¹ Honine mupiluke akakutaminena Nyambi, ana ana himiwa. ² Ne muenede mushihemo, ci eli atuhimena Kilesite no kulipa mukonda wetu, onalikwama nupu no shitavelo yo muwa ouwa kwa Nyambi ³ Unone mukati kenu lelo kwakala shanga okuanekela yo lithzilo enji omango ouhe enji yolufumo, mukonda ei kailoile anu a Nyambi okukena. ⁴ Lelo kwakala mathzilo, kwa ambiwa yo anga lelo mwakwama lipome nene-yoihe kailohile. unone kwaloile kukandelela. ⁵ Mukonda mwa limuka shiwana ci kwithsa othzio oliyo no mango, nji munu okuhima lufumo-munu o, athzimu-oyu wa kushwana muvuso wa Kilesite na Nyambi. ⁶ Kupile munu oku miangela no maywi kwithsa, mukonda ko ei inu uwanji wa Nyambi paliyo wakukeyala kwa kakuna kuyuba. ⁷ Honine, lelo mwaliwana no . ⁸ Mukonda neli mwa milema, unohoni yamwe liyeye kwa Fumu. Muende ci ana oliyeye. ⁹ (Mukonda ushuka wo liyeye wouli nouwa wouhe, kukena, no shemwa), ¹⁰ nee mulifundishe ei ahima Fumu. ¹¹ Lelo mwa liwana no ikwama yoimango yo milema, unone muimonishe ci imango. ¹² Mukonda kwafisha onyi shanga ku amba eyi ana kwamanga kumbali. ¹³ Unone shinu shoshihe ou shimunyekiwa liyeye, kenge shimonahala. ¹⁴ Mukonda shinu shoshihe shimonahaa mwethzi. Honi kwa mbiwa ci, "opinduke, owe nalala, ne otunde kwa afu, ne Kilesite kenge aethsa kukoye." ¹⁵ Mukenge nawa omu muendela- mwaninga eci akakuna kunyanyama unone munyanyame. ¹⁶ Muloishe shikati mukonda mayuwa anepa. ¹⁷ Honine, lelo wakala shihanga, unone oyuvishishe shihimo sha Nyambi eli shili. ¹⁸ Ne mwapenda waine, mukonda eyi yaleta mikwa thzo thzimango. Unoni, muyale mupepo oukenu, ¹⁹ mwambaule nangenjenu mulisamu mumembo no membo omupepo, mwiimbe no kukwamena Fumu milumo ko mucima wenu wouhe, ²⁰ shikati shoshihe mukandele ku inu yoihe, mulithzina lya Fumu wetu Jesu Kilesite kwa Nyambi Tata, ²¹ ko kulipaka kushi thzo angenjenu, kumuyapa Kilesite. ²² Ambuyama, mulipake kushi thza anu wenu, eci omu muna lipakela kushi thza Fumu, ²³ mukonda mukwelume yoliyo mutwe ombuyama eci Kilesite eli ali mutwe okeleke, aye muiyoishi woilama. ²⁴ Unone ci keleke omuthzina lipakela kushi thza Kilesite, honi ambuyama nawo alipake kushi thza anu wo muinu yoihe. ²⁵ Akwelume, muhime anu enu, ci Kilesite eli nahimi keleke no kulipaka mukonda wathzo ²⁶ ci athzikenishe, athzihupe komeyu no liywi, ²⁷ ci amonishe keleke kukwenji shinda ci thziwa (thzinaloho) thzo kupila mapwataka, nji man'onda nji shinu shoshihe sho kengeyo, unone ci thzikale thzo kukana no kukana kunyathzahala. ²⁸ Mulikun'wa lyofoci, akwelume aloela kuima anu wo eci elama yo. Yomuhe oyu hima munu wenji alihima aye shinda. ²⁹ Mukonda wahi twesha kuthzimba nyama thzenji, unone aipa yo kulya no kuibabale, eci Kilesite eli alele keleke no kuthzibabalela. ³⁰ Mukonda twa ilama, oshilama shenji. ³¹ "Mukonda wali libaka mukwelume kenge ashiya Tata wenji, na mama wenji no kukakala na munu wenji, ne awo eli kenge akupiluka nyama thzofoci," ³² Eyi yo shemwa inaholekiwa yiikulu- unone na amba ya Kilesite no keleke. ³³ Shanga kengeyo, munu no mun kukwenu ahime munu wenji eci eli alihima aye shinda, ne ambuyama akuteke anu wo.