¹ Kantanë kara ikamake ira Aod, ora timagantsi Israel pogatsitiriro okankero kimingaro tera iranintiro tosorintsi. ² Ira tosorintsi ipaigiri kara ibagojegikë Jabín obantiro Canaán jitasegacha ganta Hazor. Ira obantagirira isorarote ijitasega Sísara,aike itimake kara Haroset Goyim. ³ Ora timagantsi Israel pamanakeri omotokotagantsi ira tosorintsi, Iranta Sísara yogasegë 900 igarone koshorosonori iroro igisabintsantagaro sintsisonori tojai osarini 20 ora timagantsi Israel. ⁴ Yamaika Débora, manatsira (iina ira Lapidot), iroonti obetsikëgobentatsira kara Israel. ⁵ Iroro kara pisobigiro osobitopi komona asi Débora otsibataro Ramá aike Betel ganta itimiri pinageti otishi kara itimi Efraín, ira matsigenga israerisati iatasitaigiro iroronta obetsikagetiro kimingarobage. ⁶ Iroro pigakeri ira Barac itomi Abinoam de Cedes ganta Neftalí. Iroro okankeri, ira tosorintsi, itasorintsite Israel, pigagimiti,' Pijate kara anchatosikë Tabor, paganiti 1000 sërarijegi irasi Neftalí aike Zabulón. ⁷ Naro aganërine Sísara, ira obatakagiri sorarojegi irasii Jabín, arota iraneakemi ganta pongokë rio Kishon, igaaronegi aike isoraroteegi,aike naro ganatakakimine." ⁸ Barac ikankero iroro," pigeatënaka,aro nakage,keroka pogeatina,kero niati." ⁹ Okani iroro,nageatasantanëmini oviro. kara kero jitsatajimira, iranta tosorintsi iromërini poro tsinane. " Aike otinaanaga Débora pogiatëri ira Barac ganta Cades. ¹⁰ Barac ikaimaigiri ira Zabulón aike Neftalí iriatagaigiri kara Cades. 1000 sërarijegi agëataigiri, isati Débora pogiatëri. ¹¹ Yamaika Heber( ira Quenita) itsipareanagari ira Quenitas- Iriantieginta kenasantaigabëngitsi Hobab(Irikongiri Moisés) - iriro yogapë ibimantane kara pini iranchatote Zaanaim, aityosëre Cades. ¹² Kara ikomantaigabakeri ira Sísara kara Barac itomi Abinoam iake ganta antsiatosi Tabor, ¹³ Sísara ikaimaityro ora igarone,900 carobage koshorosonori, aisati ira sorarojegi itsibatasegaigara, oparintanaga Haroset Goyim irooti pongokë Cisón. ¹⁴ Débora okankeri Barac: " ¡ Pijate! yamëganta katagiteri ipëmiro ira tosorintsi ganatagantsi Sísara. "¿ Teko tosorintsi obantagimine?" Ipigabaa Barac ipañapaa kara antsiatosi Tabor itsibataigapari 100 sërarijegi. ¹⁵ Ira tosorintsi ikomëtaigabakari isorarote Sísara,aisati igaronebage koshorosonori,antagaisati isoraroteegi. Ira isirarite Barac intaigabakeri aike Sísara yagëtani igaronegi aike yaniitasitanaa. ¹⁶ Kara Barac yogeatëtaigiri igaronepage aisa isoraroteegi irooti kara Haroset Goyim, antagaisatisonori isorarote Sísara iganataigingani ipogotasitaigiri isabirite, teni poro sërari kañatajachine. ¹⁷ Kara Sísara paniitanë irooti ganta ibimantane ira Jael, ora iina Haber Quenita, aronta pinanë komeitagantsi ganta Jabín obantiro Hazor, aisa ganta ibangokë Heber ira Quenita. ¹⁸ Jael piaage kara oneakero ira Sísara okankero, " Omana, ogometinara; omana kero pitsorogi." Aro okanaka iatasigero ikanake kara pimantagantsikë, iroro pitantobagari pirisara. ¹⁹ Iriro ikankero," Pomena arosatya nija nogimaroti,nomiretasantyëni." Pabireanëro ora otsagine(koshobitaro) ainta irichi inasegi aike pogigeri, irogeta pitatobairi aisati. ²⁰ " Iriro ikankero," Paratinge ganta pisotogiro pimantagantsi. Iropokeka poro matsigenga aike irosomipëmi.'¿ Ainta pairi yaka?', pingantiri 'TENI'. ²¹ Aike Jael( Iina Heber)ipogotanë poro anchagi katsibaro asi pimantagantsi aike poro ipëgantara yagani iatasigeri ira Sísara teni pairo ogotatsinera,isamasantasegëninta, aike iroro pitantabari ora katsibaro anchagi gara igitokë,pabisankari,aro ikanaka ikamanë. ²² Iranta Barac yogeabagitëroninta ora Sísara,Jael pitongibotobagari aike okankero," Omana,noniagëmirini ira sërari pikogira." Aro ikanaka yogiatëro, aike ineopëro ora Sísara aroge okamake, pipëgantinganiro ora antsiagi katsibaro kara ogitokë. ²³ Aro okanaka kara katagiteri ira Tosorintsi iganatagaro Jabín;obantiro Canaán, aro obatabeta ora timagantsi Israel. ²⁴ Aike ora osintsire timagantsi Israel osintsitasantanë ganta Jabín obantiro Canaán,irooti kara yogimingatasantaigërori.