¹ ira sërarigegi ira inatsi Eprainkë ikantagëri ira Gereon,¿paro ogita oka pikantagënaka?¿tetasha pingaimaigena kara pintaigëri ira Mariansati? kara pinibataigëri omapagesonori. ² aige ikantagëri irirogegi: ¿pairo nakanke naronoshigagëmi obirogegi? ¿kagarosha ora ongarataga oba irashi Eprain kaninaro obigitagantsi ora monkaratacha ora oba irashi abieseri? ³ !tosorintsi ipaigëmiro ora kaninatagantsi gara inaigi itingomipage kara Mariankë -- Orebikë aisati Seebikë! ¿ pairo nagë naro gara poshigaigëna obirogegi? kara igisaigasëgari imairetaganagi kara ikankeri negaka. ⁴ Gereon ipogopë kara jorirankë aike imontyanakaro, iriro aisati 300 tsërarigegï ikarataigasegira. irirogegi aroge imagotaigë, aikero ipatimataigëri. aisati ikantaigëri ira sërarigegi Sokotisati: "pomitokotinaro, ⁵ pomagënari pan ika nomatsigengagegi ika agiaitaigenaka, arogenta iririgegi imagotaigë narogerai nopatimatagerini ira Sebasati aisati Sarimonasati, iririgegi itigomiegï ira Mariankë." ⁶ ira itingomiegi soraro ikantaigaigeri,"¿yamiga arogesha nogaigëmiri ira Sebasati aisati Sarimonasati arogenta nopaigëmiri? ¿pairo nomabirigeri iraperi ira pisoraroteegï? ⁷ Gereon ikanë:" kara imagairo tosorintsi kara aganatëmari ora sebasati aisati Sarimonasati, arotasha nangitangakimiro obirogegi ora totseipage kara tera ontimengani." ⁸ iriro itoganakë irooti kara Peñeerikï aisati inibatagabëri ira timaigatsi kanta irosati ikanpëri, karari ira sïrarigegi peñerisati yotabitaiganake ibegaigaira sokosati inibataiganakeri. ⁹ ira imatsikengajegi peñerisatigegi ikantanganakeri: "aroka opigaima oganinagetanae, narosha tiborokerone ota okibeitsata pongatsi." ¹⁰ yami ira, sebasati aisati Sarimonasati inasegaigi kara karikorikë ikaratasëgiri ira isorarotaegi,ikarati 15 isoraroteegi, omagaro ira inatsira kara timagantsi kara ikiro ira obariatsira, yami yogënganinta 120,000 sërari ira yogometaigëra kara ingisabakagatëmarori ora isabiritegegi ¹¹ Gereon itonganake kara abatsigë kara inasegaigi imatsigengagegi kara pinageti ibagotyarekipage ora yagaigera, yabisanakero Noba aisati Jogbea.kara intobakari iganatagagairi ira ogerigegi, tenta iragamasegimani kara rantagëriri. ¹² Sebasati aisti Sarimonasati ishigaiganaka, irirokerai Gereon ipatimatasëgaigiri, iriro yagaigëri pitiroti itingomi ira Mariansati Sebasati aisati Sarimonasati - itsorogasantaïganake antagaisati isoraroteegi. ¹³ Gereon, itomi ira Joashi, ipiaga kara yoganaitobakintari kara ikenagi Ereshiki. ¹⁴ aike itongimotobakari poro oboina Sokotisati ikanbëri pingomatagetina. ira oboina ikomatagotëgekeri ira itigomiegi Sokotisati aisati antyashipariegi,77 sërarigegi. ¹⁵ Gereon ipogashibëri ira sïrarigegi ira Sokotisati ikanpëri: pinetsaige kara Sebegï aisati sarimonakï, yamika pitsangagëna naro aisati pikataiganake : !