¹ Yameka ira agiatiri Abimelec , itinanaka Tola itomi Pua, itomi Dodo, iserarite Isacar ira timabetacha kara Samir kara otisigiteke Efrain,kara ikabintserori Israel. ² Iriro ikantobikero Israel irooti 23 osarini. Ikamake iake ytyakengini kara Samir. ³ Aro okankari ira Galaadita.Iriro ikantobikero ora Israel 22 osarini. ⁴ Iriro yasinka tojaisonori itomijegi ikarataigi 30 yotetaiga morapageke aike yasintaigaka 30 igebatsitejagi kara timagantsike Galaad ojitaiga Havot Jair iroti yameka. ⁵ Jair ikamake aike ityiajengini kara Camon. ⁶ Ora timagantsi Israel yogatsitairo ora kimingaropage, yamanagetaigeri ira vaalesjegi,Astarot,ira itasorintsiteegi Aram,itasorintsiteegi moab,otasorintsite ora timagantsi Amón aike itasorintsiteegi ira Filisteosati.Irirogegi yomagisantaigeri Tosorintsi teni iromanatsataigairi. ⁷ Ira Tosorintsi igisasantaka sinchiatisonori ipimantaigerkara Filisteojegike aike Amonitajegi. ⁸ Irirojegi yobaseretaigaka ora Timagantsi Israel orooti 18 osarini igisanijintaigeri kra Jordan kara igibatsiteke Amorreosati, iroti Galaad. ⁹ Aike ira Amonitas imontyaiganaka Jordanke,kara irantaigerori Judá, intsibatemaro Benjamín aike ibngo Efraín,yameka israel pogasereka. ¹⁰ Yameka ora timagantsi Israel pamanatsatasanteri Tosorintsi, okanke ''nakantaigëro ora kimingaropage,teni nomatsataigaimi obiro namanatsatagetaigëri pasinipage Tosorintsipage baales''. ¹¹ Ira Tosorintsi ikankero ora timagantsi Israel,''¿teko nagaigaimi kara ejiptokë,amorreokë,Amonitakë,aike Filisteakë ¹² aike Sidoniogë?'' ira Amaresitajegi aike Maonitajeki sinchiatisonori pamanatsataigëna. ¹³ Aro okanaka pijogaiganakena pamanatsatagetaiganakeri pasinipage tosorintsi. Yamëka kero nagaigaimi. ¹⁴ Pijataige pomanatsataigëntiri pitasorintsiteegi. Anchita iromitokotaigaimi kara pikimingagetegotaigiri. ¹⁵ Ora timagantsi Israel okanke ''nakantaigëro quimingaropage.Pingantaigaina caninarora. Patirojanti pisaribataigaina yamëka. ¹⁶ Irirojegi yamanatsataiganajiri Tosorintsi. Aike ira Tosorintsi teni iraninte irobasëretaigaima Israeritajagi. ¹⁷ Yamëka , ira amonitas yapatoitobakaigaka itimaigë kara Galaad, ira israeritajegi yapatoitobakaigaka isamaigë kara Mizpakë. ¹⁸ Ira Itingomieki Galaasati yosamitobagetaiganaka,''¿Pairi sërari parintëngichane irankeri Amonitasati? iriro tingomintajimarone ora Timagantsi Galaad.