¹ Yamëca,Jefté ira Galaadita irianti sërari karari irianti otomi ogantasibagetaga.Ira iriri ijita Galaad. ² Ora iina Galaad otsomagekeri pasini otomijegi. Aisati otomijegi iina ikibiaiganake igatsataigeri Jefté irisotogane ibangoke ikantaigeri,'' kero pasintemata obiro inasegachi pongotsigeka. Obianti otomi pasini tsinane.'' ³ Aisati Jefté isotoganai ibangoke, iataji itimopai igibatsiteke Tob. Itsipaibari serarijegi te ingomeitaige yogiataiganakeri. ⁴ Pabisanai katagiteripage, ora timagantsi Amonita otinanaga kara onterori Israel. ⁵ Aike ira Amonitas intaigapero, ira gotasantaigachira iataige ingogaigantiri ira Jefté iromaigapairi kara igebatsiteke Tob. ⁶ Ikantaigaperi Jefté:''Jokae pobatakagagabaina arota nantaigeri ira matsigengajegi asi Amón''. ⁷ Jefté yotabitaneri ira antyasipariegi, ''obirojegipigisanijintaigena,pigagataigena,pijogaigena kara ibangoke apati. Pairo pipogatetobitaigabena yameka pikimagetegotaigiri. ⁸ Ira antyasipariegi pañaigacha Galaad yotabitaganakeri ''Irootage nipigobitaigaara, jokae pintaigaperi Amonitas, aike pintingomintaigapaina, antagisati timaigatsi kara Galaad. ⁹ Jefté Yotabitaiganakeri ora gotasantaigachira pañacha galaad,'' pagaiganajinaka nobangoke nantaigaperi ira Amonitas, aike Tosorintsi iraganatakakai,'' naro pintingomintaigaiIrama.'' ¹⁰ Ira Tosorintsi iranetsekobentai yameka yaka kara ikankairi!.'' ¹¹ Aike ira Jefté ipiganaja itsibataiganajari gotasantaigachira kara timagantsike Galaad, itingomintaigapari . ipogaigape igitike Tosorintsi kara Mispake,Jefté yotsitagekero ora ikantagetaigerira. ¹² Yameka Jefté igatagege komantantachira kanta itingomiginta Amonitasati,ikantaigaperi:''¿jatiti ora kimingarora nasiegi?¿pairo pagabitsatobitaigapenaro nagibatsite sinchiatisonori?''. ¹³ Ira itingomi amonitajegi yotabitaneri:''Okanta kara ipogaige israeritaegi kara Ejipto,yasintaigenaro nagibatsite jitacha Arnón irooti Jaboc,aisti irootiJordán. Pigibigaigainaro nagibatsite kaninasati.'' ¹⁴ Aike Jefté igataji aisati kara itingomike Amonitas ¹⁵ aike ikanke :'''Iroroja oka ikanke ira Jefté:israel teni agabitsataigemiro pigibatsite Moab aike kibatsi irasi Amonitas. ¹⁶ Kara ipogaigeri ipañagaa Ejiptoke, ikenaige piriabatsarike irooti angareke kirajaro ,irooti Cades ¹⁷ Kara Israel pigage komantantachira kara itingomi Edom; ikantaige:Nokogaigini nabisaiganake pigibatsitekika;ira itingomi Edom teni irangemaigeri. Aisati igataige komantantaigatsira kara itingomi Moab,kara teni iraninte.aike israel peroke pineri kara Kades. ¹⁸ Aike aisati iataige kanta piriabatsarike iatasantaige janta ikenagitaigero ora timagantsi Moab,isamaiganake pasinigitegi Arnón. Kara teni irangenaige kara kibatsike Moab. ¹⁹ Israel pigage komantantachira kara Sehón itingomiegi Amonitas,ira obantabetacha kara Hesbón;Israel okanke:'Nokogaigini pigabisaigena yaka pigebatsitekika. ²⁰ Kara teni Sehón irajitsatiri kara iragabisaigeriri. Yameka ira Sehón yapatoigeri isoraroteegi iataige kara Jahaza,aike kara, intobakaigaka