¿arogemï pintaigëri ira Sebasati aisati Sarimonasati? teni nagotaigenaro aroka nomaigëri iraberi ira pisoraroteegï." ¹⁶ Gereon yagagëri ira antyasipariegï inatsira gara timagantsikë aike igisabintsageri ira sërarigegi ira Sokoosati kara ipagantabayetagagari totseipage kara otishikë terapairo inatsinera. ¹⁷ aisati iporokero ora okibeintsa pongatsi Peñerikë kara yogaigëriri ira sërarigegi ira inatsi kara timagantsikëra. ¹⁸ aisati, Gereon ikankeri ira Sebasati aisati Sarimonasati:" ¿pairi igitëmataiga ira sërarigegi ira pogaigëra kara Taborikë?''aige irirogegi yotabitaiganake: pikanta obiro, aisati ikataigaka irirogegi. paniropage irirogegi aisa yosigari itomi itingomi. ¹⁹ Gereon ikanë: irirogegi irianti igeegi, irianti otomigegi inato. itimini tosorintsi, kerome pogaigiri pingabintsaigerinime, kerosatime nogaigimi obirogegi ²⁰ iriro ikankeri Jeteri (ira iragibare):"¡ pintinanëma pogagëri!"garari ira iboina teni iragiro isabirite itsorokeninta, terainta irigibiasante. ira Sebasati aisati Sarimonasati ikantaigë ²¹ :"¡ pintinaima obinenima pogaigëna!" aronta ikanta sërari kara isintsitaigi.!" Gereon ikabiritaga yogëri Sebasati aisati Sarimonasati. aige yagëtagegeri itsatanepage yosikagantagari aganisati manchagori ora yogatsonotara kameyopage. ²² aisati,ira sërarigegi ira ishiraerisati ikantageri ira Gereon :pintigominbintagaina;- obiro, aige pitomi aisati picharine- obironta kabintsaigana kara iragaigëname Mariansati. ²³ Gereon ikantaigëri:kero natigomibintaigimi obirogegi,kerosati natomi,ira Tosorintsi tingomibintaigëmine obirogegi ²⁴ Gereon ikantagëri: pinitakagaigëna oka nomanagëmika: paniropage obirogegi pomainari ira pogagimitaropage ira pogetaigira." ( iara Marianitagegi yogagiagari irogagïmitaro ira koboriaripage irirogeginta isimaeritaegï). ²⁵ irirogegi yotabitaiganake:" nakaigataiganake kara nomaigëmiri ." irirogëgi imatagaiganakero ora itataigara paniropage sërarigegi imiogagetanero ora yogantagetari ira irogagimitaropage ora yogantagetaigarira. ²⁶ kara itenati ira irogagimitaropage iriantinta koboriaripage ora yamanagetaigëra itenati 18.7 kirokaramoira koboriaripage. oka yogantagetarika pasini okanta ora yogetaigara yosigari aganisati manchagori, ira irogagimitaropage, aisati imachaki kisa kiramagori ora ikaigira itingomipage ira Mariansati, aisati okanta ora yogatsonotara ira igameyotepage. ²⁷ Gereon ikanke poro manchagitsi ikantakaro irogagimitaropage aisati yogëro kara itimiri, kara Oparekë, omagaro isiraeritasati yamanokotagëiro ora manchagintsi iroro ikatagëtaganakero ora tera onganiatëmate. oka okantomotanëri Gereon te onganinatemate aisati ira timatsi ibangokë. ²⁸ aro okanka nega, ira marian yamentaiganagari ira isiraeritagegi iroti kara teni irantaigairi aisati. iroti kara itimagai kaninasati 40 osarini, iroti kara katagiterigë inë Gereron. ²⁹ Jerobaari (Gereon), itomi joasi, iake itimopai kara irasikë ibango. ³⁰ Gereon ikarati 70 itomigegi,irirogegi inatsigengagegi, tojainita iinajegi. ³¹ ora ironomire, kara inasegi kara Sikenkë, opëri poro otomi aisati Gereon igigeri iribagiro Abimerek. ³² Gereon, itomi Joasi, ikamake aroke intyasiparitasantë aisati ityeakengani kara Oparakë, aisati kara ityiakengani iriri Joasi, kara itojaigi imatsigenga irasi Abieseritagegi. ³³ okanaka nega, kara ikamanë Gereon, ora timagantsi isiraeri aitosati yogatsitairo ora tera ongomeitatomotiri Tosorintsi yamanokotasigari Baari. irirogegi igitaigëri Baari Beri igitaigëri itasorintsite. ³⁴ ora timagantsi ira isiraeri teni ingegagairi ira Itosorintsite, ira kabintsaigairi kara yagabitaigagari ira kisanigintaigirira kara ishongaigagariri. ³⁵ irirogegi teni irogaigero ora ikantakakeri kara ibangokë Jeroboari (iriati , Gereon), kara ikantagegerori kaninaropage kanta isiraerikë.