¹ Nda kiromb'ande u bosho bua meyi mamakimi, nda kiromb'ande ande urombo Ndjambe, ureresha Ndjambe u meye mana imawa,ushosho Ndjambe nyingishawa,nde u bukarasha maranga ishini bate ba bakimi, ² Ishini ba bakumu, ndo bana badji rutono,keke tshuyebe uwara poro uyakitiyi ndo mashikiyi ma shike aki poro. ³ Ngono djyi busheke ndo djanyakeshe ubosho bua Ndjambe Ndgondjor'ayite. ⁴ Yande angueshek'ande bate ba bakimi bora bawondjowo ndo bitoro u mayebere ma bara-bora. ⁵ Ishin'ande Ndjambe ipa moko,ndo yono ameke puturu Ndjambe ndi bate, moto yono yiyi Yezu kristu ⁶ Yande yiya yebe ngo namba ishini kupunushu bate u bushowo bua meyi ma mabe,Ndjambe akere meyi mana u itanga ra rishike ishini kushundju bat'ande Ndjambe a mawond'ande bate ba bakimi biwondjowo. ⁷ Ndo iraki rina miyi ashiki bande muyishi ndo ntomo ndo noko bara-bara,karantsheke bange bi,ndiya ndo buriti buyishi bana babe weshe ndo bara-bara ⁸ Rangueshek'ande bate birombo Ndjambe u maraka ma makimi,utotoro myata mikimi mi bewyi ndo kabua mbe manya ma mabe. ⁹ Ranguesheke ayasha bawata bireye mabere ipu rarisheke,ndo ipu imoko ra risheke ribere wara ipu ri yawondo reke batongo puiyi sha banda,reke bareye bikete dja oro,mayenge bi,mbe mapre manganga ndja buiki. ¹⁰ Keke bikere mingunu nya misheke,nyini nya nguruere rukere bawata bana bameke ya shundju ande bantiniki Ndjambe. ¹¹ Busheke ngata iwoko mayishi u poro,aki wiyakarasha u ipu rarikimi u mawokoro. ¹² Shi ra yebe Ngata mboko ndja uyishi mbe kuwara ndo bukumu ariki ra nungu,keke yeke wara ukata poro. ¹³ Ishin'ande Adame awara moto ndjua bukoto awanga Ndjambe ambishi Eve, ¹⁴ Kapa Adame akere bube bukoto,ngata atebuaka, akere bube ya kudjaka nkendje mua bora Ndjamne. ¹⁵ Yiwondjowa mbe itapa uboto bana ,mbe yi yeyeke yankimi ukata maweshere ma Ndjambe puar'nomboko djindi ukata ruwondo ndo ukata u ikini.