1 Ira irogomerejegira Efrain isotogaiganake; Irirojegi yabisaiganake Zafon aige ikantaiganakeri ira Jefte , ''¿payro pabisabige yaka pintero timagantsi irasi Amon teri pingomantinara nageatantagëmira? Natagataigëmiroti pobango''. 2 Jefte ikaneri irirojegi , naro ayge natimomentojegi pineeti kisanaitobagagantsi nakaragero timagantsi irasi Amon . Kara nakaimemiro teni pomitikotaigena. 3 Naneabë kara te pomitokotaigena ,naanti sintsigero nagiseri irogomerejegi Amon , ira Tosorintsi ipëna isintsire . ¿Payro pikogasige yamë pingisentina? 4 Jefte yapatotaigeri irogomerejegi timatsi Galaad ayke igiseri Efrain. ira timaigatsira Galaad igisaigeri irogomere Efrain ikantaigëninta ,''obirojegi Galaaditas teni aro pintime Efrain -- kanta Efrain ayke Manases 5 Ira Gaalaaditas ineagëro onamijagë nija Jodán kara ikenaigi Efrain . Ira kaniatabetajachara irashi Efrain ikantagetaiganake , '' pigabisaigena pongoakëra'', ira Galaaditas yomisanteri , '' ¿obirojegi Efrateo?'' ingankeka ,''teni'' 6 iriroka ikantaigëri ''di;Shibolet'' ingankeka ''Sibolet'' (teni iragotiro irobetsikatsatiro kaninasati)Ira Galaaditas yagaigeri ayke itaigeri kara onamijage nija Jordan . 42 000 Efrateos kamëngatsi jiraira. 7 Jefte ijiga obantachiri kara Israel 6 osarini . Galaadita ira Jefte ikamake ayge iteitairi kara timagantsikë Galaad. 8 kara ikamakeri , Ibzán paniatsa Belén irirokerai obantachi Israel . 9 Iriro iinë 30 itomijegi. Iriro ipë 30 irisinto kara yagantaigiri. Aike iriro yagënti 30 irisinto basini matsigenga irasi itomijegi . Iriro kantagentatsi kara Israel tsiko osarini. 10 Ibzán ikamake iteitari kanta Belén. 11 Arogeke iriro , Elón ira Zabulonita iriroke tingomintajaro Israel. Iriroke kantagentaichi 10 osarini . 12 Elón ira Zabulonita ikamake iteitairi kanta Ajalón igebatsitekë Zabulón . 13 Arogeke iriro , Abdón itomi Hilel ira Piratonita irirokerai tingomintajaro Israel . 14 Irirokerai iriro ini 40 itomi aike 30 icharineegi . Irirojegi yasintaiganaka 70 asnos , irirokerai kantagentaichi 8 osarini kanta Israel. 15 Abdón itomira Hilel ira Piratonita ikamake iteitairi Piratón igebatsitekë Efraín kanta timagantsikë anchatosikë irasi Amalecitas