¹ Miyi Paulo, yone ndjua tomo band u bora kumu Yezu kristu u rutono rua boro Ndjambe ngondjor'ayitu ba Yezu kristu yengiyi ritu. ² Wene Timote, muan'ami ndjue barabara u maweshere : ntshongo,ruwondo aki poro djar'ando u wu rukombo rua bora tata Ndjambe ndo rua bora kumu Yezu kristu. ³ Ndak'i wibiri rini ri iyeke itanga rini ra weke miyi ri Masedoine,itanga rini shak'mi irekere u Efeso kek'ande u sha kara boto bane ibek'ande a reke ba yishi meyi meke mi bukara. ⁴ Ndo a reke ba bambata u toto bitoto dji makundu ma bato mane mibere wiy' a rueyi ru ishimu, djini dja meke boto masheye a shimu jini ndja u tomo ngunu ma Ndjambe u kat'maweshere. ⁵ Rueyi rua runene rua inkendje munu ngow ruyi ruwond rua nteme mua yembe ,rua buanya bu busheke aki maweshere ma bara bara. ⁶ Bato ban'ibeke ba rekeremeyi'mane ba ma ya nishi u toto bitoto dja ngonangono. ⁷ Ba nguesheke u war'bayishi bi mabenge keke ka ba ntshek yebe rueyi runu ntotoko, mbe rueyi rua wesheke band. ⁸ Ka ntshua ntsheke rimb'ande nkendje mu busheke,pamun'ande mbe djar'ande tshuak'mu kere ipu rini ra nombok'djindi,ngo pwar'yini ya nyebeke bit'ande nkendje mu busheke ishini moto ndjua ntsueke ,keke mua kap ishini bini kabu ndo bin'a ntshu. ⁹ Bunono,baponyo ando bato ba babe,bato ba bere Ndjambe ndo bane ba mereke uwe tonosho Ndjambe , ba ndjaka bishapo ndo ba djake binyaba, badjak'a bato, ¹⁰ Ba kere bundimbu band'a banda, barungu ando barungu ndo bawat'ando bawata,bini manimb bane ba meke yakoko u meyi mimanimbi aki meyi mane ma mere yenen'ando mayishi mamasheke. ¹¹ Mane ma nyemen'ando lushanga rua rusheke ru rutono rua bora Ndjambe,lushanga runu rapeke yande Ndjambe. ¹² Ndakarashak'maranga u bora yono ndjua pwindjeri, kum ayitu Yezu kristu,yono ndjua mbon'ande nda yemene, ¹³ Yono ndjua shiki u nguenu muanda,miyi nda war bukoto ngwerere a bato, nyak'a boto ndo moto ndjua nkomo. keke Ndjambe ku poko ntshongo ande nda weke bi kere ku bundimbi ndo u bere barara ntene. ¹⁴ A ki ruwond'rua buiki rua bora kumu a ki maweshere ando ruwond runu ruiyi a Yezu-kristu. ¹⁵ Rutoto runu ngow'ru barabara runu rua nyemen'ande bi ru weshe ande Yezu-kristu ama wiyi ani wu shin'amane i shini bato babe u ndeng'a bane yi miyi moto ndjua bukoto. ¹⁶ Mi ku mono ntshongo mua Ndjambe,kek'ande Yezu kristu yi ya shundju u miyi moto ndjua bikoto ando busheke buand bua bukimi miyi u wiyi yendje u bin'a meye momobe bane bi ngweshe ishini monyo mua shera shere ¹⁷ . Wu kumu ndjua mashew'ando masheke, ndjua mereke we wukw,ndjua mereke u wemonyiyi, Ndjambe moko bukumu ando rutono djar'ishini yande u mashew'ando mashewe. ¹⁸ Rutono runu ruak'miyi iyeke, Muan'ami Timote,ipu rini ra ntotok'band ishini wene u boro bangandjambe djiyi u nana itumbu ra risheke, ¹⁹ U rond mawehsere ando buanya bua busheke. Buanya bunu ngow' bato beke ba ma bu shotosho ando ba ku nyimi maweshere ma band u mash. ²⁰ U ndeng'a bato bane ngw, tswy'ando Hyemene aki Alexandela bane ba yeke minyi satana kek'ande bi weke wi bere werere lushang'rua Ndjambe