ichibatakari Israel. ²¹ Aike ira Tosorintsi,otasorintsite Israel, yogeri obegoke Israel itsongaigeri itsongaigeri. Yameka yagetaigeri igebatsite itimasegaigiri. ²² Irirojegi yagetaigeri antagaisati inasegatsi tsomagira, irasijegi Amonitas,irooti Arnón, irooti kara Jacob aike kara piriabatsarike Jordán. ²⁵ yameka ira Tosorintsi, otasorintsite Israel yomisotogaigeri ira Amonitajegi, aike ¿obiro agerone ora kibatsira?. ²³ ¿Teni pagiro ora kibatsira,ipabetemira Tosorintsi? Antagaisati ora ipabetagaira Tosorintsi agaigero eiroegi. ²⁴ Yameka ¿obianti aisonori itomi kaninarisonori Balac itomi Zipor,otingomi Moab? ¿Aroka pinemataigairi israeritajegi?¿aroge pintabetaigakari irirojegi?. ²⁶ Yameka Israel otimaji 300 osarini kara Hesbón aike ogebatsitepage,aike kara Aroer aisa ogibatsitepagaisati timamentotsipage, Arnón ¿pairo te pagobitajiro jiraisonori?. ²⁷ naro teni pairora nangantimira, pogibitagasitanena obiro. Ira tosorintsisonorira iriro agantagebaironera ora timagantsi Israel aisati timagantsi Amón. ²⁸ Ira obantatsira timagantsike irasi Amón ijogobetiro ora ikomantabitari Jefté. ²⁹ Aike ora isere tosorintsi pipogasiberi Jefté, pabisabe kara Galaad aige Manasés, nabisanae Mizpa, Galaad aige Mizpa Galaad yabisane irooti timagantsi kara Amón. ³⁰ Jefté ineaberi ira tosorintsi: pomenaroka pisintsire ora nangisankimarira timaigatsi Amón, ³¹ pisotagetasitaigema kara sotora pongotsi pineakentinaka kara nopigayma kaninasaty nangenapae kara timagantsikë Amon , oviro pasi tosorintsi , karari nomasitemari naro. ³² Irari Jefté yabisane timagantsikë Amón kara ingisageiriri, aige tosorintsi imageri isintsire. ³³ iriro yoganaitobaka iiroti Aroer iroti janta pibega Minit-- 20 timagantsipage irooti Abel Keramin. aige timagantsi kara Amón yogegero kara ongoiragero timagantsi israel. ³⁴ Jefté ipogope ibangoke Mispa, aitio irisinto pisotogane oniageri tokatagetagatsira. iroro paniro irisinto, kasigoniati iroro teni irinamate itomi tenisati irisonto . ³⁵ Aronti iriro ineabaro , ipogotokotabëro yogaseraga ikankero; ''¡ nasinto ! ¡ oviro pogaseretakagasantëna , pogatsitasantëna! naro nakantakakerini kantagantsi tosorintsi , naro kero nakantajiro ora nakantagetira jirai. ³⁶ Okaneri iroro; '' pabati , pobetsikakeri oviro Tosorintsi , pingantinaro ora pikantageginara , ira Tosorintsi iriro pëgabentaimi ira kisanijintimira obiro, ira amonitas." ³⁷ Iroro okankeri:'' poganairo nakantagetira iroonti nasi. poganena pite mantsakori,naro najantemara nabisagetanero tongaripage nangatsibagete naro aisa nakarataigira. ³⁸ 38 Yotabitanero: "pijate."igagero sotonta pite mantsakori. iroro ojoganero, iroro aike omatsigengajeki, pirakotaigero kara terairi ontante. ³⁹ Karari pite mantsakori, ipigapaa iiri, ikantakakero poro sanginarentsi ora ikankera. Yameka iroro tenisonori osamakagajiri serari, aigeri pamega kara Israel. ⁴⁰ Ora irisintoegi Israel patironage osarini, aike otsiba katagiteri, kara ingegaigairo kengabagetagantsi irisinto Jefté kara Galaaditas.