¹ Ame, nehoni lipantiti lya Fumu, namilomba eci muende shiwana ko kushiwa namuishiwa. ² Namilomba eci muyoye ko unu no kupila no kukwata mucima ko mulitetela ko shihemo. ³ Mukwate nawa moyo wo nyama mu kuliyala. ⁴ Kuli shilama shofoci no mupepo wofoci, weci eli namuishiwa ku shikulupelo shenu shefoci. ⁵ Kalo kuli Nyambi yofoci, shitawo shofoci, kolovethzo thzofoci, ⁶ no Nyambi yofoci no Tata wo anu owahe, oyu lipeulu thzo anu owahe kalo oli kuko owahe no kukwama kuko owahe. ⁷ Tuna piwa shihemo twae kuthza mu shipimo sho shipiwa sha Kilesite. ⁸ Poliyo man'olo a amba ci: "Ou na kandukela kuwilu, shime a yoisha awa naa nyangiwa, no kupa ipiwa kwa anu." ⁹ Taluthso mwine thzo kuamba ci "Shime akandika," mukuninga lika kalo ci shime alumukela mu ivaka yo pakaye? ¹⁰ Oyu wa ulumukile kalo wa kandukile kupitelela mawilu owahe, eci a yalishelele enu yoihe. ¹¹ Kilesite shime a apa amweya ci akale apositola, amweya akale apolofita, amweya akale aka kukutathza, ne amweya akale alithsalana no afundishi ¹² shime apa eyi ikwama eci ayuvishishishe anu a Nyambi owakenu mu shikwama sho kulipa, eci atanalishe ilama ya Kilesite. ¹³ Oshitanalisha kalo ila wenji kupitela ou twa kukwama twheno mu shitawo shofoci no maano a mwana Nyambi kalo eci tutanale no kukuma pa shipimo sho kukwama sha Kilesite. ¹⁴ Kilesite atutanalisha eci twa kala weci anuke a henga hengiwa no man'ithsingi, kuwishiwa ku man'olo o mupepo no maayalo o n'anda ¹⁵ unone, ko tuamba yo shemwa mu shihemo twa kula kutuli mu likun'wa lyoyu tuli posho, aye, Kilesite. ¹⁶ Kilesite yo amaba ilama yoihe, ne inalingungeka no kulikwata pofoci, kengeyo yakwama ilama eci ikulele mu shihimo. ¹⁷ Nehoni namitongwela no kupaka kutundelela kwa Fumu, eci kalo mwaenda weci eli anaendanga anu angana, mu kupila okwathsi mu maano ho. ¹⁸ Ali mu milema ku kuyuvishisha ko, ali kokule no Nyambi mukonda wo kulilyanganisha ko, mukonda wo micima thzo thzothzikolo. ¹⁹ Kali no honyi ne analianga mu kukana kuyuva honyi omango wo ne akwama mikwa thzothzihe thzothzimango. ²⁰ Unone omu kali moliyo munulifundishela kwa Kilesite. ²¹ Nakulupela ci namuyuvu yenji, no kufundishiwa kukwenji, mukonda ushemwa uli kwa Jesu. ²² Shime mwa fundishiwile kushiya yo unu wenu wo kale, kushiya munu wo kale. Yoliyo ipisha mukonda wo maayalo enji o n'anda. ²³ Shime mwa fundishiwile eci muloishiwe mu mupepo wo Maayalo enu, ²⁴ no kuvata unu woupe wa kwaniwile mu kulupitula kwa Nyambi-mu kuloa ko shemwa no kukena. ²⁵ Nehoni, mushiye kuangela, ne munu ypmuhe atongole yo shemwa kwa mbushenji, mukonda twanu ofoci. ²⁶ Muanjipe unone mwa kwama shivi. Liyuwa lyaatoka kumushili mu uanji. ²⁷ Mwapa Diavulothzi maci. ²⁸ Oyu nethzanga ashiye withzi. Unone, aloela kukwama , kukwama yoiwa, eci akuwane shokupa awa anapili. ²⁹ Kwa puna liywi lyolimango mutunwa twenu. Mulikwathsishe pohuma maywi o kutunga kwa afota ape shihemo kwawa aahima. ³⁰ Kalo mwa anjipisha mupepo wa Nyambi woukenu, muna thswatwa mukonda wenji mu mayuwa o kuangululiwa. ³¹ Mushiye yoihe yoilulu, okalu, uanji, miyoyo, no maywi oamango, no umango wouhe. ³² Mukale no shihemo mukaci kenu, mucima wo n'eke, mulitetelange, ne eli namitetela Nyambi kwa Kilesite