Ndjambe ipu ra nomboko djindi baniniki ku nongo mua bate bi rutono aki biyando mawashe ma manene ukata Yezu kristu. ¹⁴ Ndaki pundushu meyi mana ando nyingi ndja miyi wu uriya ngama-ngama u bora buawa. ¹⁵ Keke yeb'ande mbe rabere wiyi buasha ,ipu nana rirenewene wu wara u kata mbura Ndjambe, yini Ekelezia ndja bora Ndjambe a monyo,ikondjo aki mawekeme ma bara-bara. ¹⁶ U bere barara ipu reke rueyi rua shuama rua bara-bara ruiyi rua runene : Yona amonyiya u rutoko ndjua aweshe punga Ndjambe, ndjua amono bandjero ndjua ayishi banda u marondjo meke, ndjua aweshe banda u shina ndjua a totoro bande ndo bukumu u bora Ndjambe.