¹ Ira timaigatsi Israel ikankero te ongomeite kanta ibantiro tosorintsi aike ipëri obagokë timatsira Madián iroti tsiko osarini . ² Ora isintsire Madián yogatsitasanteri Isiraeriegi . Ineagabakeri Madián ira Israel yosimanaiganaka kara otsaikëbatsa , mopëtopi aike basinigë managantsi. ³ aisati ira Israel ipangitabitaba ibangire , ira Madianitas aike Amalecitas aike imatsigengajegi iatasitaigeri Israelitas . ⁴ aike Irirojegi yogaigiri irogomerejegi kara kebatsikë aike iseagetaberi ibangire , omagaro abatsigë irooti Gaza . Teni irogematanae perintsi kanta Israel , tenisati oisha , tenisati vaaga teka boro. ⁵ Irirojegi aike vaaga aisati pongotsitiakibage, irirojegi ipokagaigëri tojaisonori tsintseti, teni iragotengani negaraka ikaraty matsigengajegi teka cameyo. Irirojegi ikashitaigapa kebatsikëra irantapëro . ⁶ Madián teni irisintsitakagajiri Israelitas, ora timagantsira israel yamanakeri tosorintsi. ⁷ Ora timagantsi Ishiraeri yamanatsataigëri tosorintsi kara yamasige Madián , ⁸ ira tosorintsi igakeri igatane kara timagantsikëra Israel . Ira igatane ikantaigeri;''ika irienti tosorintsi ,ira tosorintsi irasi Isiraeri ikanti; nagaigami kara egipitoke ,nagaimi kimingagiterokë. ⁹ Nagaimi ibagokera egipotoegikë , aisati ibagokera ira sinchira intïmi. Nojogaigëri pinaitasegaigiri aike nopanajimiro obirojegi ora igebatsitejegi . ¹⁰ Naro nakantimi ;''naro naanti tosorintsisonori; nakantaigëmi kero pamanatsataigë pasini tosorintsipage irasi Amorreos, gara kebatsikë pitimiri .'' teni pijatsatiro ora ninibatimira.'' ¹¹ Yamëka ira iragatane tosorintsi ipoke aike isobike osobi anchato okibe kanta Ofra, kara itimi Joas (ira irashi Abiezer), irintinta Gedeon, itomi joas, jantanage pini ora tirigora ipoteguitaigëro kara pongotsigera yagatikaigiro shebantokira ingantemara sebantokiara, iromanokotaigerini Madianitas. ¹² Ira iragatane tosorintsi yoniagagari iriro ayke ikankeri iriro: ''¡ ira tosorintsi ainta itsibatimi, sinchiri serari.'' ¹³ Gedeón ikankeri iriro , ''nasi tosorintsi ; aintanta inakagai tosorintsi , ¿ Payro akantobitayga eiro nega? ¿jatiniamë ora kaninarobage antagantsi , ora ikomantagetayra pabatijegi , ikantaygë iriro, '' ¿teni iragajai tosorintsi Egipitoke? yamëka ira tosorintsi ijokanagai aike ipanai kara Madián.'' ¹⁴ Ira tosorintsi inetseri iriro ayke ikanke : '' pijataje kara sinchirikë aroge pasintajaro . Pijogabenpairi Isiraeri kara isintsirekë Madián . ¿Teni nagatimi naro?'' ¹⁵ Gedeón ikankeri iriro , '' tosorintsi , ¿ nega nangankero kara najogobentajiro Isiraeri?pinentse , nasi nomatsigengajegi teni irasintsite kanta Manasés , naro teni iraniintasantina ibangokë pabati.'' ¹⁶ Ira tosorintsi ikankeri iriro , '' naro nantsibantemi , obiro pitsonkeri irogomere Madianita paniro obiro.'' ¹⁷ Gedeon ikankeri iriro , pinintinaka naro , pomena nogontimara oviro nibatina . ¹⁸ Përo pinëri yaka , iroti nopigasitapaimiri aike pomapëna ora pikogi pomashitina . ''ira tosorintsi ikane , ''naro nageakemi iroti pirepaymari.'' ¹⁹ Gedeón iage aike ikobë oisha aisa ikanke 22 iritiro obanetagaharina , ikanke pan teni ontsibatimaro pipongantara . Iriro yogëri ibatsa kara chibetakë , aisati iara yogëri kara ini iaa aike yaganëri otabikë okibe anchato aike yoniageri . ²⁰ Ira iragatane tosorintsi ikankero iriro : ''pagiri ibatsara aike pan pogiro gara jonokë mopë , aisa pisiri iara ''. Gedeón aro ikankero nega. ²¹ Ira ironomire tosorintsi itinabokotasikaro irarentimarora kara okarantiri ibotiki . Iroro intirontagaro ibatsara ayke pan shimebitaro ; pitaringanaga tsitsi mopëkera ayke yagëri ibatsara ayke pan shimebitaro . Yamë ira ironamire tosorintsi iataji irirokerai Gedeón teni iranematajiri . ²² Gedeón igotane irironta ironomire tosorintsi . Gedeón ikanke , ²³ '' ¡ Iriro notosorintsitesonori !