¹ Kara jirai Débora aige Barac itomi Abinoam, ikantataige: ² ''kara obantematatsira yagebatsatageri obantagantsi irasi Israel, ira matsigengajegi iatasitagaga kara ingisabokagemari--jerojegi angantataigeneri tosorintsi. ³ Pingemisantaige, Obantaigatsira¡ naro nangantate inibare tosorintsi; nangantabenkerini tosorintsi; ira tosirintsi irasi Israel. ⁴ Ira tosorintsi kara isotogane Seir, aige kara iataji Edom, ora kematsi posebatanaga, aige jonogagite aisati posebatanaga, ora mingori pobariatai niija. ⁵ Ora otisi posebatanaka kara onebëri tosorintsi; aisati ora Monte Sinaí posebatanagasati kara oneaberi tosorintsi irasi Israel. ⁶ Kara inageti ira Samgar (itomi ira Anat), kara katagiteripage irasi Jael, ijoganero abatsi ikenantasantara , ira anitaigëntsira ikenasibagetaigaga ⁷ Teni irantojaigage antobagaigachara kanta Israel, iroti kara naro, Débora, nigantapëri-- paniro tsinane pigantagentapë kanta Israel. ⁸ Irirogegi ikogaiganaji itasorintsite, pinagetane ora antobagantsi kara sitegori timagantsipage teni ine ora irotigontobemarora aige chokobi kanta Israel 40 000 ikarati. ⁹ Ora nanengomento nanintaneintiri ira abantagetatsira kara Israel, antagaisati irasiati ikantagegeri--naroegii ikantokobintirini ira tosorintsi irirojegi!. ¹⁰ Pingegero oka--obiro pingekotanemari asnos ira katari iriro pisobigane ora imantsakisite iromataganera,aike obiro paneetane kara abatsige. ¹¹ Pingemisantatsatiri ira kantatatsira kara piini niija. Aige ikomantatsaanti aisati ora ikanti katingari irasi tosorintsi, aike nakangeri katingasati antabaganari kara Israel. Ira kemisantiri tosorintsi iatage kara isitokoroge ora timagantsi. ¹² Pokiree, pokiree, Débora! pokiree, pokiree, pingantate patiro kantatagantsi! pintinaima, Barac, aike pagiri ira pisitiganejegi, iriro pitomi Abinoam. ¹³ Aige ira teingame yogakaiganaka irotii inirori obantagantatsira. Ira kemisantagiri tosorintsi ipogasipena naro ikaraberi antobagaiganari. ¹⁴ Ikenaigabe kara Efrain ira timaigasantatsira kara Amalec; ora timagantsi irasi Benjamin pogeateri. Ira Maquir isotogaiganake itingomiegi ira Zabulón ira agetobairora pasinii itingomi. ¹⁵ Aige ira itingomi ira Isacar ikaragero ora Débora, Isacar ikarageri ira Barac, yogeateri iriro kara osobigite irootage abantatsi. Ikaraitiri imatsigengajegi ira Rubén ikengitsatobaga aroka iraninke. ¹⁶ Pairo pisobigasiti kara tsitsige, aike nakemakeri ikaibaite matsigengajegi? jega ikarataigi imatsigengajegi ira Rubén intobagaiganaka kara inintanerori. ¹⁷ ¿Galaad peiro ineeri antatinta kara Jordán; aisati Dan ikenganeintaga kara pinasegi pitotsi?. Aitio inee onamiija niija.. ¹⁸ Zabulón irianti agaseretatsara teni iintime kaninasati aro ingamasigima, ira Neftalí, aisati inanai ganta intobaganagari. ¹⁹ Ira itingomibage, yaretagaka, kara intobakaigakari ira itingomipage inatsi Canaan aige intobakaigaga kara Taanac antagaisati jitatsa nija ora Meguido. Kara teni pairo iragematanae kiregipage. ²⁰ aito jonokanta ira porogrii igisabokaganaga, iroti kara iraboke kanta jonokenta igisabokagaiganaka aito Sísara. ²¹ Ora pongoa Cisón aike otagaigeri, ora inaga pongoa , Cisón. obantagantanero ora nasere tsintsiro! ²² Aike ikatsigetaigabe ira morajegui--ipatiagitetaiganake, ipatiatane aisati obetaigirora. ²³ ¡ igisanijinkeri ira Meroz! ikankeri iragatane ira tosorintsi. 'igisanijintaneri itimakagaigira!--tenta irangogaike iromitakotaigeri ira tosorintsi-- iromitokotaigeri ira tosorintsi kara igisabokagaiganaka sintsirijegi. ²⁴ Jael iromasanteroni komeitagantsi paniro iroro tsinane, Jael (ora iina ira Heber Quenita ), iroro komeitatsira paniro tsinane kara pimantagantsike. ²⁵ ira serari yamanake nija aike iroro opeiri iritsi,iroro pamapeneri mantekiya kara piratoke abantagantirora. ²⁶ Iroro pogero obago kara pini opimantiri, aike kara obagosonori ine pipegantara omerarojegi ; aisati pikegantara pitantagaro ora Sísara, aike otibrogagitogero. iroro pibitsagasantero kara otongike arositiabage aisati pabisanero kara ogitoke. ²⁷ iriro itingaranaga kara igitike, aike ipariake inireapa. aito kara igitike ipariake ikarankaratane. ora timagantsi kara itingarakari aike ganta ikamakeri igisetasanterini. ²⁸ sotonta kara oventanate iroro onetse--ora oniro Sísara onetse kara pasitokogenganiri aike pamanatsage kara pogaseregari, '¿pairo ora caro opegobita kara opokeri? ¿pairo opegasantobita ora caro teni opoge nabage?' ²⁹ Ora irogomerejegi kaninarosonori, potabitaiganakeri irooti opaigeri ora otabitagantsi: ³⁰ '¿irirogegi teni iraneagero ora ipabokaganagara ira Saqueo?--¿paniro tsinane aike pite tsinane kara paniropage serari, ira botasi yoatenerora Sísera, ira botasi yoaterora koshorisonori, pite ora mantsakintsi koshori aike ontatagetaigeneri irianti ira kosigerora?. ³¹ Yamega antagaisati pingisanijintanejegi irangamaige, !tosorintsi! karari pitsibagegi ingatagemari obareatsira kara irintinaiganakemari.'' Aisata kebatsi otimake kaninasati 40 osarini.