¹ Mukonda weyi yame, Paulusi, no lipantiti lya Kilesite Jesu mukonda wenu amwe mwanu angana- ² Nahayala ci namuyuvu yo shikwama esho nanipiwa no n'eke thza Nyambi ethzi ninapiwa mukonda wenu. ³ Nahan'ola kuthza mukuhokoka oku kuna kutendahala no kukuninehethza. Ethzipo shemwa thzo kuholeka ethzi nimin'olelela muwipi. ⁴ Apa mubala eyi, henga mutwesha kuniyuva mukaci ko shemwa ethzi nathzi holekiwa thza Kilesite. ⁵ Mumasika amweya ethzi shemwa kana thzi limukiwa kwana anu. Ambene pano mupepo nauthzi hokwela apositola na apolofiti enji okukena. ⁶ Ethzi shemwa nathzi holekiwa thza monisha ci anu angana nawo angenjetu awa twakuyoya no, kalo angenjetu kushilama, kalo ali no shiyemba mushikulupelisho sha Kilesite Jesu mu evangeli. ⁷ Mukonda ame nina piluka no mupika wo thzi evangeli mushihemo sho ipiwa wa Nyambi kukwange mukukwama ko okolo wenji. ⁸ Ku kwange -kemona ci yame no shoonye kwaanu a Nyambi okukena-eshi shihemo neli na shipiwa, ci nikutathze anu angana ci afume Kilesite kokupila kufota fota ⁹ no kuleta popakenu maayalo enji kumani ni mani- ekomokisha ya holamine kwa Nyambi mu myaka thzothzingi, aye wombile inu yoihe. ¹⁰ Aa maayalo aa kuma ahokokile mulikun'wa lyo keleke nehoni a busi no mivuthso thzo muivaka yo kuilu alimuke manene omu unakalela onyanyami wa Nyambi. ¹¹ Eyi kuma naitendehala kuthza mumaayalo enji okukana kupwa aa nana tunwela kwa Kilesite Jesu Fumu wetu. ¹² Mukonda kwa Kilesite twawana kulyala no kupila wowa mukonda wo shikulupelo shetu kukwenji. ¹³ Nehoni namilomba lelo mwaaya mukonda wo ukwathsi wenu kukwange ou una piluka kwethsa kwenu. ¹⁴ Mukonda koshi shikuma na kinyamena manwi ange Tata, ¹⁵ wo kuninga ci lupasi lwo muwilu no pashi ahesha lithzina lyenji. ¹⁶ Nalomba ci amipe kutanala, no okolokuthza mukufuma ko kwethsa, kwenji mulikun'wa lyo mupepo wenji, owo uli mumuli thzenu. ¹⁷ Naloba ci Kilesite akale mu micima thzenu mulikun'wa lyo kukulupela, no matatekelo enu no mithzithzi thzenu thzi shime u shihemo shenji, ¹⁸ nehoni ci mutweshe kuyuvishisha, pofoci na anu wahe a Nyambi okukena, ci kanti kuyandumuka, no ole, no ole wokuthza muwilu, no thzungi, ¹⁹ no kulimuka shihemo sha Kilesite,eshi shikana kuliukiwa apa shikuma, nehoni mutweshe kuwana kuyala mukuyala kwenji Nyambi. ²⁰ Nehoni kukwenji aye twesha kukwama yo shokulu kupita yoihe eyi tu mulomba kapa kwa ayala, mulikun'wa lyo kolo wenji ou kwama ku kwetu, ²¹ kukwenji kukale kwethsa chechi no Kilesite Jesu ku mikuta ommahe kutwala posho. Ameni.