¡Ira ironomire tosorintsi naneborotasanteri !'' ira tosorintsi ikankeri, ¡kaninasa pine! kero pitsorogaji , kero pikami.'' ²⁴ Ira Gedeón yobetsikë manobentopongo irasi tosorintsi . Iriro ikaimëri , ''tosorintsi kaninanarisonori ''. Iroti yamai përo yatiñiri kanta Ofra antagaisati itimagagi Abiezer. ²⁵ Kara chitinigite ira tosorintsi ikankeri , '' pagiri vaaga irashi piri , ayke pasini vaaga inatsi tsiko osarini , potareiro inantara Baal yasintara piri ,pikaratiro ora anchagi yamanokontaro ora Asera tsibatakarira. ²⁶ Pobetsike manobentopongo irashi tosorintsi yaka piniri , pobetsikiro kaninasati. Ipëri basini vaaga ipasitagari itagaga , pingantimaro ora pitogera anchagi ashi Asera''. ²⁷ Yameka ira Gedeón yaganë 10 iromeraro aike ikankero ora igageri tosorintsi . Karari iriro itsoroganeintasanteri ira itimakaigira ibongokë iriri aisati serarijegi timaigatsira kara timagantsike teni ingantaigero katagiterokë , iriro ikankero chitinigitekë. ²⁸ Kara koniamanige ira serarijegi timaigatsira itinaiganaka , ora inantara Baal aroge pitariake aisa opoa Asera aroge pikaraga , aisati pitera vaaga aroge yogëneri kanta manobentapongo ora yobetsikëra. ²⁹ Ira timaigatsira ikantagetabagaiganaka paniropage , ''¿payro kantero oka?'' kara inibatsatabaganakari paniro page ikogani irotopitengani , irirojegi ikantaiganake,'' Gedeon itomi Joás kantëro oka ''. ³⁰ Yamëka ira serarijegi timaigatsira ikankeri ira Joás, ''pagiri pitomi irangameta , irironta tiriakero inantara Baal , aisati ikaragero ora Asera ikaratira''. ³¹ Joás ikantaigeri antagaisati teirajitiri ,¿ obiro pingantabenkerini Baal?¿pingabitsabairi obiro?ira kantabenkerine Baal ingamakeni kara okëtagetigerai . Tosorintsika Baal , pogiri paniro iriro antsita ingatabengimachi ''. ³² Yamë irirojegi ikamaigëri Gedeón ''Jerobaal'' , aro ikanke , '' pogiri Baal antsita ingantobenkimachi iriro ,'' irironta Gedeón porogateri inantara Baal. ³³ Yamë antagaisati ira Madianitas , ira Amalecitas ayke ira imatsigengajegira yapatotaiganaka. Yabisaiganakero ora Jordán aike itimaigapë kara Jezreel. ³⁴ Ayke iserera tosorintsi ipogopë kara Gedeón. Gedeón otibotero tiborintsi ,ikamerine imatsigenga irashi Abiezer, iragetankimarira. ³⁵ Iriro igage iragataneegi kara Manasés , aysa irirojegi ikamëtaganakeri iragetaiganakeri . Aisa iriro igage igataneegi kanta Aser , Zabulón ayke Neftalí , aisa irirojegi iatagë iranepëri. ³⁶ Gedeón ikankeri tosorintsi ,''obiro pikogika nangabintsairo Israel , pikanti obiro ³⁷ Pinetse nogini naro imasi oisha kara asobibatsa. Kajarika ora manchaginchira , aysa kara kebatsikera parearoka , aro naro nigoge nangabintsairo Israel , aronta pikanke'' ³⁸ Irotake kantëncha - Gedeón itinanaka koniamanike kara pasini katagiteri , ipogosantero jirotsa ayke yobiakero ojaa jirotsa , antagati irajagantagentemaro nija . ³⁹ Ira Gedeón ikankero tosorintsi,''kero pigisanijintajina , naro patiro nanibataymi yamë. Nogironta oka mantsagintsisite . Yamë pobarietiro ora manchangichisite , aike pinintakagina ongasite. ⁴⁰ Tosorintsi ikankero ora yamanakerira chitinigitegë. Ora mantsangintsisite piriero okasitabega .